ਗੋਬਿਦ ਸਾਗਰ ਝੀਲ ਚ 7 ਨੌਜਵਾਨਾਂ ਦੀ ਡੁੱਬਣ ਨਾਲ ਮੌਤ

ਨੰਗਲ : ਅੱਜ ਗੋਬਿੰਦ ਸਾਗਰ ਝੀਲ ਵਿੱਚ 7 ਨੌਜਵਾਨਾਂ ਦੀ ਡੁੱਬਣ ਨਾਲ ਮੌਤ ਹੋਣ ਦੀ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। । ਸੂਤਰਾਂ ਅਨੁਸਾਰ ਇਹ ਸਾਰੇ ਨੌਜਵਾਨ  16 ਤੋਂ 19 ਸਾਲ ਦੇ ਵਿਚਕਾਰ ਉਮਰ ਦੇ ਅਤੇ ਹਲਕਾ ਬਨੂੜ ਦੇ ਦੱਸੇ ਜਾ ਰਹੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਹਲਕਾ ਬਨੂੜ ਦੇ 11 ਨੌਜਵਾਨ ਮਾਤਾ ਨੈਣਾ ਦੇਵੀ ਮੱਥਾ ਟੇਕਣ ਗਏ ਸਨ ਅਤੇ ਮੱਥਾ ਟੇਕਣ ਤੋਂ ਬਾਅਦ ਇਨ੍ਹਾਂ ਬਾਬ ਬਾਲਕ ਨਾਥ ਜਾਣਾ ਸੀ। ਰਸਤੇ ਵਿੱਚ ਗੋਬਿੰਦ ਸਾਗਰ ਝੀਲ ਵਿੱਚ ਨਹਾਉਣ ਸਮੇਂ ਇਹ ਹਾਦਸਾ ਵਾਪਰਿਆ। ਪਹਿਲਾਂ ਗੋਬਿੰਦ ਸਾਗਰ ਝੀਲ ਵਿੱਚ ਇੱਕ ਨੌਜਵਾਨ ਨਹਾਉਣ ਲਈ ਗਿਆ ਅਤੇ ਉਸ ਨੂੰ ਡੁੱਬਦੇ ਦੇਖ ਉਸਨੂੰ ਬਚਾਉਣ ਲਈ ਵਾਰੀ ਵਾਰੀ 7 ਨੌਜਵਾਨ ਝੀਲ ਵਿਚ ਉੱਤਰੇ ਅਤੇ ਸੱਤ ਦੇ ਸੱਤ ਹੀ ਨਹਿਰ ਵਿਚ ਡੁੱਬ ਗਏ। ਇਨ੍ਹਾਂ ਨੌਜਵਾਨਾਂ ਦੀਆਂ ਲਾਸ਼ਾਂ ਨੂੰ ਬੀਬੀਐਮਬੀ ਦੇ ਗੋਤਾਖੋਰਾਂ ਰੈਸਕਿਉ ਕਰਕੇ ਬਾਹਰ ਕੱਢ ਲਿਆ ਹੈ। ਡੁੱਬਣ ਵਾਲੇ ਨੌਜਵਾਨ ਚ 4 ਨੌਜਵਾਨ ਇੱਕ ਪਰਿਵਾਰ ਨਾਲ ਸਬੰਧਤ ਦੱਸੇ ਜਾ ਰਹੇ ਹਨ।