ਰੋਪੜ ਦੀ ਸੱਤ ਸਾਲਾ ਲੜਕੀ ਨੇ ਮਾਉਂਟ ਏਵਰੇਸ਼ਟ ਦੇ ਬੇਸ ਕੈਂਪ ਤੇ ਪਹੁੰਚ ਕੇ ਨਵਾਂ ਇਤਿਹਾਸ ਸਿਰਜਿਆ 

ਰੋਪੜ 13 ਜੂਨ (ਜਤਿੰਦਰਪਾਲ ਸਿੰਘ ਕਲੇਰ) : ਰੋਪੜ ਦੀ ਸੱਤ ਸਾਲਾ ਲੜਕੀ ਨੇ ਮਾਉਂਟ ਏਵਰੇਸ਼ਟ ਦੇ ਬੇਸ ਕੈਂਪ ਤੇ ਪਹੁੰਚ ਕੇ ਨਵਾਂ ਇਤਿਹਾਸ ਸਿਰਜ ਦਿੱਤਾ ਹੈ।ਰੋਪੜ ਵਾਸੀ ਸਾਨਵੀ ਸੂਦ ਭਾਰਤ ਦੀ ਪਹਿਲੀ ਸਭ ਤੋ ਛੋਟੀ ਉਮਰ ਦੀ ਪਹਿਲੀ ਲੜਕੀ ਹੈ ਜਿਸਨੇ ਮਾਉਂਟ ਏਵਰੇਸ਼ਟ ਦੇ ਬੈਂਸ ਕੈਂਪ ਤੇ ਪੁੱਜ ਕੇ ਭਾਰਤ ਦਾ ਝੰਡਾ ਲਹਿਰਾਇਆ ਹੈ।ਘੱਟ ਆਕਸੀਜਨ ਵਿੱਚ ਠੰਡੀਆਂ ਤੇ ਤੇਜ ਹਵਾਵਾਂ ਨੂੰ ਸਹਿੰਦੇ ਹੋਏ ਤੰਗ ਤੇ ਅੋਖੇ ਰਸਤਿਆਂ ਚੋਂ ਗੁਜ਼ਾਰਦੇ ਹੋਏ ਸਾਨਵੀ ਨੇ ਲਗਭਗ 65 ਕਿੱਲੋਮੀਟਰ ਦਾ ਇਸ ਟ੍ਰੈਕ ਨੋ ਦਿਨਾਂ ਵਿੱਚ ਪਾਰ ਕਰਕੇ ਨਵਾਂ ਰਿਕਾਰਡ ਕਾਯਿਮ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਸਾਨਵੀ ਸੂਦ ਨੇ 5364 ਮੀਟਰ ਦੀ ਉਚਾਈ ਤੇ ਪੁੱਜ ਜਿੱਥੇ ਕਿ ਭਾਰਤ ਪੰਜਾਬ ਅਤੇ ਰੋਪੜ ਦਾ ਨਾਮ ਰੋਸ਼ਨ ਕੀਤਾ ਹੈ ਉੱਥੇ ਹੀ ਆਪਣੇ ਪਿਤਾ ਦੀਪਕ ਸੂਦ ਦਾ ਨਾਮ ਵੀ ਨੂੰ ਵੀ ਛੋਟੀ ਉਮਰ ਵਿੱਚ ਹੀ ਚਮਕਾ ਦਿੱਤਾ ਹੈ।ਮੋਹਾਲੀ ਦੇ ਯਾਦਵਿੰਦਰਾ ਸਕੂਲ ਵਿੱਚ ਦੂਸਰੀ ਜਮਾਤ ਵਿੱਚ ਪੜਦੀ ਸਾਨਵੀ ਸੂਦ ਨੇ ਇਹ ਜਜ਼ਬੇ ਨੂੰ ਹੁਣ ਸਭ ਸਲਾਮ ਕਰ ਰਹੇ ਹਨ।