ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ / ਚੌਧਰੀ) 

6 ਜੂਨ : ਅੱਜ ਗੜ੍ਹਦੀਵਾਲਾ ਵਿਖੇ ਦਿਨ ਦਿਹਾੜੇ ਅਣਪਛਾਤੇ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਵਲੋ ਇੱਕ ਬਜੁਰਗ ਔਰਤ ਦੇ ਕੰਨਾਂ ਦੀਆਂ ਵਾਲੀਆਂ ਝਪਟ ਕੇ ਫਰਾਰ ਹੋ ਜਾਣ ਦਾ ਸਮਾਚਾਰ ਮਿਲਿਆ ਹੈ।ਜਿਸ ਨਾਲ ਸ਼ਹਿਰ ਵਾਸੀਆਂ ਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।ਪੀੜਤ ਬਜੁਰਗ ਮਹਿਲਾ ਦੇ ਪਤੀ ਚੇਤਨ ਵਾਰਡ 1 ਵਾਸੀ ਗੜ੍ਹਦੀਵਾਲਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਦੱਸਿਆ ਕਿ ਉਸਦੀ ਪਤਨੀ ਕੌਸ਼ਲਿਆ ਰਾਧਾ ਸੁਆਮੀ ਸਤਸੰਗ ਘਰ ਗੜ੍ਹਦੀਵਾਲਾ ਤੋ ਸੇਵਾ ਕਰਨ ਉਪਰੰਤ ਟਾਂਡਾ ਮੋੜ ਤੋ ਪੈਦਲ ਆਪਣੇ ਘਰ ਨੂੰ ਆ ਰਹੀ ਸੀ, ਜਦੋਂ ਉਹ ਘਰ ਤੋ ਥੋੜਾ ਪਿੱਛੇ ਤਹਿਸੀਲ ਰੋਡ ਦੇ ਨਜਦੀਕ ਪੁਜੀ ਤਾਂ ਇੰਨੇ ਨੂੰ ਇੱਕ ਚਿੱਟੇ ਕੱਪੜੇ ਪਹਿਨੇ ਵਿਅਕਤੀ ਦੂਸਰੇ ਪਾਸਿਓਂ ਇੱਕ ਮੋਟਰਸਾਈਕਲ ਤੋ ਉੱਤਰ ਕੇ ਪੈਦਲ ਆਇਆ ਤੇ ਸ਼ਿਵ ਜੀ ਦੇ ਮੰਦਿਰ ਬਾਰੇ ਪੁੱਛਣ ਲੱਗਾ । ਜਦੋਂ ਪੀੜਤਾ ਕੌਸ਼ਲਿਆ ਦੇਵੀ ਨੇ ਦੱਸਣ ਤੋਂ ਬਾਅਦ ਅੱਗੇ ਘਰ ਵੱਲ ਜਾਣ ਲੱਗੀ ਤਾਂ ਦੂਜੇ ਮੋਟਰਸਾਈਕਲ ਤੇ ਸਵਾਰ ਇਕ ਹੋਰ ਵਿਅਕਤੀ ਤੇ ਔਰਤ ਨੇ ਪੀੜਤਾ ਨੂੰ ਕਿਹਾ ਕਿ ਜਿਸ ਵਿਅਕਤੀ ਨੇ ਮੰਦਿਰ ਦਾ ਪਤਾ ਪੁੱਛਿਆ ਉਹ ਇੱਕ ਬਹੁਤ ਪਹੁੰਚਿਆ ਹੋਇਆ ਫੱਕਰ ਹੈ । ਪੀੜਤਾ ਦੇ ਪਤੀ ਚੇਤਨ ਰਾਮ ਦੱਸਿਆ ਕਿ ਇੰਨੇ ਨੂੰ ਸ਼ਿਵ ਮੰਦਿਰ ਦਾ ਰਸਤਾ ਪੁੱਛਣ ਵਾਲਾ ਵਿਅਕਤੀ ਵਾਪਿਸ ਉਸਦੀ ਪਤਨੀ ਕੋਲ ਆਇਆ ਤੇ ਉਸਨੇ ਜੇਬ ਵਿਚੋਂ ਰੁਮਾਲ ਕੱਢ ਕੇ ਉਸਦੀ ਪਤਨੀ ਨੂੰ ਕੁਜ ਨਸ਼ੀਲੀ ਚੀਜ ਸੁੰਘਾ ਦਿੱਤਾ। ਜਿਸ ਨਾਲ ਉਹ ਕੁਝ ਸਮੇਂ ਲਈ ਸੁਧਬੁਧ ਖੋ ਬੈਠੀ। ਇੰਨੇ ਨੂੰ ਉਸਦੇ ਕੰਨਾਂ ਚੋਂ ਸੋਨੇ ਦੀਆਂ ਵਾਲੀਆਂ ਝਪਟ ਕੇ ਲੁਟੇਰੇ ਟਾਂਡਾ ਮੋੜ ਤੋਂ ਦਸੂਹਾ ਵੱਲ ਨੂੰ ਫਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਘਟਨਾ ਦਾ ਪਤਾ ਲੱਗਦਿਆਂ ਮੌਕੇ ਤੇ ਥਾਣਾ ਮੁੱਖੀ ਸਬ-ਇੰਸਪੈਕਟਰ ਮਲਕੀਅਤ ਸਿੰਘ ਨੇ ਪੁੱਜ ਕੇ ਸਥਿਤੀ ਦਾ ਜਾਇਜ਼ਾ ਲਿਆ । ਲੁਟੇਰਿਆਂ ਦੀ ਭਾਲ ਲਈ ਸ਼ਹਿਰ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਨੂੰ ਪੁਲਿਸ ਖੰਗਾਲ ਰਹੀ ਹੈ । ਲੇਕਿਨ ਸ਼ਹਿਰ ਵਾਸੀਆਂ ਚ ਦਹਸ਼ਤ ਦਾ ਮਹੌਲ ਬਣ ਗਿਆ ਹੈ ।