ਗੜ੍ਹਦੀਵਾਲਾ (ਚੌਧਰੀ) 

4 ਮਾਰਚ : ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਵਲੋਂ ਦਿੱਤੇ ਦਿਸ਼ਾ ਨਿਰਦੇਸ਼ ਤੇ  ਸੁਰਿੰਦਰਪਾਲ ਸਿੰਘ ਡੀ ਐਸ ਪੀ ਸਬ ਡਵੀਜਨ ਦਿਹਾਤੀ ਹੁਸ਼ਿਆਰਪੁਰ ਦੇ ਦੀ ਰਹਿਨੁਮਾਈ ਹੇਠਾਂ  ਨਰਿੰਦਰ ਕੁਮਾਰ ਮੁੱਖ ਅਫਸਰ ਥਾਣਾ ਹਰਿਆਣਾ ਵਲੋਂ ਥਾਣਾ ਹਜਾ ਦੇ ਏਰੀਆ ਨਜ਼ਾਇਜ਼ ਮਾਇਨਿੰਗ ਕਰਨ ਵਾਲੇ ਵਿਆਕਤੀਆਂ ਖਿਲਾਫ ਕਾਰਵਾਈ ਕਰਦੇ ਹੋਏ ASI ਜਗਦੀਸ਼ ਕੁਮਾਰ ਇੰਚਾਰਜ ਪੁਲਿਸ ਚੌਕੀ ਭੂੰਗਾ ਸਮੇਤ ਪੁਲਿਸ ਪਾਰਟੀ ਦੌਰਾਨੇ ਗਸ਼ਤ ਢੋਲਵਾਹਾ ਰੋਡ ਪਿੰਡ ਗਿੱਲਾਂ ਥਾਣਾ ਹਰਿਆਣਾ ਤੇ ਇੱਕ ਟਰੈਕਟਰ ਟਰਾਲੀ ਜੋ ਕਿ ਰੇਤਾ ਨਾਲ ਭਰੀ ਹੋਈ ਸੀ ਕਾਬੂ ਕੀਤਾ, ਜੋ ਟਰੈਕਟਰ ਚਾਲਕ ਨੇ ਆਪਣਾ ਨਾਮ ਸੁਰਜੀਤ ਸਿੰਘ ਪੁੱਤਰ ਮਲਕੀਤ ਸਿੰਘ ਵਾਸੀ ਹਰਿਆਣਾ ਦੱਸਿਆ। ਜੋ ਇਸ ਸਬੰਧੀ ਮੌਕਾ ਪਰ ਕਾਰਵਾਈ ਕਰਨ ਲਈ ਐਸ ਡੀ ਓ ਮਾਈਨਿੰਗ ਨੂੰ ਜਾਣੂ ਕਰਵਾਇਆ ਗਿਆ। ਮੌਕਾ ਪਰ ਇਸਪੈਕਟਰ ਮਾਇਨਿੰਗ ਦਲ ਪੁੱਜ ਕੇ ਟਰੈਕਟਰ ਚਾਲਕ ਪਾਸੇ ਰੇਤਾ ਨਾਲ ਭਰੀ ਟਰਾਲੀ ਸਬੰਧੀ ਦਸਤਾਵੇਜ਼ ਦੀ ਮੰਗ ਕੀਤੀ ।ਪਰ ਟਰੈਕਟਰ ਚਾਲਕ ਮੌਕਾ ਪਰ ਕੋਈ ਵੀ ਲੀਗਲ ਦਸਤਾਵੇਜ਼ ਪੇਸ਼ ਨਹੀ ਕਰ ਸਕਿਆ ਤੇ ਟਰੈਕਟਰ ਸਮੇਤ ਰੇਤਾ ਨਾਲ ਭਰੀ ਟਰਾਲੀ ਦਾ ਚਲਾਨ ਧਾਰਾ 74 ਅਤੇ 75 ਮਾਇਨਿੰਗ ਐਕਟ 2013 ਤਹਿਤ ਕਾਰਵਾਈ ਕਰਦੇ ਹੋਏ ਟਰੈਕਟਰ ਟਰਾਲੀ ਦਾ ਚਲਾਨ ਮੌਕਾ ਪਰ ਕਰਕੇ ਟਰੈਕਟਰ ਟਰਾਲੀ ਥਾਣਾ ਹਰਿਆਣਾ ਬੰਦ ਕਰਵਾਈ ਗਈ ।ਮਿਤੀ 10-03-2023 ਨੂੰ ਜਿਲ੍ਹਾ ਮਾਇੰਨਿੰਗ ਅਫਸਰ ਹੁਸ਼ਿਆਰਪੁਰ ਵਿਖੇ ਚਲਾਨ ਭੁਗਤਾਨ ਦੀ ਤਰੀਖ ਦਿੱਤੀ ਗਈ।