ਦੋਸੜਕਾ / ਗੜ੍ਹਦੀਵਾਲਾ (ਚੌਧਰੀ)

30 ਮਈ : ਅੱਜ ਕਸਬਾ ਹਰਿਆਣਾ ਦੇ ਪਿੰਡ ਧੂਤਕਲਾਂ ਵਿਖੇ ਚੋਰਾਂ ਨੇ ਇੱਕ ਘਰ ਨੂੰ ਆਪਣਾ ਨਿਸ਼ਾਨਾ ਬਣਾਉਂਦੇ ਹੋਏ ਵੱਡੀ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਰਣਜੀਤ ਸਿੰਘ ਉਰਫ ਭੋਲਾ ਪੁੱਤਰ ਹਰਨਾਮ ਸਿੰਘ ਵਾਸੀ ਧੂਤਕਲਾਂ ਦੀ ਪਤਨੀ ਨੇ ਦੱਸਿਆ ਮੇਰੇ ਪਤੀ ਰਣਜੀਤ ਸਿੰਘ ਟੂਰਿਸਟ ਬੱਸ ਚਲਾਉਂਦੇ ਹੈ। ਮੈਂ ਦੋ ਤਿੰਨ ਪਹਿਲੇ ਬੱਚਿਆਂ ਸਮੇਤ ਆਪਣੇ ਪੇਕੇ ਘਰ ਗਈ ਸੀ ਅਤੇ ਜਦੋਂ ਅੱਜ ਘਰ ਪਹੁੰਚੀ ਤਾਂ ਦੇਖਿਆ ਕਿ ਘਰ ਦੇ ਅੰਦਰ ਗੋਦਰੇਜ ਦੀ ਅਲਮਾਰੀਆਂ ਟੁਟੀਆਂ ਪਈਆਂ ਸੀ ਅਤੇ ਸਾਰਾ ਸਮਾਨ ਖਿੱਲਰਿਆ ਪਿਆ ਸੀ। ਉਨ੍ਹਾਂ ਦੱਸਿਆ ਕਿ ਚੋਰ ਉਨ੍ਹਾਂ ਦੇ ਘਰੋਂ ਇੱਕ ਸੋਨੇ ਦਾ ਸੈਟ, ਚਾਂਦੀ ਦੇ ਕੜੇ, ਐਲ ਸੀ ਡੀ ਅਤੇ 5 ਹਜਾਰ ਰੁਪਏ ਕੈਸ਼ ਲੈ ਉੱਡੇ ਹਨ। ਉਨਾਂ ਦੱਸਿਆ ਕਿ ਇਸ ਚੋਰੀ ਨਾਲ ਉਨ੍ਹਾਂ ਦਾ 3 ਲੱਖ ਰੁਪਏ ਦੇ ਕਰੀਬ ਨੁਕਸਾਨ ਹੋਇਆ ਹੈ।ਚੋਰੀ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਨੇ ਘਟਨਾ ਦਾ ਜਾਇਜ਼ਾ ਲਿਆ।

ਵਰਨਣਯੋਗ ਹੈ ਕਿ ਬੀਤੇ ਕੱਲ 29 ਮਈ ਨੂੰ ਗੜ੍ਹਦੀਵਾਲਾ ਦੇ ਪਿੰਡ ਰਮਦਾਸਪੁਰ ਅਤੇ ਚੋਹਕਾ ਵਿਖੇ ਦਿਨ ਦਿਹਾੜੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿਤਾ ਸੀ। ਜਿਸ ਦੇ ਨਾਲ ਦੋਵੇ ਪਰਿਵਾਰਾਂ ਦਾ ਕਾਫੀ ਨੁਕਸਾਨ ਹੋਇਆ ਸੀ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਦੋਵੇ ਥਾਣਿਆਂ ਦੀ ਪੁਲਿਸ ਚੋਰਾਂ ਤੱਕ ਪਹੁੰਚ ਪਾਉਂਦੀ ਹੈ ਕਿ ਨਹੀਂ।