ਟਾਂਡਾ / ਦਸੂਹਾ (ਚੌਧਰੀ)

ਵੈਸ਼ਨੋ ਦੇਵੀ ਜਾ ਰਹੇ ਪਰਿਵਾਰ ਦੀ ਗੱਡੀ ਸੰਤੁਲਨ ਖੋਹਣ ਤੇ ਡਿਵਾਈਡਰ ਪਾਰ ਕਰ ਦੋ ਵਾਹਨਾਂ ਨਾਲ ਟਕਰਾਈ 

26 ਮਈ : ਪਠਾਨਕੋਟ ਜਲੰਧਰ ਹਾਈਵੇ ਪਰ ਦਾਰਾਪੁਰ ਦੇ ਨਜ਼ਦੀਕ ਹੋਏ ਸੜਕ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਜਦ ਕਿ 8 ਹੋਰ ਲੋਕ ਜਖਮੀ ਹੋ ਗਏ। ਹਾਦਸਾ ਸ਼ਾਮ ਕਰੀਬ 4 ਵਜੇ ਉਸ ਵੇਲੇ ਹੋਇਆ ਜਦੋਂ ਸੰਗਮ ਵਿਹਾਰ ਮੇਰਠ (ਉੱਤਰ ਪ੍ਰਦੇਸ਼) ਤੋਂ ਆਪਣੇ ਪਰਿਵਾਰ ਦੇ ਨਾਲ ਵੈਸ਼ਨੋ ਦੇਵੀ ਜਾ ਰਹੇ ਪੁਲਿਸ ਇੰਸਪੈਕਟਰ ਰਵਿੰਦਰ ਸਿੰਘ ਪੁੱਤਰ ਦਿਲਾਵਰ ਸਿੰਘ ਦੀ ਕਾਰ ਸੰਤੁਲਨ ਖੋਹਣ ਤੇ ਡਿਵਾਈਡਰ ਨੂੰ ਪਾਰ ਕਰਕੇ ਟਾਂਡਾ ਵੱਲ ਆ ਰਹੀ ਕਾਰ ਅਤੇ ਮੋਟਰਸਾਈਕਲ ਨਾਲ ਟਕਰਾ ਗਈ। ਜਿਸ ਵਿੱਚ ਰਵਿੰਦਰ ਸਿੰਘ ਅਤੇ ਕਾਰ ਚਲਾ ਰਿਹਾ ਉਸਦਾ ਪੁੱਤਰ ਵਿਵੇਕ, ਪਤਨੀ ਪਵਿੱਤਰਾ, ਪੁੱਤਰੀ ਬੰਦਨਾ ਤੇ ਨੂੰਹ ਆਂਚਲ ਗੰਭੀਰ ਰੂਪ ਚ ਜਖਮੀ ਹੋ ਗਏ। ਇਸ ਹਾਦਸੇ ਚ ਦੂਜੀ ਕਾਰ ਦੇ ਚਾਲਕ ਪੁਰਹੀਰਾਂ ਨਿਵਾਸੀ ਸਤਨਾਮ ਸਿੰਘ ਦੀ ਮੌਤ ਹੋ ਗਈ। ਜਦਕਿ ਕਾਰ ਸਵਾਰ ਸੰਦੀਪ ਸਿੰਘ ਪੁੱਤਰ ਗੁਰਦੇਵ ਸਿੰਘ ਨਿਵਾਸੀ ਸਤੌਰ ਤੇ ਚੇਤਨ ਨਿਵਾਸੀ ਊਨਾ, ਮੋਟਰਸਾਈਕਲ ਸਵਾਰ ਬੂਰੇ ਜੱਟਾਂ ਨਿਵਾਸੀ ਸਵਾਰਦੀਨ ਜਖਮੀ ਹੋ ਗਏ। ਸਾਰੇ ਜ਼ਖਮੀਆਂ ਲੋਕਾਂ ਨੂੰ ਟਾਂਡਾ ਦੇ ਸਰਕਾਰੀ ਹਸਪਤਾਲ ਟਾਂਡਾ ਵਿਖੇ ਲੈ ਜਾਇਆ ਗਿਆ। ਜਿੱਥੇ ਜਖਮੀਆਂ ਨੂੰ ਐਸ ਐਮ ਓ ਡਾ ਕਰਣ ਕੁਮਾਰ ਸੈਣੀ ਦੀ ਦੇਖ-ਰੇਖ ਵਿਚ ਮੁਢਲੇ ਉਪਚਾਰ ਤੋਂ ਬਾਅਦ ਹੁਸ਼ਿਆਰਪੁਰ ਰੈਫਰ ਕਰ ਦਿੱਤਾ ਗਿਆ। ਜਖਮੀਆਂ ਵਿਚ ਵਿਵੇਕ, ਚੇਤਨ, ਵੰਦਨਾ ਅਤੇ ਪਵਿੱਤਰਤਾ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਟਾਂਡਾ ਪੁਲਸ ਨੇ ਮੌਕੇ ਤੇ ਪਹੁੰਚਕੇ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।