ਗੜ੍ਹਦੀਵਾਲਾ 12 ਮਈ (ਚੌਧਰੀ) : ਗੜ੍ਹਦੀਵਾਲਾ ਦੇ ਨਜ਼ਦੀਕੀ ਪਿੰਡ ਖੁਰਦਾਂ ਦੇ ਸੰਤਸਰ ਚੈਰੀਟੇਬਲ ਹਸਪਤਾਲ ਵੱਲੋਂ 17 ਮਈ ਨੂੰ ਮੈਡੀਕਲ ਜਾਂਚ ਕੈਂਪ ਲਗਾਇਆ ਜਾ ਰਿਹਾ ਹੈ ਜਿਸ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਇਸ ਮੈਡੀਕਲ ਕੈਂਪ ਬਾਰੇ ਜਾਣਕਾਰੀ ਦਿੰਦੇ ਹੋਏ ਮਨੇਜਿੰਗ ਡਾਈਰੈਕਟਰ ਸੰਗੀਤਾ ਅਟਵਾਲ ਅਤੇ ਡਾਕਟਰ ਵਿਕਾਸ ਕੁਮਾਰ ਨੇ  ਦੱਸਿਆ ਕਿ ਇਸ ਮੈਡੀਕਲ ਕੈਂਪ ਵਿੱਚ ਖੂਨਦਾਨ ਕੈਂਪ, ਮੈਡੀਕਲ ਜਾਂਚ ਕੈਂਪ ਅਤੇ ਅਖਾਂ ਦਾ ਫ੍ਰੀ ਚੈਕਅੱਪ ਕੀਤਾ ਜਾਵੇਗਾ । ਖ਼ੂਨ ਦੀ ਜਾਂਚ ਕਰਾਉਣ ਤੇ 50 ਪਰਸੈਂਟ ਡਿਸਕਾਊਂਟ ਦਿੱਤਾ ਜਾਏਗਾ, ਅਤੇ ਦੁਆਈਆਂ ਤੇ 10 ਪਰਸੈਂਟ ਦੀ ਛੋਟ ਦਿੱਤੀ ਜਾਵੇਗੀ। ਇਸ ਮੌਕੇ ਉਨ੍ਹਾਂ ਨੇ ਦੱਸਿਆ ਕਿ ਅੱਖਾਂ ਦੇ ਚਿੱਟੇ ਮੋਤੀਏ ਦਾ ਆਪ੍ਰੇਸ਼ਨ ਬਾਕੀ ਹਸਪਤਾਲਾਂ ਨਾਲੋਂ ਅੱਧੇ ਰੇਟ ਵਿੱਚ ਕੀਤਾ ਜਾਣਗੇ। ਇਸ ਕੈਂਪ ਵਿੱਚ ਮਸ਼ਹੂਰ ਡਾਕਟਰ ਅਮਿੱਤ ਪਾਠਕ, ਡਾਕਟਰ ਪ੍ਰਮੋਦ ਸਰਨੋਦ, ਡਾਕਟਰ ਵਿਕਾਸ ਗੁਪਤਾ, ਡਾਕਟਰ ਪਰਮਿੰਦਰ ਕੌਰ, ਡਾਕਟਰ ਸਤਿੰਦਰ ਪਾਲ ਸਿੰਘ ਆਏ ਹੋਏ ਮਰੀਜ਼ਾਂ ਦਾ ਚੈੱਕ ਅਪ ਕਰਨਗੇ। ਇਸ ਮੌਕੇ ਤੇ ਤਨਵੀਰ ਸਟਾਫ ਨਰਸ, ਵੰਦਨਾ, ਸੁਨੈਨਾ ਸਟਾਫ ਨਰਸ, ਸੁਰਜੀਤ, ਸਿਮਰਨ ਆਦਿ ਹਾਜ਼ਰ ਸਨ।

ਫੋਟੋ : ਜਾਣਕਾਰੀ ਦਿੰਦੇ ਹੋਏ ਹਸਪਤਾਲ ਦੇ ਡਾਕਟਰ