ਬਟਾਲਾ ( ਅਵਿਨਾਸ਼ ਸ਼ਰਮਾ)

6 ਦਸੰਬਰ : ਕਮਿਊਨਿਟੀ ਹਾਲ ਖਜੂਰੀ ਗੇਟ ਨੇੜੇ ਚਲ ਰਹੇ ਪੰਜ ਰੋਜ਼ਾ ਸ੍ਰੀ ਰਾਮ ਕਥਾ ਦਾ ਆਯੋਜਨ ਜਿਸ ਵਿੱਚ ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਸਰਵ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਦੀ ਸ਼ਿਸ਼ਿਆ ਮਾਨਸ ਮਰਮਗਿਆ ਮਹਾਮਨਸਵਿਨੀ ਸਾਧਵੀ ਸੁਸ਼੍ਰੀ ਸੌਮਿਆ ਭਾਰਤੀ ਜੀ ਨੇ ਆਪਣੀ ਸੁਰੀਲੀ ਅਵਾਜ਼ ਵਿੱਚ ਪ੍ਰਵਚਨ ਦਿੰਦੇ ਹੋਏ ਕਿਹਾ ਕਿ ਸੁੰਦਰ ਕਾਂਡ, ਜਿਸ ਵਿੱਚ ਇੱਕ ਭਗਤ ਦੇ ਭਗਤੀ ਮਾਰਗ ‘ਤੇ ਕੀਤੇ ਜਾ ਰਹੇ ਸੰਘਰਸ਼ ਦੀ ਹੱਦ ਨੂੰ ਭਗਤ ਹਨੂੰਮਾਨ ਜੀ ਦੇ ਮਾਧਿਅਮ ਨਾਲ ਦਰਸਾਇਆ ਗਿਆ ਹੈ। ਸੁਸ਼੍ਰੀ ਸੌਮਿਆ ਭਾਰਤੀ ਜੀ ਨੇ ਦੱਸਿਆ ਕਿ ਮਨੁੱਖੀ ਜੀਵਨ ਨਦੀ ਦੇ ਵਾਂਗ ਹੈ। ਇੱਕ ਨਦੀ ਜੋ ਜਾਣਦੀ ਹੈ ਕਿ ਮੈਂ ਸਾਗਰ ਵਿੱਚ ਮਿਲਣਾ ਹੈ, ਆਪਣੇ ਅੰਦਰ ਇਸ ਉਤਸ਼ਾਹ ਨਾਲ ਅੱਗੇ ਵਧਦੀ ਰਹਿੰਦੀ ਹੈ। ਇਸ ਦੇ ਰਾਹ ਵਿੱਚ ਚੱਟਾਨਾਂ ਆਉਂਦੀਆਂ ਹਨ, ਪੱਥਰ ਆਉਂਦੇ ਹਨ, ਕਈ ਰੁਕਾਵਟਾਂ ਆਉਂਦੀਆਂ ਹਨ, ਪਰ ਨਦੀ ਉਨ੍ਹਾਂ ਨੂੰ ਤੋੜ ਕੇ ਉਨ੍ਹਾਂ ਦੀ ਪਰਵਾਹ ਕੀਤੇ ਬਿਨਾਂ ਅੱਗੇ ਵਧਦੀ ਹੈ।ਭਗਤ ਹਨੂੰਮਾਨ ਜੀ ਨੇ ਵੀ ਇਸੇ ਤਰ੍ਹਾਂ ਰੁਕਾਵਟਾਂ ਨੂੰ ਪਾਰ ਕੀਤਾ ਜਦੋਂ ਉਹ ਮਾਤਾ ਸੀਤਾ ਦੀ ਭਾਲ ਵਿੱਚ ਲੰਕਾ ਲਈ ਰਵਾਨਾ ਹੋਏ।

