ਗੜ੍ਹਦੀਵਾਲਾ / ਹੁਸ਼ਿਆਰਪੁਰ 11 ਮਈ (ਚੌਧਰੀ) : ਨੈਸ਼ਨਲ ਕੌਂਸਲ ਆਫ ਐਜੂਕੇਸ਼ਨ ਰਿਸਰਚ ਅਤੇ ਟ੍ਰੇਨਿੰਗ ਵਲੋਂ ਅੰਤਰਰਾਸ਼ਟਰੀ ਯੋਗ ਦਿਵਸ ਸਬੰਧੀ ਯੋਗ ਉਲੰਪੀਅਡ ਸਕੂਲਾਂ ਤੋਂ ਬਾਅਦ ਮਿਤੀ 12 ਮਈ 2022 ਅਤੇ 13 ਮਈ 2022 ਨੂੰ ਜੋਨ ਪੱਧਰ ਤੇ ਵੱਖ ਵੱਖ ਜੋਨਾਂ ਵਿਚ ਮੁਕਾਬਲੇ ਕਰਵਾਏ ਜਾਣਗੇ। ਇਸ ਦੇ ਸਬੰਧ ਵਿੱਚ ਜਿਲਾ ਸਿੱਖਿਆ ਅਫਸਰ (ਸ) ਹੁਸ਼ਿਆਰਪੁਰ ਗੁਰਸ਼ਰਨ ਸਿੰਘ ਦੀ ਅਗਵਾਈ ਹੇਠ ਸਮੂਹ ਬੀ ਐਮ ਸਪੋਰਟਸ ਨਾਲ ਮੀਟਿੰਗ ਕੀਤੀ ਗਈ। ਇਹ ਮੁਕਾਬਲੇ ਜੋਨ ਪ੍ਰਧਾਨ, ਜੋਨ ਸਕੱਤਰ ਅਤੇ ਬੀ ਐਮ ਸਪੋਰਟਸ ਦੀ ਅਗਵਾਈ ਵਿਚ ਕਰਵਾਏ ਜਾਣਗੇ। ਹਰੇਕ ਜੋਨ ਵਿਚ 4-4 ਖਿਡਾਰੀਆਂ ਦੀ ਚੋਣ ਜਿਲਾ ਪੱਧਰੀ ਮੁਕਾਬਲੇ ਲਈ ਕੀਤੀ ਜਾਵੇਗੀ। ਜਿਲਾ ਸਿੱਖਿਆ ਅਫਸਰ (ਸ) ਵਲੋਂ ਸਮੂਹ ਸਕੂਲ ਮੁਖੀਆਂ ਨੂੰ ਇਸ ਅੰਤਰਰਾਸ਼ਟਰੀ ਯੋਗ ਦੇ ਸਬੰਧ ਵਿਚ ਯੋਗ ਉਲੰਪੀਅਡ ਕਰਵਾਉਣ ਲਈ ਸਕੂਲਾਂ ਨੂੰ ਸਹਿਯੋਗ ਦੇਣ ਦੀ ਅਪੀਲ ਕੀਤੀ। ਇਸ ਮੀਟਿੰਗ ਵਿੱਚ ਜਿਲਾ ਸਿੱਖਿਆ ਅਫਸਰ (ਸ) ਗੁਰਸ਼ਰਨ ਸਿੰਘ, ਸਿੱਖਿਆ ਸੁਧਾਰ ਟੀਮ ਦੇ ਇੰਚਾਰਜ ਸ਼ਲਿੰਦਰ ਠਾਕੁਰ, ਦਲਜੀਤ ਸਿੰਘ ਡੀ ਐਮ ਸਪੋਰਟਸ,, ਮਨਦੀਪ ਸਿੰਘ, ਜਗਦੀਪ ਬਹਾਦਰ ਸਿੰਘ, ਦਵਿੰਦਰ ਸਿੰਘ, ਠਾਕੁਰ ਕਰਨ ਸਿੰਘ, ਰੋਹਿਤ ਸ਼ਰਮਾ, ਪ੍ਰਦੀਪ ਕੁਮਾਰ, ਹੇਮ ਰਾਜ, ਨਰਿੰਦਰ ਸਿੰਘ ਬੀ ਐਮ ਸਪੋਰਟਸ ਹਾਜਰ ਸਨ।