ਹਾਜੀਪੁਰ / ਦਸੂਹਾ (ਚੌਧਰੀ)
12 ਮਾਰਚ : ਅਮਰੀਕਾ ਭੇਜਣ ਦਾ ਝਾਂਸਾ ਦੇ ਕੇ 15,50,000 ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਵਿਚ ਦੋ ਵਿਅਕਤੀਆਂ ਤੇ ਹਾਜੀਪੁਰ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ।
ਪੁਲਿਸ FIR ਮੁਤਾਬਿਕ ਇਹ ਮੁਕੱਦਮਾ ਦਰਖਾਸਤ 10408-ਪੀ ਡੀ ਮਿਤੀ 03-12-2023 ਵਲੋਂ ਗੁਰਦੀਪ ਸਿੰਘ ਪੁੱਤਰ ਨਾਜਰ ਸਿੰਘ ਵਾਸੀ ਗੇਰਾ ਥਾਣਾ ਹਾਜੀਪੁਰ ਜਿਲਾ ਹੁਸ਼ਿਆਰਪੁਰ (ਉਮਰ ਕਰੀਬ 55 ਸਾਲ) ਦੀ ਬਾਅਦ ਇੰਨਕੁਆਰੀ ਕੁਲਵਿੰਦਰ ਸਿੰਘ ਉਪ ਕਪਤਾਨ ਪੁਲਿਸ ਸਬ ਡਵੀਜਨ ਮੁਕੇਰੀਆਂ ਵੱਲੋ ਕਰਨ ਤੋ ਬਰਖਿਲਾਫ ਜੰਗ ਬਹਾਦਰ ਉਰਫ ਅੰਕਿਤ ਪੁੱਤਰ ਜਸਪਾਲ ਸਿੰਘ ਅਤੇ ਜਸਪਾਲ ਸਿੰਘ ਉਰਫ ਜੱਸ ਵਾਸੀਆਨ ਬੱਲੋ ਚੱਕ ਹਾਲ ਵਾਸੀ ਬੇਗੋਵਾਲ ਥਾਣਾ ਟਾਂਡਾ ਜਿਲਾ ਹੁਸਿਆਰਪੁਰ ਵੱਲੋਂ ਉਸਦੇ ਲੜਕੇ ਨੂੰ ਵਿਦੇਸ਼ ਅਮਰੀਕਾ ਭੇਜਣ ਦਾ ਝਾਂਸਾ ਦੇ ਕੇ ਉਸ ਪਾਸੋਂ 15,50,000 ਰੁਪਏ ਦੀ ਠੱਗੀ ਮਾਰੀ, ਨਾਂ ਤੇ ਉਸ ਦੇ ਲੜਕੇ ਨੂੰ ਵਿਦੇਸ਼ ਭੇਜਿਆ ਅਤੇ ਨਾਂ ਹੀ ਪੈਸੇ ਵਾਪਸ ਕੀਤੇ। ਜਿਸ ਤੇ ਰਾਹੀ ਹੁਕਮ ਨੰਬਰ 1024-ਪੀ.ਸੀ ਮਿਤੀ 10.03.2023 ਨੂੰ ਦਰਖਾਸਤ ਸਮੇਤ ਇੰਨਕੁਆਰੀ ਮੌਸੂਲ ਥਾਣਾ ਹੋਣ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।
