ਗੜ੍ਹਦੀਵਾਲਾ (ਚੌਧਰੀ) 

ਗੰਨੇ ਦੇ ਰੇਟ ‘ਚ 20 ਰੁਪਏ ਦੇ ਵਾਧੇ ਨਾਲ ਕਿਸਾਨਾਂ ‘ਚ ਖੁਸ਼ੀ ਦੀ ਲਹਿਰ : ਦੀਪ ਬਰਿਆਣਾ

4 ਅਕਤੂਬਰ : ਬੀਤੇ ਦਿਨੀ ਜੋ ਮੁੱਖਮੰਤਰੀ  ਪੰਜਾਬ ਭਗਵੰਤ ਸਿੰਘ ਮਾਨ ਵਲੋਂ ਗੰਨੇ ਦੀ ਫਸਲ ਤੇ 20 ਰੁਪਏ ਪ੍ਰਤੀ ਕੁਇੰਟਲ ਵਾਧਾ ਕਰਨ ਦਾ ਐਲਾਨ ਕੀਤਾ ਉਸ ਨਾਲ ਕਿਸਾਨਾਂ ਵਿਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ।ਇਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਿਸਾਨ ਮਜ਼ਦੂਰ ਯੂਨੀਅਨ ਗੜ੍ਹਦੀਵਾਲਾ ਦੇ ਪ੍ਰਧਾਨ ਗੁਰਦੀਪ ਸਿੰਘ ਬਰਿਆਣਾ ਨੇ ਪ੍ਰੈੱਸ ਬਿਆਨ ਰਾਹੀਂ ਕੀਤਾ।ਉਨ੍ਹਾਂ ਕਿਹਾ ਕਿ ਪਿਛਲੇ ਮਹੀਨੇ 28 ਸਤੰਬਰ ਨੂੰ ਮੀਟਿੰਗ ਦੇ ਦੌਰਾਨ ਖੇਤੀਬਾੜੀ ਮੰਤਰੀ ਤੇ  ਹਲਕਾ ਵਿਧਾਇਕ ਉੜਮੁੜ ਟਾਂਡਾ, ਦਸੂਹਾ,ਮੁਕੇਰੀਆਂ ਵਲੋਂ ਕਿਸਾਨਾਂ ਨਾਲ ਵਾਅਦਾ ਕੀਤਾ ਗਿਆ ਸੀ ਕਿ ਚਲਦੇ ਸ਼ੈਸਨ 3 ਅਕਤੂਬਰ ਨੂੰ ਮੁੱਖ ਮੰਤਰੀ ਪੰਜਾਬ ਸ ਭਗਵੰਤ ਸਿੰਘ ਮਾਨ ਗੰਨੇ ਦੇ ਰੇਟ ਵਿਚ ਵਾਧਾ ਕਰਕੇ ਐਲਾਨ ਕਰਨਗੇ। ਮੁੱਖ ਮੰਤਰੀ ਮਾਨ ਵਲੋਂ  ਗੰਨੇ ਦੇ ਰੇਟ ਵਿਚ 20 ਰੁਪਏ ਦਾ ਵਾਧਾ ਕਰਕੇ ਹੁਣ ਗੰਨੇ ਦੀ ਫਸਲ ਦਾ ਰੇਟ 380 ਰੁਪਏ ਪ੍ਰਤੀ ਕੁਇੰਟਲ ਕਰ ਦਿਤਾ ਗਿਆ ਹੈ। ਜਿਸਦਾ ਕਿਸਾਨ ਪੂਰਨ ਸਮਰਥਨ ਕਰਦੇ ਹਨ। ਸਰਕਾਰ ਦੇ ਇਸ ਫੈਸਲੇ ਨਾਲ ਕਿਸਾਨਾਂ ਵਿਚ ਖੁਸ਼ੀ ਦੀ ਲਹਿਰ ਹੈ। ਕਿਸਾਨ ਇਸ ਫੈਸਲੇ ਦਾ ਸਵਾਗਤ ਕਰਦੇ ਹੋਏ ਪੰਜਾਬ ਸਰਕਾਰ ਦਾ ਧੰਨਵਾਦ ਕਰਦੇ ਹਨ। ਇਸ ਮੌਕੇ ਤੇ ਮਨਜੋਤ ਸਿੰਘ ਤਲਵੰਡੀ,ਰਾਜਵੀਰ ਰਾਜਾ,ਕੁਲਵੀਰ ਸਹੋਤਾ, ਸਿਮਰਜੀਤ ਸਿੰਘ ਸਿਮੂ,ਓਂਕਾਰ ਸਿੰਘ,ਅਵਤਾਰ ਸਿੰਘ,ਸੋਨੂ ਦਾਰਾ ਪੁਰ,ਸ਼ਿੰਦਾ ਦਾਰਾਪੁਰ,ਵਿਕੀ ਠਾਕੁਰ ਆਦਿ ਹਾਜਰ ਸਨ।