ਪੰਜਾਬ ਦੇ ਮਸ਼ਹੂਰ ਗਾਇਕ ਮਾਸਟਰ ਸਲੀਮ ਸਮੇਤ ਕਈ ਸੂਫੀ ਗਾਇਕ ਸੰਗਤਾਂ ਨੂੰ ਨਿਹਾਲ਼ ਕਰਨਗੇ

ਗੜ੍ਹਦੀਵਾਲਾ :(ਯੋਗੇਸ਼ ਗੁਪਤਾ,ਚੌਧਰੀ)

28 ਜੂਨ : ਗੜ੍ਹਦੀਵਾਲਾ ਦੇ ਵਾਰਡ ਨੂੰ 10 ਵਿਖੇ ਹਜਰਤ ਭਰਪੂਰ ਸਾਹ ਜੀ ਬਲੀ ਦੇ ਦਰਬਾਰ ਤੇ ਸਲਾਨਾ ਮੇਲਾ ਦਰਗਹ ਦੇ ਮਹੰਤ ਮਨਜੀਤ ਉਰਫ ਬਿੱਲੀ ਮਹੰਤ ਅਤੇ ਮੁੱਖ ਸੇਵਾਦਾਰ ਬਿੱਲਾ ਪ੍ਰਧਾਨ ਦੀ ਅਗਵਾਈ ਵਿੱਚ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਬਹੁਤ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾ ਰਿਹਾ ਹੈ । ਜਿਸ ਦੀਆਂ ਤਿਆਰੀਆਂ ਮੁਕੰਮਲ ਹੋ ਗਈਆਂ ਹਨ । ਇਸ ਮੋਕੇ ਤੇ ਬਿੱਲੀ ਮਹੰਤ ਅਤੇੇ ਬਿੱਲੇ ਪ੍ਰਧਾਨ ਨੇ ਸਾਂਝੇ ਤੋਰ ਤੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਮੇਲੇ ਦੇ ਉੱਘੇ ਸਮਾਜ ਸੇਵਕ ਸਰਦਾਰ ਮਨਜੀਤ ਸਿੰਘ ਦਸੁਆ ਮੁਖ ਮਹਿਮਾਨ ਵਜੋਂ ਹਾਜ਼ਰੀ ਲਗਵਾਉਣਗੇ ਅਤੇ ਦੀ ਵੰਡ ਵੀ ਕਰਨਗੇ । ਪ੍ਰੋਗਰਾਮ ਬਾਰੇ ਜਾਣਕਾਰੀ ਦਿੰਦੇ ਹੋਏ ਓਹਨਾਂ ਨੇ ਦਸਿਆ ਕਿ 29 ਜੂਨ ਸ਼ਾਮ ਨੂੰ ਪੀਰਾਂ ਦੀ ਮਹਿੰਦੀ ਦੀ ਰਸਮ ਅਦਾ ਕੀਤੀ ਜਾਵੇਗੀ ਅਤੇ 30 ਤਰੀਕ ਨੂੰ ਸਭ ਤੋਂ ਪਹਿਲਾਂ ਸੰਗਤਾਂ ਦੀ ਹਾਜ਼ਰੀ ਵਿੱਚ ਝੰਡਾ ਚੜਾਉਣ ਦੀ ਰਸਮ ਅਦਾ ਕੀਤੀ ਜਾਵੇਗੀ , ਉਸ ਦੇ ਉਪਰੰਤ ਸ਼ਾਮ 5 ਵਜੇ ਪੀਰਾਂ ਦੀ ਚਾਦਰ ਚੜਾਉਣ ਦੀ ਰਸਮ ਅਦਾ ਕੀਤੀ ਜਾਵੇਗੀ । ਉਪਰੰਤ ਦੁਸਹਿਰਾ ਗਰਾਊਂਡ ਵਿੱਖੇ ਆਏ ਹੋਏ ਗਾਇਕ ਆਪਣਾ ਸੂਫੀ ਪ੍ਰੋਗਰਾਮ ਪੇਸ਼ ਕਰਨਗੇ, ਜਿਨ੍ਹਾਂ ਵਿਚ ਪੰਜਾਬ ਦੇ ਮਸ਼ਹੂਰ ਗਾਇਕ ਮਾਸਟਰ ਸਲੀਮ, ਫਿਰੋਜ ਖਾਨ, ਵਨੀਤ ਖਾਨ, ਬੂਟਾ ਮੁਹੱਮਦ, ਨਰਿੰਦਰ ਬੌਬੀ ਗੁਰਦਾਸ ਮਾਨ ਦੇ ਸ਼ਗਿਰਦ, ਰਵੀ ਕਵਾਲ, ਪੰਡਿਤ ਨਵੀਨ ਸ਼ਰਮਾਂ ਬੰਬੇ ਵਾਲ਼ੇ, ਅਤੇ ਸ਼ੇਖਰ ਮਲਿਕ ਆਈਆਂ ਹੋਈਆਂ ਸੰਗਤਾ ਨੂੰ ਅਪਣੀ ਗਾਇਕੀ ਨਾਲ ਸਰਾਬੋਰ ਕਰਣਗੇ । ਇਸ ਮੋਕੇ ਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਿਆ ਜਾਵੇਗਾ ਅਤੇ ਭਾਂਤ ਭਾਂਤ ਦੇ ਲੰਗਰ ਵੀ ਲਗਾਏ ਜਾਣਗੇ ।