ਬਟਾਲਾ (ਸ਼ਰਮਾ) 

ਤਿੰਨ ਨਕਾਬਪੋਸ਼ ਨੌਜਵਾਨਾਂ ਨੇ ਰਾਹ ਚ ਰੋਕ ਪਿਸਤੌਲ ਦੀ ਨੋਕ ਤੇ 1000 ਰੁਪਏ ਸਮੇਤ ਕਟਰ ਨਾਲ ਕੱਟ ਕੇ ਲਾਹੀ ਸੋਨੇ ਦੀ ਮੁੰਦਰੀ ਅਤੇ ਚਾਂਦੀ ਦਾ ਕੜਾ

17 ਜੂਨ  : ਪੋਸ਼ ਇਲਾਕੇ ਧਰਮਪੁਰਾ ਕਾਲੋਨੀ ਬਟਾਲਾ ਚ ਇਕ ਕਾਲਜ ਪ੍ਰੋਫੈਸਰ ਨਾਲ ਹੋਈ ਲੁੱਟ ਖੋਹ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਬਾਰੇ ਜਾਣਕਾਰੀ ਦੇਂਦੇ ਕਾਲਜ ਪ੍ਰੋਫੈਸਰ ਨਰੇਸ਼ ਪ੍ਰਭਾਕਰ ਨੇ ਦੱਸਿਆ ਕਿ ਉਹ ਰੋਜਾਨਾ ਦੀ ਤਰ੍ਹਾਂ ਆਪਣੇ ਘਰ ਨੇੜੇ ਪਹਾੜੀ ਗੇਟ ਬਟਾਲਾ ਤੋਂ ਕਰੀਬ 5:30 ਸਵੇਰੇ ਆਪਣੇ ਪਾਲਤੂ ਕੁਤੇ ਨੂੰ ਸੈਰ ਲਈ ਬਾਹਰ ਲੈਕੇ ਗਿਆ ਅਤੇ ਧਰਮਪੁਰਾ ਕਾਲੋਨੀ ਸਰਕਾਰੀ ਸਕੂਲ ਨੇੜੇ ਪਹੁਚਿਆ ਤਾ ਰਾਹ ਚ ਮੋਟਰਸਾਈਕਲ ਤੇ ਸਵਾਰ ਆਏ 3 ਨਕਾਬਪੋਸ਼ ਨੌਜਵਾਨਾਂ ਨੇ ਉਸਨੂੰ ਰਾਹ ਚ ਰੋਕ ਕੇ ਪਹਿਲਾ ਦਾਤਰ ਅਤੇ ਪਿਸਤੌਲ ਦਿਖਾ ਕੇ ਕਿਹਾ ਕਿ ” ਕੋਈ ਸੇਵਾ ਪਾਓ ” ਅਤੇ ਮੁੜ ਜੇਬਾਂ ਫੋਲਣੀਆਂ ਸ਼ੁਰੂ ਕਰ ਦਿਤੀਆਂ ਅਤੇ ਜੇਬ ਚ ਇਕ ਹਜ਼ਾਰ ਰੁਪਏ ਸੀ ਉਹ ਲੈਕੇ ਸੋਨੇ ਦੀ ਮੁੰਦਰੀ ਲਾਉਣ ਲਈ ਕਿਹਾ ਲੇਕਿਨ ਮੁੰਦਰੀ ਨਹੀਂ ਉਤਰੀ ਤਾ ਉਹਨਾਂ ਆਪਣੇ ਕੋਲੋਂ ਕਟਰ ਨਾਲ ਮੁੰਦਰੀ ਕਟ ਲਈ ਅਤੇ ਚਾਂਦੀ ਦਾ ਕੜਾ ਵੀ ਬਾਹ ਤੋਂ ਲਾ ਲਿਆ ਅਤੇ ਮੁੜ ਫਰਾਰ ਹੋ ਗਏ ।ਉਥੇ ਹੀ ਨਰੇਸ਼ ਪ੍ਰਭਾਕਰ ਨੇ ਦੱਸਿਆ ਕਿ ਉਹਨਾਂ ਵਲੋਂ ਇਸ ਪੂਰੀ ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਦਿਤੀ ਗਈ ਹੈ ।
. ਉਧਰ ਇਸ ਮਾਮਲੇ ਚ ਪੁਲਿਸ ਥਾਣਾ ਸਿਟੀ ਵਲੋਂ ਇਸ ਮਾਮਲੇ ਚ ਤਫਤੀਸ਼ ਕੀਤੀ ਜਾ ਰਹੀ ਹੈ । ਪੁਲਿਸ ਅਧਿਕਾਰੀ ਮਨਬੀਰ ਸਿੰਘ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਸ਼ਕਾਇਤ ਮਿਲੀ ਹੈ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਸੀਸੀਟੀਵੀ ਕੈਮਰਾ ਦੀ ਫੁਟੇਜ ਖੰਗਾਲੀ ਜਾ ਰਹੀ ਹੈ |