ਗੁਰਦਾਸਪੁਰ (ਅਸ਼ਵਨੀ) 

ਫਰਜੀ ਰਿਸ਼ਤੇਦਾਰ ਦੱਸ ਫ਼ੋਨ ਕਰਕੇ 18.49 ਲੱਖ ਠੱਗੇ, 9 ਨਾਮਜ਼ਦ

25 ਸਤੰਬਰ : ਪੁਲਿਸ ਸਟੇਸ਼ਨ ਪੁਰਾਣਾ ਸ਼ਾਲਾਂ ਵਸਨੀਕ ਇਕ ਵਿਅਕਤੀ ਨੂੰ ਉਸ ਦਾ ਫਰਜੀ ਰਿਸ਼ਤੇਦਾਰ ਤੇ ਉਸ ਦਾ ਵਕੀਲ ਬਨ ਕੇ ਫ਼ੋਨ ਕਰਕੇ 18.49 ਲੱਖ ਰੁਪਏ ਠੱਗਣ ਦੇ ਦੋਸ਼ ਵਿੱਚ ਪੁਲਿਸ ਵੱਲੋਂ 8 ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਪ੍ਰੀਤਮ ਸਿੰਘ ਵਾਸੀ ਚੰਦਰਭਾਨ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਦੇ ਫਰਜੀ ਰਿਸ਼ਤੇਦਾਰ ਮਨਪ੍ਰੀਤ ਸਿੰਘ ਅਤੇ ਉਸ ਦਾ ਵਕੀਲ ਬਨ ਕੇ ਫ਼ੋਨ ਕਾਲਾਂ ਕਰਕੇ 18 ਲੱਖ 49 ਹਜ਼ਾਰ 9 ਸੋ 98 ਰੁਪਏ ਅਤੇ ਇਕ ਨਾਮਾਲੂਮ ਵਿਅਕਤੀ ਦੇ ਖਾਤੇ ਵਿੱਚ ਪਵਾ ਕੇ ਉਸ ਨਾਲ ਠੱਗੀ ਮਾਰੀ ਹੈ । ਪ੍ਰੀਤਮ ਸਿੰਘ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਕਪਤਾਨ ਪੁਲਿਸ ਸਪੈਸ਼ਲ ਬ੍ਰਾਂਚ ਗੁਰਦਾਸਪੁਰ ਵੱਲੋਂ ਕਰਨ ਉਪਰਾਂਤ ਜੈ ਸ਼੍ਰੀ ਕੁਮਾਰ ਵਾਸੀ ਬਿਹਾਰ , ਖੇਮ ਭਾਈ ਯਾਦਵ ਵਾਸੀ ਛਤੀਸ਼ਗੜ , ਬਰਿੰਦਰਾ ਰਾਮ ਵਾਸੀ ਬਿਹਾਰ , ਅਸੋਰਸ ਮਿੰਜ ਝਾਰਖੰਡ , ਰਾਜਾ ਕੁਮਾਰ ਯਾਦਵ ਵਾਸੀ ਬਿਹਾਰ , ਰੱਜਤ ਗੋਸਾਈ ਵੈਸਟ ਬੰਗਾਲ , ਕਨੁੱਲ ਪ੍ਰਸ਼ਾਦ ਚੰਦਰਾ ਵਾਸੀ ਛਤੀਸਗੜ , ਸਤਿੰਦਰ ਕੁਮਾਰ ਵਾਸੀ ਗੁੜਗਾਉਂ ਅਤੇ ਇਕ ਨਾਮਾਲੂਮ ਸਮੇਤ 9 ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।