ਫ਼ਗਵਾੜਾ (ਲਾਲੀ ਦਾਦਰ)

13 ਮਾਰਚ : ਜਨਤਕ ਜਥੇਬੰਦੀਆਂ ਦੇ ਸਾਂਝੇ ਮੋਰਚੇ ਤੇ ਡਾ. ਅੰਬੇਡਕਰ ਸਭਾਵਾਂ ਵਲੋਂ ਗੁਰੂ ਰਾਮਦਾਸ ਮੈਡੀਕਲ ਕਾਲਜ ਅਮਿ੍ਤਸਰ ਦੀ ਵਿਦਿਆਰਥਣ ਡਾ. ਪੰਪੋਸ਼ ਜਿਸ ਦਾ ਬੀਤੇ ਦਿਨੀ ਇਕ ਸਾਜਿਸ਼ ਅਧੀਨ ਕਤਲ ਕਰ ਦਿੱਤਾ ਗਿਆ ਸੀ ਨੂੰ ਇਨਸਾਫ਼ ਦਿਵਾਉਣ ਲਈ ਕੈਂਡਲ ਮਾਰਚ ਕੀਤਾ ਗਿਆ। ਇਸ ਮਾਰਚ ਵਿੱਚ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ, ਗੌਰਮਿੰਟ ਟੀਚਰਜ਼ ਯੂਨੀਅਨ ਪੰਜਾਬ, ਔਰਤ ਮੁਕਤੀ ਮੋਰਚਾ ਪੰਜਾਬ, ਦਿਹਾਤੀ ਮਜ਼ਦੂਰ ਸਭਾ ਤੇ ਡਾ. ਅੰਬੇਡਕਰ ਸਭਾਵਾਂ ਦੇ ਆਗੂਆਂ ਤੇ ਵਰਕਰਾਂ ਨੇ ਸ਼ਮੂਲੀਅਤ ਕੀਤੀ। ਇਸ ਸਮੇਂ ਵੱਖ ਵੱਖ ਸਭਾਵਾਂ ਦੇ ਆਗੂਆਂ ਨੇ ਆਪਣੇ ਸੰਬੋਧਨ ਵਿਚ ਡਾ. ਪੰਪੋਸ਼ ਦੇ ਕਾਤਲਾਂ ਨੂੰ ਫਾਹੇ ਲਗਾਉਣ ਦੀ ਮੰਗ ਕੀਤੀ। ਕੈਂਡਲ ਮਾਰਚ ਮੌਕੇ ਕਰਨੈਲ ਫਿਲੌਰ, ਡਾ. ਸਰਬਜੀਤ ਮੁਠੱਡਾ, ਗੁਰਦੀਪ ਗੋਗੀ, ਮੇਜਰ ਫਿਲੌਰ, ਮੱਖਣ ਸੰਗਰਾਮੀ, ਪਰਸ਼ੋਤਮ ਫਿਲੌਰ, ਕਮਲਜੀਤ ਕੌਰ ਬੰਗੜ, ਐਡਵੋਕੇਟ ਚਰਨਜੀਤ ਪੁਆਰੀ ਤੇ ਜਸਵੰਤ ਬੋਧ ਆਦਿ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ। ਆਗੂਆਂ ਨੇ ਕਿਹਾ ਕਿ ਜਾਤਪਾਤ ਅਧਾਰਿਤ ਵਿਤਕਰਾ ਹਾਲੇ ਵੀ ਜਾਰੀ ਹੈ ਅਤੇ ਦੇਸ਼ ਦੇ ਹਾਕਮ ਮੁੜ ਤੋਂ ਮਨੂਵਾਦੀ ਵਿਵਸਥਾ ਲਾਗੂ ਕਰਨ ਲਈ ਤਤਪਰ ਹਨ, ਜਿਸ ਦੇ ਸਿੱਟੇ ਬਹੁਤ ਭਿਆਨਕ ਨਿਕਲਣਗੇ। ਆਗੂਆਂ ਨੇ ਕਿਹਾ ਕਿ ਦੇਸ਼ ਭਰ ‘ਚ ਧਰਮ ਅਤੇ ਜਾਤ ਅਧਾਰਿਤ ਵਿਤਕਰੇਬਾਜ਼ੀ ਨੂੰ ਹਰ ਹਾਲਤ ਰੋਕਿਆ ਜਾਣਾ ਚਾਹੀਦਾ ਹੈ।
ਇਸ ਸਮੇਂ ਸੰਦੀਪ ਸੰਨੀ, ਮਾਸਟਰ ਹੰਸ ਰਾਜ, ਦਿਨੇਸ਼ ਅਜਾਦ, ਹਰਜਿੰਦਰ ਕਲੇਰ, ਸੁਨੀਲ ਭੈਣੀ, ਦਲਵੀਰ ਚੰਦ, ਮੁਨੀਸ਼ ਚੌਕੜੀਆ, ਸ਼ਮੀਂ ਕੁਮਾਰ, ਦਵਿੰਦਰ ਕੁਮਾਰ, ਸਰਬਜੀਤ ਰਸੂਲਪੁਰ, ਜੁਗਿੰਦਰ ਪਾਲ ਕਾਲ਼ਾ, ਅਰਸ਼ਪਰੀਤ ਆਸ਼ੂ, ਦਿਨੇਸ਼ ਪਾਲ, ਪ੍ਰਭਾਤ ਕਵੀ, ਅਨਮੋਲ ਦੀਪ, ਨਵਦੀਪ ਗੁਰੂ, ਸੁਨੀਲ ਗੰਨਾਪਿੰਡ, ਸ਼ਾਲੂ ਰਵਿਦਾਸ ਪੁਰਾ, ਰਹਿਮਤਉੱਲਾ, ਲਖਵਿੰਦਰ ਓਆਣ, ਰਿਸ਼ੀ ਓਆਣ, ਹੰਸ ਕੌਰ, ਸੁਰਜੀਤ ਕੌਰ, ਅੰਜੂ ਵਿਰਦੀ, ਸਰੋਜ ਰਾਣੀ, ਵਿਦਿਆ ਦੇਵੀ, ਕਮਲੇਸ਼ ਆਦਿ ਹਾਜਰ ਸਨ।