ਹੁਸ਼ਿਆਰਪੁਰ (ਬਿਊਰੋ) 

1 ਪਿਸਟਲ 32 ਬੋਰ, 1 ਪਿਸਟਲ 7.65 ਐਮ ਐਮ,ਅਤੇ ਇੱਕ ਰਿਵਾਲਵਰ 7.65 ਐਮ ਐਮ ਅਤੇ 10 ਰੋਂਦ ਜਿੰਦਾ ਬ੍ਰਾਮਦ

28 ਅਕਤੂਬਰ : 3 ਨਜਾਇਜ ਅਸਲੇ-1 ਪਿਸਟਲ 32 ਬੋਰ, 1 ਪਿਸਟਲ 7.65 ਐਮ ਐਮ,ਅਤੇ ਇੱਕ ਰਿਵਾਲਵਰ 7.65 ਐਮ ਐਮ ਅਤੇ 10 ਰੋਂਦ ਜਿੰਦਾ ਸਮੇਤ ਦੋ ਨੌਜਵਾਨਾਂ ਨੂੰ ਹੁਸ਼ਿਆਰਪੁਰ ਪੁਲਿਸ ਨੇ ਕਾਬੂ ਕੀਤਾ ਹੈ ।ਮੁਲਜ਼ਮਾਂ ਦੀ ਪਛਾਣ ਵਰੁਨ ਕੁਮਰਾ ਪੁੱਤਰ ਬਿਕਰਮ ਕੁਮਾਰ ਵਾਸੀ ਨਰਾਇਣ ਨਗਰ ਥਾਣਾ ਸਿਟੀ ਹੁਸ਼ਿ: ਅਤੇ ਮਨਦੀਪ ਸਿੰਘ ਉਰਫ ਮੀਪਾ ਪੁੱਤਰ ਕਸ਼ਮੀਰ ਲਾਲ ਵਾਸੀ ਪਿੰਡ ਮੋਹਾ ਥਾਣਾ ਟਾਂਡਾ ਜਿਲ੍ਹਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ ।

