ਹੁਸ਼ਿਆਰਪੁਰ (ਤਰਸੇਮ ਦੀਵਾਨਾ )

ਸਿਮਰਨਜੀਤ ਸਿੰਘ ਮਾਨ ਦੇ ਡੈਪੂਟੇਸ਼ਨ ਨੂੰ ਕਸ਼ਮੀਰ ਜਾਣ ਤੋਂ ਰੋਕਣਾ ਜ਼ਾਬਰ ਕਾਰਵਾਈ : ਖੁਣ ਖੁਣ

18 ਅਕਤੂਬਰ : ਸਿਮਰਨਜੀਤ ਸਿੰਘ ਮਾਨ ਮੈਬਰ ਪਾਰਲੀਮੈਟ ਅਤੇ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਆਪਣੇ 25 ਮੈਬਰੀ ਡੈਪੂਟੇਸ਼ਨ ਨਾਲ ਅਮਨਮਈ ਅਤੇ ਜਮਹੂਰੀਅਤ ਢੰਗ ਨਾਲ ਕਸ਼ਮੀਰ ਜਾ ਰਹੇ ਸਨ, ਤਾਂ ਉਨ੍ਹਾਂ ਨੂੰ ਜੰਮੂ ਦੀ ਸਰਹੱਦ ਲਖਨਪੁਰ ਵਿਖੇ ਬਿਨ੍ਹਾਂ ਕਿਸੇ ਆਧਾਰ ਤੋਂ ਜ਼ਬਰੀ ਰੋਕਣਾ ਕਾਰਵਾਈ ਹੈ ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਦੀਪ ਸਿੰਘ ਖੁਣ ਖੁਣ ਨੇ ਇਕ ਵਿਸ਼ੇਸ਼ ਮੀਟਿੰਗ ਦੌਰਾਨ ਕੀਤਾ ਉਨ੍ਹਾਂ ਇਸ ਸਮੇਂ ਸਮਾਜਸੇਵੀ ਉਹ ਕਿਹਾ ਕਿ ਕੇਂਦਰ ਦੀ ਹਕੂਮਤ ਦੇ ਇਹ ਅਮਲ ਪ੍ਰਤੱਖ ਕਰਦੇ ਹਨ ਕਿ ਸਿੱਖ ਕੌਮ ਤੇ ਪੰਜਾਬੀ ਤਾਂ ਇਥੋ ਦੇ ਵਿਧਾਨ ਅਤੇ ਕਾਨੂੰਨ ਦੇ ਦਾਇਰੇ ਵਿਚ ਰਹਿੰਦੇ ਹੋਏ ਆਪਣੀਆ ਸਮਾਜਿਕ, ਰਾਜਨੀਤਿਕ, ਧਾਰਮਿਕ ਕਾਰਵਾਈਆ ਕਰ ਰਹੇ ਹਨ । ਲੇਕਿਨ ਇਥੋ ਦੇ ਹੁਕਮਰਾਨ ਡੂੰਘੀਆ ਸਾਜਿ਼ਸਾਂ ਰਚਕੇ ਅਮਨ ਦੇ ਪੁਜਾਰੀ ਪੰਜਾਬੀਆਂ ਅਤੇ ਸਿੱਖਾਂ ਉਤੇ ਜੁਲਮ ਕਰਕੇ ਖੁਦ ਹੀ ਭੜਕਾਹਟ ਪੈਦਾ ਕਰ ਰਹੇ ਹਨ ਤਾਂ ਕਿ ਅਜਿਹੇ ਅਮਲਾਂ ਰਾਹੀ ਪਹਿਲੇ ਸਿੱਖ ਕੌਮ ਨੂੰ ਨਿਸ਼ਾਨਾਂ ਬਣਾਕੇ ਮਾਹੌਲ ਗੰਧਲਾ ਕੀਤਾ ਜਾ ਸਕੇ । ਫਿਰ ਉਨ੍ਹਾਂ ਉਤੇ ਦੋਸ਼ ਲਗਾਕੇ ਸਮੁੱਚੇ ਇੰਡੀਆ ਅਤੇ ਕੌਮਾਂਤਰੀ ਪੱਧਰ ਤੇ ਬਦਨਾਮ ਕਰਨ ਦੇ ਮਨਸੂਬਿਆ ਨੂੰ ਪੂਰਨ ਕੀਤਾ ਜਾ ਸਕੇ । ਫਿਰ ਅਜਿਹਾ ਮਾਹੌਲ ਉਸਾਰਣ ਲਈ ਇੰਡੀਆ ਦੇ ਮੌਜੂਦਾ ਕੱਟੜਵਾਦੀ ਹਿੰਦੂਤਵ ਸੋਚ ਵਾਲੇ ਲੋਕ ਹੀ ਜਿ਼ੰਮੇਵਾਰ ਨਹੀ ਹਨ ? ਉਹ ਪੰਜਾਬੀਆਂ ਅਤੇ ਸਿੱਖਾਂ ਨੂੰ ਵਿਧਾਨ ਦੀ ਧਾਰਾ 14, 19, 21 ਰਾਹੀ ਮਿਲੇ ਬਰਾਬਰਤਾ, ਆਜਾਦੀ ਨਾਲ ਵਿਚਰਣ, ਵਿਚਾਰ ਪ੍ਰਗਟ ਕਰਨ ਜਾਂ ਅਮਨਮਈ ਢੰਗ ਨਾਲ ਰੋਸ਼ ਵਿਖਾਵੇ ਕਰਨ ਦੇ ਮਿਲੇ ਅਧਿਕਾਰਾਂ, ਹੱਕਾਂ ਨੂੰ ਹੁਣ ਕੌਣ ਕੁੱਚਲ ਰਿਹਾ ਹੈ ? ਇਸ ਸਮੇਂ ਮਾਸਟਰ ਕੁਲਦੀਪ ਸਿੰਘ, ਰਾਜਿੰਦਰ ਸਿੰਘ ਫੌਜੀ, ਕਰਤਾਰ ਸਿੰਘ ਪਠਾਨਕੋਟ, ਗੁਰਦੀਪ ਸਿੰਘ ਗੜਦੀਵਾਲ, ਗੁਰਨਾਮ ਸਿੰਘ ਸਿੰਗੜੀਵਾਲਾ, ਪਰਮਿੰਦਰ ਸਿੰਘ ਮੁਕੇਰੀਆਂ, ਸਤਨਾਮ ਸਿੰਘ ਧਾਮੀਆਂ, ਸੁਖਵਿੰਦਰ ਸਿੰਘ ਝਾਵਾਂ, ਜਸਵੰਤ ਸਿੰਘ ਟਾਂਡਾ, ਮੁਹੰਮਦ ਸ਼ਫੀ, ਸੁਖਦੇਵ ਸਿੰਘ ਮਿਰਚਾਂ ਵਾਲੇ, ਡਾ ਬਲਵਿੰਦਰ ਸਿੰਘ ਮੁਕੇਰੀਆਂ, ਸਰਬਜੀਤ ਸਿੰਘ ਰੰਗਾ ਤੇ ਰਣਜੀਤ ਸਿੰਘ ਝਾਵਾਂ ਆਦਿ ਹਾਜ਼ਰ ਸਨ