ਹੁਸ਼ਿਆਰਪੁਰ (ਬਿਊਰੋ) 

29 ਸਤੰਬਰ : ‘ਖੇਡਾਂ ਵਤਨ ਪੰਜਾਬ ਦੀਆਂ-2023’ ਦੇ ਜ਼ਿਲ੍ਹਾ ਪੱਧਰੀ ਫੁੱਟਬਾਲ ਮੁਕਾਬਲੇ ਮਾਹਿਲਪੁਰ, ਅਥਲੈਟਿਕਸ ਮੁਕਾਬਲੇ ਟਾਂਡਾ ਅਤੇ ਹੋਰ ਸਾਰੇ ਖੇਡ ਮੁਕਾਬਲੇ ਹੁਸ਼ਿਆਰਪੁਰ ਵਿਖੇ ਕਰਵਾਏ ਜਾ ਰਹੇ ਹਨ। ਜਾਣਕਾਰੀ ਦਿੰਦੇ ਹੋਏ ਜ਼ਿਲ੍ਹਾ ਖੇਡ ਅਫ਼ਸਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ 21-30 ਉਮਰ ਵਰਗ ਅਥਲੈਟਿਕਸ ਮੁਕਾਬਲਿਆਂ ਦੇ 100 ਮੀਟਰ ਮੁਕਾਬਲਿਆਂ ਵਿਚ ਅਭਿਸ਼ੇਕ ਰਾਣਾ ਪਹਿਲੇ,  ਹਿਤੇਸ਼ ਸੇਠ ਦੂਜੇ ਅਤੇ ਅਮਿਤ ਕੁਮਾਰ ਤੀਜੇ ਸਥਾਨ ’ਤੇ ਰਿਹਾ। ਲੜਕੀਆਂ ਦੇ ਮੁਕਾਬਲਿਆਂ ਵਿਚ ਸੁਨੰਦਾ ਪਹਿਲੇ, ਗੁਰਮੀਤ ਕੌਰ ਦੂਜੇ ਅਤੇ ਲਵਨੀਤ ਦੂਜੇ ਸਥਾਨ ’ਤੇ ਰਹੀ। 31-40 ਉਮਰ ਵਰਗ ਦੇ 100 ਮੀਟਰ ਮੁਕਾਬਲਿਆਂ ਵਿਚ ਸੁਖਦੇਵ ਸਿੰਘ ਪਹਿਲੇ, ਨਰਿੰਦਰ ਸਿੰਘ ਦੂਜੇ ਅਤੇ ਮਨਜਿੰਦਰ ਸਿੰਘ ਤੀਜੇ ਸਥਾਨ ’ਤੇ ਰਿਹਾ। 41-55 ਉਮਰ ਵਰਗ ਵਿਚ ਬਲਵੰਤ ਸਿੰਘ ਪਹਿਲੇ, ਹਰਜਿੰਦਰ ਸਿੰਘ ਦੂਜੇ ਅਤੇ ਸੁਖਵੀਰ ਸਿੰਘ ਤੀਜੇ ਸਥਾਨ ’ਤੇ ਰਿਹਾ। ਇਸੇ ਤਰ੍ਹਾਂ 600 ਮੀਟਰ ਦੌੜ ਅੰਡਰ-14 ਲੜਕੀਆਂ ਵਿਚ ਮਨੀਸ਼ਾ ਪਹਿਲੇ, ਆਰੂਸ਼ੀ ਦੂਜੇ ਅਤੇ ਸ਼ਿਵਾਨੀ ਤੀਜੇ ਸਥਾਨ ’ਤੇ ਰਹੀ ਜਦਕਿ ਲੜਕਿਆਂ ਵਿਚ ਰਵੀ ਕੁਮਾਰ ਪਹਿਲੇ, ਪ੍ਰਿਆਂਸ਼ੂ ਦੂਜੇ ਅਤੇ ਰਾਜੂ ਕੁਮਾਰ ਤੀਜੇ ਸਥਾਨ ’ਤੇ ਰਿਹਾ।
ਬੈਡਮਿੰਟਨ ਦੇ ਅੰਡਰ-14 ਲੜਕੀਆਂ ਦੇ ਮੁਕਾਬਲਿਆਂ ਵਿਚ ਈਸਾਨਾ ਸੈਣੀ ਪਹਿਲੇ, ਜਪਲੀਨ ਕੌਰ ਦੂਜੇ, ਜਗਮੀਤ ਕੌਰ ਤੀਜੇ ਅਤੇ ਹਰਲੀਨ ਕੌਰ ਚੌਥੇ ਸਥਾਨ ’ਤੇ ਰਹੀ। ਅੰਡਰ-17 ਲੜਕੀਆਂ ਦੇ ਮੁਕਾਬਲਿਆਂ ਵਿਚ ਸਾਨਵੀ ਪਹਿਲੇ, ਜਸਮੀਨ ਦੂਜੇ, ਸ੍ਰਿਸ਼ਟੀ ਤੀਜੇ ਅਤੇ ਪੂਜਾ ਚੌਥੇ ਸਥਾਨ ’ਤੇ ਰਹੀ।
ਅੰਡਰ-21 ਲੜਕੀਆਂ ਦੇ ਮੁਕਾਬਲੇ ਵਿਚ ਕ੍ਰਿਤਿਕਾ ਸ਼ਰਮਾ ਪਹਿਲੇ, ਤਜਿੰਦਰ ਕੌਰ ਦੂਜੇ ਅਤੇ ਦੇਵਾਨਾ ਸੋਢੀ ਤੀਜੇ ਸਥਾਨ ’ਤੇ ਰਹੀ। ਕਿੱਕ ਬਾਕਸਿੰਗ 28 ਕਿਲੋਭਾਰ ਵਰਗ ਵਿਚ ਪਲਵੀ ਚੌਹਾਨ ਪਹਿਲੇ, ਨਾਇਰਾ ਦੂਜੇ, ਅੰਜਲੀ ਕੁਮਾਰੀ ਅਤੇ ਨੇਹਾ ਬਹਿਲ ਤੀਜੇ ਸਥਾਨ ’ਤੇ ਰਹੀ। 32 ਕਿਲੋ ਭਾਰ ਵਰਗ ਵਿਚ ਅਰਪਿਤਾ ਪਹਿਲੇ ਅਤੇ ਪ੍ਰਯਤਨਜੀਤ ਕੌਰ ਦੂਜੇ ਸਥਾਨ ’ਤੇ ਰਹੀ। 37 ਕਿਲੋ ਭਾਰ ਵਰਗ ਵਿਚ ਕ੍ਰਿਤਿਕਾ ਪਹਿਲੇ, ਅਵਲੀਨ ਕੌਰ ਦੂਜੇ ਅਤੇ ਗੁਰਪ੍ਰੀਤ ਬੰਗਾ ਤੀਜੇ ਸਥਾਨ ’ਤੇ ਰਹੀ। ਫੁੱਟਬਾਲ ਅੰਡਰ-14 ਮੁਕਾਬਲਿਆਂ ਵਿਚ ਗੜ੍ਹਸ਼ੰਕਰ, ਅੰਡਰ-17 ਵਿਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਮੇਘੋਵਾਲ ਦੋਆਬਾ ਅਤੇ ਦੋਆਬਾ ਪਰਸੋਵਾਲ ਜੇਤੂ ਰਿਹਾ।
—