ਮਾਨਯੋਗ ਸਰਤਾਜ ਸਿੰਘ ਚਾਹਲ ਸੀਨੀਅਰ ਪੁਲਿਸ ਕਪਤਾਨ, ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪੰਜਾਬ ਸਰਕਾਰ ਵੱਲੋਂ ਸਮਾਜ ਵਿਰੋਧੀ ਮਾੜੇ ਅਨਸਰਾਂ ਖਿਲਾਫ ਮੁਹਿੰਮ ਨੂੰ ਹੁਲਾਰਾ ਦਿੰਦੇ ਹੋਏ ਸਰਬਜੀਤ ਸਿੰਘ ਪੀ ਪੀ ਐਸ ਪੁਲਿਸ ਕਪਤਾਨ ਤਫਤੀਸ਼ ਹੁਸ਼ਿਆਰਪੁਰ ਅਤੇ ਪਰਮਿੰਦਰ ਸਿੰਘ ਪੀ ਪੀ ਐਸ ਉੱਪ ਪੁਲਿਸ ਕਪਤਾਨ ਤਫਤੀਸ਼ ਹੁਸ਼ਿਆਰਪੁਰ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਬਲਵਿੰਦਰ ਪਾਲ ਇੰਚਾਰਜ਼ ਸੀ.ਆਈ.ਏ ਸਟਾਫ ਹੁਸ਼ਿਆਰਪੁਰ ਦੇ ਅਧੀਨ ਵਿਸ਼ੇਸ਼ ਟੀਮਾਂ ਵੱਲੋਂ ਜਿਲਾ ਹੁਸ਼ਿਆਰਪੁਰ ਏਰੀਆ ਵਿੱਚੋਂ 2 ਨੌਜਵਾਨਾਂ ਨੂੰ ਕਾਬੂ ਕਰਕੇ ਉਹਨਾਂ ਪਾਸੋਂ 3 ਨਜਾਇਜ ਪਿਸਟਲ ਬ੍ਰਾਮਦ। ਮਾਨਯੋਗ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਵਲੋਂ ਪ੍ਰੈਸ ਨੂੰ ਪ੍ਰੈੱਸ ਨੋਟ ਜਾਰੀ ਕਰਦੇ ਹੋਏ ਦੱਸਿਆ ਕਿ ਮਿਤੀ 28-10-2023 ਨੂੰ ਸੀ.ਆਈ.ਏ. ਸਟਾਫ ਵਿੱਚ ਤਾਇਨਾਤ ਏ. ਐਸ.ਆਈ. ਕੋਸ਼ਲ ਚੰਦਰ ਨੇ ਧੋਬੀ ਘਾਟ ਗੁੱਜਰਾਂ ਦੇ ਡੇਰੇ ਪਾਸੋਂ ਇੱਕ ਵਿਅਕਤੀ ਵਰੁਨ ਕੁਮਰਾ ਪੁੱਤਰ ਬਿਕਰਮ ਕੁਮਾਰ ਵਾਸੀ ਨਰਾਇਣ ਨਗਰ ਥਾਣਾ ਸਿਟੀ ਹੁਸ਼ਿਆਰਪੁਰ ਨੂੰ ਕਾਬੂ ਕਰਕੇ ਉਸ ਪਾਸੋਂ 1 ਪਿਸਟਲ 32 ਸਮੇਤ 4 ਰੋਂਦ ਬ੍ਰਾਮਦ ਕੀਤੇ ਤੇ ਦੋਸ਼ੀ ਦੇ ਖਿਲਾਫ ਮੁੱਕਦਮਾ ਨੰਬਰ 413 ਮਿਤੀ 27-10-2023 ਅ.ਧ. 25-54-59 ਅਸਲਾ ਐਕਟ ਥਾਣਾ ਸਿਟੀ ਹੁਸ਼ਿਆਰਪੁਰ ਦਰਜ ਕੀਤਾ। ਇਸੇ ਤਰ੍ਹਾਂ ਸੀ.ਆਈ.ਏ. ਸਟਾਫ ਵਿੱਚ ਤਾਇਨਾਤ ਏ.ਐਸ.ਆਈ. ਸੁੱਖਵਿੰਦਰ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੇ ਇਲਾਕਾ ਥਾਣਾ ਬੁੱਲੋਵਾਲ ਦੇ ਏਰਿਆਂ ਬੂਟੇ ਜੱਟਾ ਮੇਨ ਰੋਡ ਤੇ ਚੈਕਿੰਗ ਦੋਰਾਨ ਇੱਕ ਵਿਅਕਤੀ ਮਨਦੀਪ ਸਿੰਘ ਉਰਫ ਮੀਪਾ ਪੁੱਤਰ ਕਸ਼ਮੀਰ ਲਾਲ ਵਾਸੀ ਪਿੰਡ ਮੋਹਾ ਥਾਣਾ ਟਾਂਡਾ ਜਿਲ੍ਹਾ ਹੁਸ਼ਿਆਰਪੁਰ ਨੂੰ ਕਾਬੂ ਕਰਕੇ ਉਸ ਪਾਸੋਂ ਇੱਕ ਰਿਵਾਲਵਰ 7.65 ਐਮ.ਐਮ ਸਮੇਤ 2 ਰੋਂਦ ਜਿੰਦਾ ਅਤੇ ਇੱਕ ਪਿਸਟਲ 7.65 ਐਮ.ਐਮ ਸਮੇਤ 4 ਰੋਂਦ ਜਿੰਦਾ ਤੇ ਇੱਕ ਸਪੇਅਰ ਮੈਗਜੀਨ ਬ੍ਰਾਮਦ ਕਰਕੇ ਮੁੱਕਦਮਾ ਨੰਬਰ 165 ਮਿਤੀ 27-10-2023 ਅ.ਧ. 25-54-59 ਅਸਲਾ ਐਕਟ ਥਾਣਾ ਬੁੱਲੋਵਾਲ ਜਿਲ੍ਹਾ ਹੁਸ਼ਿਆਰਪੁਰ ਦਰਜ ਕੀਤਾ। ਉਕਤ ਗ੍ਰਿਫਤਾਰ ਦੋਸ਼ੀਆਂ ਪਾਸੋਂ ਪੁੱਛ ਗਿੱਛ ਜਾਰੀ ਹੈ ਜਿਨ੍ਹਾਂ ਨੂੰ ਅੱਜ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।