ਸਾਧਵੀ ਜੀ ਨੇ ਦੱਸਿਆ ਕਿ ਹਨੂੰਮਾਨ ਜੀ ਮੈਨਾਕ ਪਰਵਤ, ਸੁਰਸਾ ਅਤੇ ਸਿੰਹਿਕਾ ਜਿਹੀਆਂ ਰੁਕਾਵਟਾਂ ਨੂੰ ਪਾਰ ਕਰਦੇ ਹੋਏ ਲੰਕਾ ਵਿੱਚ ਪ੍ਰਵੇਸ਼ ਕਰਦੇ ਹਨ। ਜੋ ਬਾਹਰੋਂ ਤਾਂ ਸੋਹਣੀ ਲੱਗਦੀ ਹੈ, ਪਰ ਅੰਦਰ ਪਾਪ ਅਤੇ ਅਨਾਚਾਰ ਹੈ। ਹਰ ਮਨੁੱਖ ਦੀ ਇਹੀ ਹਾਲਤ ਹੈ। ਜੇਕਰ ਕੋਈ ਵਿਅਕਤੀ ਬਾਹਰੋਂ ਆਪਣੇ ਸਰੀਰ ਨੂੰ ਸਜਾਉਂਦਾ ਹੈ, ਪਰ ਆਪਣੀ ਆਤਮਾ ਦੀ ਕਲਿਆਣ ਨਹੀਂ ਕਰਦਾ, ਤਾਂ ਉਸਦਾ ਸਰੀਰ ਲੰਕਾ ਵਰਗਾ ਹੈ। ਜੇਕਰ ਅੰਦਰ ਮੈਲ, ਕਪਟ ਅਤੇ ਬੁਰਾਈਆਂ ਹੋਣ ਤਾਂ ਮਨੁੱਖ ਕਦੇ ਵੀ ਸ਼ਾਂਤਮਈ ਜੀਵਨ ਨਹੀਂ ਜੀਅ ਸਕਦਾ। ਇਸੇ ਲਈ ਅੱਜ ਦੁਨੀਆਂ ਵਿੱਚ ਅਜਿਹੇ ਲੋਕ ਵੀ ਹਨ ਜੋ ਬਾਹਰੋਂ ਤਾਂ ਸੰਤੁਸ਼ਟ ਦਿਸਦੇ ਹਨ ਪਰ ਉਹ ਜਾਣਦੇ ਹਨ ਕਿ ਅੰਦਰੋਂ ਆਪਸੀ ਟਕਰਾਅ ਚੱਲ ਰਿਹਾ ਹੈ। ਅੱਜ ਇਹੀ ਕੁਝ ਹਨੂੰਮਾਨ ਜੀ ਦੇਖ ਰਹੇ ਹਨ। ਇਸ ਲਈ ਉਨ੍ਹਾਂ ਕਿਹਾ ਕਿ ਜੇਕਰ ਤੁਸੀਂ ਆਤਮ ਕਲਿਆਣ ਕਰਵਾਉਣਾ ਚਾਹੁੰਦੇ ਹੋ, ਤੁਸੀਂ ਆਪਣੇ ਅੰਦਰ ਦੀਆਂ ਬੁਰਾਈਆਂ, ਪਾਪ ਨੂੰ ਖਤਮ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਪੂਰਨ ਗੁਰੂ ਦੀ ਸ਼ਰਨ ਵਿੱਚ ਜਾਣਾ ਹੀ ਪਵੇਗਾ। ਜੋ ਤੁਹਾਨੂੰ ਆਪ ਦੇ ਅੰਦਰ ਪਰਮਾਤਮਾ ਦਾ ਦਰਸ਼ਨ ਕਰਵਾ ਦੇਵੇ। ਇਸ ਤੋਂ ਇਲਾਵਾ ਸਾਧਵੀ ਜੀ ਨੇ ਕਿਹਾ ਕਿ ਜਦੋਂ ਸ਼੍ਰੀ ਰਾਮ ਰਾਜ ਦੀ ਗੱਦੀ ‘ਤੇ ਬਿਰਾਜਮਾਨ ਹੋਏ ਤਾਂ ਉਨ੍ਹਾਂ ਦੇ ਰਾਜ ‘ਚ ਚਾਰੇ ਪਾਸੇ ਤਰੱਕੀ, ਖੁਸ਼ਹਾਲੀ, ਸ਼ਾਂਤੀ ਅਤੇ ਭਾਈਚਾਰਾ ਸੀ | ਪਰ ਅੱਜ ਦੇ ਯੁੱਗ ਵਿੱਚ ਇਸ ਦੀ ਕਮੀ ਜਾਪਦੀ ਹੈ। ਜਿਸ ਕਾਰਨ ਸਾਡੇ ਸਮਾਜ ਦੀ ਤਸਵੀਰ ਦਿਨੋ-ਦਿਨ ਖਰਾਬ ਹੁੰਦੀ ਜਾ ਰਹੀ ਹੈ ਅਤੇ ਜੇਕਰ ਅਸੀਂ ਸਾਰੇ ਰਾਮਰਾਜ ਦੇ ਸੁਪਨੇ ਨੂੰ ਦੁਬਾਰਾ ਪੂਰਾ ਕਰਨਾ ਚਾਹੁੰਦੇ ਹਾਂ ਤਾਂ ਰਾਮ ਦੇ ਪ੍ਰਗਟ ਹੋਣ ਦੀ ਲੋੜ ਹੈ ਜੋ ਬਾਹਰ ਨਹੀਂ ਸਗੋਂ ਸਾਡੇ ਅੰਦਰ ਹੋਵੇਗਾ।
ਕਥਾ ਵਿੱਚ ਕਈ ਪਤਵੰਤੇ ਸੱਜਣ ਸਰਦਾਰ ਪਰਵਿੰਦਰ ਸਿੰਘ ਗਿੱਲ ਡਿਸਟ੍ਰਿਕਟ ਪ੍ਰੈਜ਼ੀਡੈਂਟ ਬੀ ਜੇ ਪੀ,ਸਰਦਾਰ ਜਗਰੂਪ ਸਿੰਘ ਸੇਖਵਾ ਡਿਸਟ੍ਰਿਕਟ ਪ੍ਰੈਜ਼ੀਡੈਂਟ ਆਪ ,ਸਰਦਾਰ ਲਖਵਿੰਦਰ ਸਿੰਘ ਪੂਰਬਾ ਨਾਇਬ ਤਸੀਲਦਾਰ, ਸ੍ਰੀ ਰਾਕੇਸ ਭਾਟੀਆ ਪ੍ਰੈਸੀਡੈਂਟ ਬੀ ਜੇ ਪੀ ਬਟਾਲਾ, ਸ੍ਰੀ ਪੰਕਜ ਸ਼ਰਮਾ ਬੀ ਬੀ ਜੇ ਪੀ , ਸ੍ਰੀ ਇੰਦਰ ਸੇਖੜੀ, ਸ੍ਰੀ ਰਾਜੀਵ ਅੱਗਰਵਾਲ, ਸ੍ਰੀ ਅਸ਼ੋਕ ਅਗਰਵਾਲ,ਸ੍ਰੀ ਰਾਜੀਵ ਡੋਗਰਾ, ਸ੍ਰੀ ਸ਼ਸ਼ੀ ਭੂਸ਼ਰਨ ਵਰਮਾ,ਸ੍ਰੀ ਭੂਸ਼ਨ ਬਜਾਜ,ਸ਼੍ਰੀ ਨਰੇਸ਼ ਲੂਥਰਾ, ਸੰਜੀਵ ਅਗਰਵਾਲ, ਸ਼੍ਰੀ ਅਰੁਣ ਅਗਰਵਾਲ,ਸ੍ਰੀ ਰਜਤ ਸਰੀਨ , ਸਵਾਮੀ ਰੰਜੀਤਾਨੰਦ ਜੀ, ਸਾਧਵੀ ਸ਼ੰਕਰਪਰੀਤਾ ਭਾਰਤੀ ਜੀ ਉਪਸਥਿਤ ਹੋਏ।
ਹਰ ਰੋਜ਼ ਦੀ ਤਰ੍ਹਾਂ ਕਥਾ ਦੇ ਆਖਰੀ ਦਿਨ ਵੀ ਵੱਡੀ ਗਿਣਤੀ ਵਿਚ ਸੰਗਤਾਂ ਨੇ ਪਹੁੰਚ ਕੇ ਕਥਾ ਦਾ ਆਨੰਦ ਲਿਆ ਅਤੇ ਬ੍ਰਹਮਗਿਆਨ ਦਾ ਸੰਦੇਸ਼ ਪ੍ਰਾਪਤ ਕੀਤਾ ਅਤੇ ਜੀਵਨ ਦੇ ਯੋਗ ਮਾਰਗ ਹਾਸਲ ਕੀਤਾ |