ਫਗਵਾੜਾ ( ਲਾਲੀ ਦਾਦਰ )

*ਨੌਜਵਾਨਾਂ ਤੇ ਔਰਤਾਂ ਨੇ 117 ਯੁਨਿਟ ਖੂਨ ਕੀਤਾ ਦਾਨ

8 ਦਸੰਬਰ :ਡਾ.ਬੀ.ਆਰ.ਅੰਬੇਡਕਰ ਬਲੱਡ ਆਰਗਨਾਈਜੇਸ਼ਨ ਫਗਵਾੜਾ ਵਲੋਂ ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਦੇ 66ਵੇਂ ਮਹਾ ਪਰਿਨਿਰਵਾਣ ਦਿਵਸ ਮੌਕੇ ਆਰਗਨਾਈਜੇਸ਼ਨ ਦੇ ਸੀਨੀਅਰ ਆਗੂ ਪਰਮਿੰਦਰ ਬੋਧ ਦੀ ਅਗਵਾਈ ਹੇਠ ਸ੍ਰੋਮਣੀ ਸ੍ਰੀ ਗੁਰੂ ਰਵਿਦਾਸ ਮੰਦਿਰ ਚੱਕ ਹਕੀਮ ਵਿਖੇ ਹਰ ਸਾਲ ਦੀ ਤਰ੍ਹਾਂ ਖੂਨਦਾਨ ਕੈਂਪ ਲਗਾਇਆ ਗਿਆ। ਕੈਂਪ ਤੋਂ ਪਹਿਲਾਂ ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਦੀ ਤਸਵੀਰ ਤੇ ਫੁੱਲਮਾਲਾਵਾਂ ਭੇਂਟ ਕਰਕੇ ਨਿੱਘੀ ਸ਼ਰਧਾਂਜਲੀ ਦਿੱਤੀ ਗਈ। ਸ਼ਮਾ ਰੌਸ਼ਨ ਦੀ ਰਸਮ ਗੁਰਦਿਆਲ ਬੋਧ ਯੂ.ਕੇ,ਕਮਲ ਬੰਗਾ ਅਤੇ ਆਰਗਨਾਈਜੇਸ਼ਨ ਦੇ ਫਾਉਂਡਰ ਸਵ. ਜਗਜੀਵਨ ਲਾਲ ਕੈਲੇ ਦੇ ਸਪੁੱਤਰ ਹਨੀ ਕੈਲੇ ਵਲੋਂ ਸਾਂਝੇ ਤੌਰ ਤੇ ਨਿਭਾਈ ਗਈ।ਉਪਰੰਤ ਐਸ.ਪੀ. ਫਗਵਾੜਾ ਸ੍ਰੀ ਮੁਖਤਿਆਰ ਰਾਏ ਨੇ ਕੈਂਪ ਦਾ ਸ਼ੁੱਭ ਆਰੰਭ ਕਰਵਾਇਆ। ਇਸ ਦੌਰਾਨ 117 ਨੌਜਵਾਨਾਂ ਅਤੇ ਔਰਤਾਂ ਨੇ ਆਪਣਾ ਖੂਨਦਾਨ ਕਰਕੇ ਬਾਬਾ ਸਾਹਿਬ ਨੂੰ ਨਿੱਘੀ ਸ਼ਰਧਾਂਜਲੀ ਦਿੱਤੀ। ਆਯੋਜਿਤ ਸਮਾਗਮ ਨੂੰ ਸੰਬੋਧਨ ਕਰਦਿਆਂ। ਵੱਖ ਵੱਖ ਆਗੂਆਂ ਨੇ ਕਿਹਾ ਕਿ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਡਾ. ਅੰਬੇਡਕਰ ਨੇ ਸਾਰੀ ਜਿੰਦਗੀ ਸਮਾਜ ਦੇ ਦੱਬੇ ਕੁਚਲੇ ਵਰਗਾਂ ਦੇ ਹੱਕਾਂ ਲਈ ਸੰਘਰਸ਼ ਕੀਤਾ ਹੈ। ਉਹਨਾਂ ਦਲਿਤਾਂ ਤੇ ਔਰਤਾਂ ਨੂੰ ਵੋਟ ਦਾ ਅਧਿਕਾਰ ਲੈ ਕੇ ਦਿੱਤਾ ਤਾਂ ਜੋ ਉਹ ਆਪਣੇ ਰਹਿਬਰਾਂ ਦੇ ਸੁਪਨਿਆਂ ਦਾ ਰਾਜ ਸਥਾਪਤ ਕਰਨ ਦੇ ਯੋਗ ਬਣ ਸਕਣ। ਬਾਬਾ ਸਾਹਿਬ ਦੀ ਬਦੌਲਤ ਹੀ ਔਰਤਾਂ ਨੂੰ ਵੀ ਮਰਦ ਪ੍ਰਧਾਨ ਸਮਾਜ ਦੀ ਗੁਲਾਮੀ ਤੋਂ ਸਦੀਆਂ ਬਾਅਦ ਮੁਕਤੀ ਪ੍ਰਾਪਤ ਹੋਈ ਹੈ। ਉਹਨਾਂ ਕਿਹਾ ਕਿ ਸਾਡਾ ਸਾਰਿਆਂ ਦਾ ਫਰਜ਼ ਹੈ ਕਿ ਬਾਬਾ ਸਾਹਿਬ ਦੇ ਦਰਸਾਏ ਮਾਰਗ ਤੇ ਚੱਲ ਕੇ ਆਪਣੇ ਬੱਚਿਆਂ ਨੂੰ ਵੱਧ ਤੋਂ ਵੱਧ ਪੜ੍ਹਾਈਏ ਤਾਂ ਜੋ ਉਹ ਆਪਣੇ ਸਮਾਜ ਦੀ ਭਲਾਈ ਲਈ ਸੰਘਰਸ਼ ਕਰਨ ਦੇ ਯੋਗ ਬਣ ਸਕਣ। ਖੂਨਦਾਨ ਕਰਨ ਵਾਲਿਆਂ ਨੂੰ ਪਿਨ ਲਗਾ ਕੇ, ਸਰਟੀਫਿਕੇ ਅਤੇ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਤ ਕੀਤਾ ਗਿਆ। ਇਸ ਮੌਕੇ ਪ੍ਰਧਾਨ ਜਤਿਨ ਕੁਮਾਰ, ਉਪ ਪ੍ਰਧਾਨ ਕਮਲਜੀਤ ਮਾਹੀ, ਅਸ਼ੋਕ ਬੋਧ, ਅਮਨ ਦਾਦਰਾ, ਅਸ਼ਵਨੀ ਬਘਾਣੀਆ, ਆਕਾਸ਼ ਬੰਗੜ, ਸੁਰਿੰਦਰ ਢੰਡਾ, ਯਸ਼ ਬਰਨਾ, ਅੰਮ੍ਰਿਤਪਾਲ ਭੋਸਲੇ, ਡਾ. ਸੁਖਵੀਰ ਸਲਾਰਪੁਰ, ਜਰਨੈਲ ਨੰਗਲ, ਜੱਸੀ ਤੱਲ੍ਹਣ, ਯਸ਼ ਅਟਵਾਲ, ਜੱਸਲ ਐਮ.ਸੀ. ਰਾਮਾਮੰਡੀ, ਪਿ੍ਰੰਸੀਪਲ ਰਾਮ ਕਿਸ਼ਨ, ਲਾਇਨਜ ਕਲੱਬ ਡਿਸਟ੍ਰਿਕਟ 321-ਡੀ ਦੇ ਗਵਰਨਰ ਲਾਇਨ ਦਵਿੰਦਰ ਪਾਲ ਅਰੋੜਾ, ਸਾਬਕਾ ਡਿਸਟ੍ਰਿਕਟ ਗਵਰਨਰ ਲਾਇਨ ਹਰੀਸ਼ ਬੰਗਾ, ਬਲਵੀਰ ਬੈਂਸ, ਕਰਨ ਜਲੰਧਰ, ਜੀਤਾ ਭੁੱਲਾਰਾਈ, ਸੁਖਵਿੰਦਰ, ਆਦਿੱਤਯ ਤੋਂ ਇਲਾਵਾ ਹੋਰ ਪਤਵੰਤੇ ਵੀ ਹਾਜਰ ਸਨ।