ਐਕਟਿਵਾ ਤੇ ਜਾ ਰਹੀ ਔਰਤ ਦੇ ਗਲੇ ‘ਚ ਪਾਈ ਚੈਨੀ ਝਪਟ ਮਾਰ ਕੇ ਲੈ ਜਾਣ ਤੇ ਇੱਕ ਨੌਜਵਾਨ ਤੇ ਮਾਮਲਾ ਦਰਜ 

ਹੁਸ਼ਿਆਰਪੁਰ 28 ਮਈ (ਬਿਊਰੋ) : ਐਕਟਿਵਾ ਤੇ ਜਾ ਰਹੀ ਔਰਤ ਦੇ ਗਲੇ ਵਿਚ ਪਾਈ ਚੈਨੀ ਝਪਟ ਮਾਰ ਕੇ ਲੈ ਜਾਣ ਤੇ ਇੱਕ ਨੌਜਵਾਨ ਤੇ ਮਾਡਲ ਟਾਊਨ ਹੁਸ਼ਿਆਰਪੁਰ ਦੀ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ। ਮੁਲਜ਼ਮ ਦੀ ਪਛਾਣ ਸੰਦੀਪ ਕੁਮਾਰ ਪੁੱਤਰ ਸੁਦੇਸ਼ ਕੁਮਾਰ ਵਾਸੀ ਗੜਦੀਵਾਲਾ ਥਾਣਾ ਗੜਦੀਵਾਲਾ ਜਿਲਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਜਸਵੀਰ ਕੌਰ ਪਤਨੀ ਸੁਖਦੇਵ ਸਿੰਘ ਵਾਸੀ ਗਲੀ ਨੰਬਰ 04 ਮੁਹੱਲਾ ਕੀਰਤੀ ਨਗਰ ਥਾਣਾ ਮਾਡਲ ਟਾਊਨ ਹੁਸ਼ਿਆਰਪੁਰ ਨੇ ਕਿਹਾ ਕਿ ਉਹ ਆਪਣੀ ਐਕਟਿਵਾ ਨੰਬਰ ਪੀ.ਬੀ-07 ਬੀ.ਵੀ-7732 ਤੇ ਘਰ ਦਾ ਘਰੇਲੂ ਸਮਾਨ ਲੈ ਕੇ ਆਪਣੇ ਘਰ ਨੂੰ ਆ ਰਹੀ ਸੀ ਉਸ ਦਾ ਲੜਕਾ ਜਸਪਾਲ ਸਿੰਘ ਸਕੂਟਰੀ ਚਲਾ ਰਿਹਾ ਸੀ ਜਦ ਉਹ ਵਕਤ ਕਰੀਬ 07-30 ਪੀ.ਐਮ ਵਜੇ ਮੁਹੱਲਾ ਟਿੱਬਾ ਸਾਹਿਬ ਹੁਸ਼ਿਆਰਪੁਰ ਨੂੰ ਜਾ ਰਹੇ ਸੀ ਤਾ ਇੱਕ ਮੋਨਾ ਨੋਜਵਾਨ ਮੋਟਰ ਸਾਇਕਲ ਹੀਰੋ ਰੰਗ ਕਾਲਾ ਬਿਨਾ ਨੰਬਰੀ ਪਿੱਛੇ ਆ ਰਿਹਾ ਸੀ ਤਾ ਐਕਟਿਵਾ ਦੇ ਬਰਾਬਰ ਆ ਕੇ ਉਸ ਦੇ ਗਲੇ ਵਿੱਚ ਪਾਈ ਚੈਨੀ ਝਪਟ ਮਾਰ ਕੇ ਲੈ ਗਿਆ।ਉਕਤ ਵਿਅਕਤੀ ਦਾ ਅੱਗੇ ਜਾ ਕੇ ਐਕਸੀਡੈਂਟ ਹੋ ਗਿਆ ਜਿਸ ਦਾ ਉਸ ਨੂੰ ਬਾਅਦ ਵਿੱਚ ਨਾਮ ਸੰਦੀਪ ਕੁਮਾਰ ਪੁੱਤਰ ਸੁਦੇਸ਼ ਕੁਮਾਰ ਵਾਸੀ ਗੜਦੀਵਾਲਾ ਥਾਣਾ ਗੜਦੀਵਾਲਾ ਜਿਲਾ ਹੁਸ਼ਿਆਰਪੁਰ ਪਤਾ ਲੱਗਾ ਜਿਸ ਦੇ ਹੱਥ ਵਿੱਚੋਂ ਚੈਨੀ ਡਿੱਗ ਪਈ ਜੋ ਅੱਧੀ ਸੀ ਉਹਨਾ ਨੂੰ ਮਿਲ ਗਈ ਹੈ ।ਜਿਸ ਤੇ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ।