ਦਸੂਹਾ (ਚੌਧਰੀ) 

25 ਸਤੰਬਰ : 98ਵੀਂ ਓਪਨ ਪੰਜਾਬ ਸੀਨੀਅਰ ਅਤੇ ਜੂਨੀਅਰ ਐਥਲੈਟਿਕ ਚੈਂਪੀਅਨਸ਼ਿਪ-2023  ਜੋ ਕਿ ਸੰਗਰੂਰ ਵਿਖੇ 15 ਤੋਂ 17 ਸਤੰਬਰ 2023 ਕਰਵਾਈ ਗਈ। ਜਿਸ ਵਿਚ ਪਿਸ ਐਥਲੈਟਿਕ ਅਕੈਡਮੀ ਦਸੂਹਾ ਦੇ ਐਥਲੀਟਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਰਿਹਾ। ਜਿਸ ਵਿੱਚ ਅੰਡਰ-20 ਚ ਮਨਦੀਪ ਕੌਰ ਨੇ 5000 ਮੀਟਰ ਅਤੇ 1500 ਮੀਟਰ ਵਿਚ ਗੋਲਡ, ਕਮਲਦੀਪ ਕੌਰ = ਰੇਸ ਵਾਕ ਵਿਚ ਗੋਲਡ ਮੈਡਲ, ਪੂਜਾ ਨੇ 800 ਮੀਟਰ ਵਿਚ ਗੋਲਡ ਮੈਡਲ, ਦੀਯਾ ਨੇ ਰੇਸ ਵਾਕ ‘ਚ ਸਿਲਵਰ ਮੈਡਲ, ਹਰਪ੍ਰੀਤ ਕੌਰ ਨੇ 200 ਮੀਟਰ ਚ ਸਿਲਵਰ ਮੈਡਲ ਅਤੇ 400 ਮੀਟਰ ਰੇਸ ਵਿਚ ਕਾਂਸੇ ਮੈਡਲ, ਅੰਸ਼ਿਕਾ ਨੇ 5000 ਮੀਟਰ ਰੇਸ ਵਿਚ ਸਿਲਵਰ ਮੈਡਲ ਜਿੱਤਿਆ ਹੈ।

ਇਸੇ ਤਰ੍ਹਾਂ ਓਪਨ ਵਰਗ ਮੁਕਾਬਲੇ ਵਿਚ ਅਮਨਦੀਪ ਕੌਰ ਨੇ 1500 ਮੀਟਰ ਰੇਸ ਵਿਚ ਗੋਲਡ ਮੈਡਲ ਅਤੇ 800 ਮੀਟਰ ਰੇਸ ਵਿੱਚ ਕਾਂਸੇ ਮੈਡਲ, ਕਿਰਨ ਕੁਮਾਰੀ ਨੇ 10000 ਅਤੇ 5000 ਮੀਟਰ ਰੇਸ ਵਿਚ ਸਿਲਵਰ ਮੈਡਲ ਜਿੱਤਿਆ ਹੈ। ਇਸ ਮੌਕੇ ਕੋਚ ਦੀਪਕ ਕੁਮਾਰ, ਪਰਦੀਪ ਕੁਮਾਰ ਜੋਗੀ ਅਤੇ ਐਚ ਓ ਡੀ ਮੈਡਮ  ਡਾ ਲਖਵੀਰ ਕੌਰ ਨੇ ਜੇਤੂ ਖਿਡਾਰੀਆਂ ਨੂੰ ਵਧਾਈ ਦਿੱਤੀ ਅਤੇ ਹੋਰ ਮੇਹਨਤ ਕਰਨ ਲਈ ਪ੍ਰੇਰਿਤ ਕੀਤਾ।