ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

ਕਿਸਾਨ ਖਰਾਬ ਫਸਲ ਸਬੰਧੀ ਤਰੁੰਤ ਸਬੰਧਿਤ ਪਟਵਾਰੀ ਨੂੰ ਸੂਚਿਤ ਕਰਨ : ਨਾਇਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ 

8 ਅਪ੍ਰੈਲ : ਅੱਜ ਸਬ ਤਹਿਸੀਲ ਗੜਦੀਵਾਲਾ ਦੇ ਵੱਖ ਵੱਖ ਪਿੰਡਾਂ ਵਿਚ ਬੇਮੌਸਮੀ ਬਾਰਿਸ਼ ਨਾਲ ਹੋਏ ਨੁਕਸਾਨ ਦਾ ਜਾਇਜ਼ਾ ਲਿਆ। ਇਸ ਸਬੰਧੀ ਨਾਇਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ ਨੇ ਦੱਸਿਆ ਕਿ ਮਾਲ, ਮੁੜ ਵਸੇਬਾਂ ਅਤੇ ਆਫਤ ਪ੍ਰਬੰਧਨ ਵਿਭਾਗ ਤੇ ਖੇਤੀਬਾੜੀ ਵਿਭਾਗ ਦੀਆਂ ਸਾਝੀਆਂ ਟੀਮਾਂ ਜਿਸ ਵਿੱਚ ਵਰਿੰਦਰ ਕੁਮਾਰ ਗੁਰਦਾਵਰ,ਏ ਡੀ ਓ ਬਲਵਿੰਦਰਜੀਤ ਸਿੰਘ,ਏ ਡੀ ਓ ਸੰਦੀਪ ਸੈਣੀ ਅਤੇ ਸਮੂਹ ਪਟਵਾਰੀ ਸ਼ਾਮਲ ਸਨ, ਨੇ ਪ੍ਰਭਾਵਿਤ ਖੇਤਾਂ ਦਾ ਦੌਰਾ ਕੀਤਾ। ਜਿਸ ਸਬੰਧੀ ਸਮੂਹ ਪਟਵਾਰੀ ਪਿਛਲੇ ਦਿਨਾਂ ਤੋਂ ਲਗਾਤਾਰ ਵਿਸੇਸ਼ ਗਿਰਦਵਰੀ ਅਧੀਨ ਹਨ ਅਤੇ ਕੱਲ ਦਿਨ ਐਤਵਾਰ ਨੂੰ ਵੀ ਆਮ ਦਿਨ ਵਾਂਗ ਡਿਊਟੀ ਤੇ ਤਾਇਨਾਤ ਰਹਿਣਗੇ। ਉਨ੍ਹਾਂ ਬੁਰੀ ਤਰਾਂ ਪ੍ਰਭਾਵਿਤ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਖਰਾਬ ਫਸਲ ਸਬੰਧੀ ਤਰੁੰਤ ਸਬੰਧਿਤ ਪਟਵਾਰੀ ਨੂੰ ਸੂਚਿਤ ਕੀਤਾ ਜਾਵੇ ।