ਦਰਬਾਰ ਖ਼ੁਆਜਾ ਪੀਰ ਚੰਦਿਆਣੀ ਖ਼ੁਰਦ ਵਿਖੇ ਮੇਲਾ ਕਰਵਾਇਆ

ਬਲਾਚੌਰ, 23 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ )-ਦਰਬਾਰ ਖ਼ੁਆਜਾ ਪੀਰ ਚੰਦਿਆਣੀ ਖ਼ੁਰਦ ਵਿਖੇ ਦਰਬਾਰ ਦੇ ਮੌਜੂਦਾ ਗੱਦੀਨਸ਼ੀਨ ਦੀਦੀ ਸਰਕਾਰ ਦੀ ਸਰਪ੍ਰਸਤੀ ਹੇਠ ਖ਼ੁਆਜਾ ਪੀਰ ਦੀ ਯਾਦ ਨੂੰ ਸਮਰਪਿਤ ਸਾਲਾਨਾ ਜੋੜ ਮੇਲਾ ਕਰਵਾਇਆ ਗਿਆ | ਜਿਸ ਦੌਰਾਨ ਬਾਅਦ ਦੁਪਹਿਰ ਪੂਰੇ ਪਿੰਡ ਦੀ ਪ੍ਰਕਰਮਾ ਕਰਵਾਉਣ ਉਪਰੰਤ ਦਰਗਾਹ ‘ਤੇ ਚਾਦਰ ਦੀ ਰਸਮ ਦੀਦੀ ਸਰਕਾਰ ਵਲੋਂ ਅਦਾ ਕੀਤੀ ਗਈ | ਰਾਤ ਸਮੇਂ ਉੱਘੇ ਪੰਜਾਬੀ ਰਾਤ ਸਮੇਂ ਪ੍ਰਸਿੱਧ ਸੂਫੀ ਗਾਇਕ ਸਰਦਾਰ ਅਲੀ, ਉੱਘੇ ਪੰਜਾਬੀ ਗਾਇਕ ਬੂਟਾ ਮੁਹੰਮਦ, ਮਾਨ ਪੀ. ਸਿੰਘ, ਡਿਊਟ ਜੋੜੀ ਗੁਰਿੰਦਰ ਗੈਰੀ ਤੇ ਮੰਨਤ ਬਾਜਵਾ, ਮੁਨੱਵਰ ਅਲੀ, ਪ੍ਰੇਮ ਕਵਾਲ, ਸ਼ੌਕਤ ਅਲੀ ਮਤੋਈ ਤੇ ਹੋਰ ਵੱਖ-ਵੱਖ ਕਲਾਕਾਰਾਂ ਵਲੋਂ ਧਾਰਮਿਕ ਤੇ ਸੱਭਿਆਚਾਰਕ ਗੀਤਾਂ ਰਾਹੀਂ ਆਪਣੀ ਹਾਜ਼ਰੀ ਲਗਵਾਈ ਗਈ | ਇਸ ਮੌਕੇ ਦੀਦੀ ਸਰਕਾਰ, ਲਾਡੀ ਬਾਦਸ਼ਾਹ, ਗਗਨ ਭੁੱਲਰ, ਸੁੱਖਾ ਮਸਤ ਘਾਗੋ ਰੋੜਾਵਾਲੀ, ਕਿਰਨਾ ਮਹੰਤ, ਕਾਜਲ ਮਹੰਤ, ਸੁਨੀਤਾ ਚੌਧਰੀ, ਅਸ਼ੋਕ ਨਾਨੋਵਾਲ, ਸਾਬਕਾ ਸੰਮਤੀ ਮੈਂਬਰ ਗੁਰਚਰਨ ਚੇਚੀ, ਸਰਪੰਚ ਮਾਨਾ ਭਾਟੀਆ, ਠੇਕੇਦਾਰ ਰੋਸ਼ਨ ਲਾਲ ਕਰੀਮਪੁਰ, ਜਥੇ ਜੋਗਿੰਦਰ ਸਿੰਘ ਅਟਵਾਲ, ਮਨੋਹਰ ਲਾਲ ਭੂੰਬਲਾ, ਦੇਵ ਰਾਜ, ਤਿਲਕ ਰਾਜ ਹੱਕਲਾ, ਦੇਵ ਹੱਕਲਾ ਆਦਿ ਹਾਜ਼ਰ ਸਨ |