ਹਾਈਵੇ ‘ਤੇ ਗ਼ਲਤ ਦਿਸ਼ਾ ‘ਚ ਵਾਹਨ ਖੜ੍ਹੇ ਕਰਨ ਵਾਲੀਆਂ ਦੀ ਹੁਣ ਖੈਰ ਨਹੀਂ : ਐਸ ਐਸ ਓ ਹਰਕੀਰਤ ਸਿੰਘ

ਬਲਾਚੌਰ,ਕਾਠਗੜ੍ਹ 8 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ )- ਨਿੱਤ ਦਿਨ ਵਾਪਰਦੇ ਸੜਕੀ ਹਾਦਸਿਆਂ ਨੂੰ ਠੱਲ੍ਹ ਪਾਉਣ ਲਈ ਥਾਣਾ ਕਾਠਗੜ੍ਹ ਦੇ ਠਐੱਸ.ਐੱਚ.ਓ. ਹਰਕੀਰਤ ਸਿੰਘ ਦੀ ਅਗਵਾਈ ‘ਚ ਪੁਲਿਸ ਪਾਰਟੀ ਨੇ ਰੋਪੜ-ਬਲਾਚੌਰ ਹਾਈਵੇ ‘ਤੇ ਪਿੰਡ ਮਾਜਰਾ ਜੱਟਾਂ ਦੇ ਬੱਸ ਅੱਡੇ ‘ਚ ਗ਼ਲਤ ਦਿਸ਼ਾ ‘ਚ ਵਾਹਨ ਚਲਾਉਣ ਵਾਲੇ ਵਾਹਨ ਚਾਲਕਾਂ ਪ੍ਰਤੀ ਸਖ਼ਤੀ ਨਾਲ ਕਾਰਵਾਈ ਕਰਦਿਆਂ ਵਾਹਨਾਂ ਦੇ ਚਲਾਨ ਕੀਤੇ | ਥਾਣਾ ਕਾਠਗੜ੍ਹ ਦੇ ਐੱਸ.ਐੱਸ.ਓ. ਹਰਕੀਰਤ ਸਿੰਘ ਨੇ ਕਿਹਾ ਕਿ ਗ਼ਲਤ ਦਿਸ਼ਾ ‘ਚ ਵਾਹਨ ਚਲਾਉਣ ਨਾਲ ਜਿੱਥੇ ਵਾਹਨ ਚਾਲਕ ਖ਼ੁਦ ਹਾਦਸੇ ਦਾ ਸ਼ਿਕਾਰ ਹੁੰਦੇ ਹਨ ਉੱਥੇ ਸਹੀ ਦਿਸ਼ਾ ‘ਚ ਵਾਹਨ ਚਲਾਉਣ ਵਾਲਿਆਂ ਲਈ ਵੀ ਵੱਡਾ ਖ਼ਤਰਾ ਬਣਦੇ ਹਨ | ਇਸ ਮੌਕੇ ਉਨ੍ਹਾਂ ਨਾਲ ਏ.ਐੱਸ.ਆਈ.ਅਮਰਜੀਤ, ਏ.ਐੱਸ.ਆਈ. ਪ੍ਰੇਮ ਲਾਲ, ਏ.ਐੱਸ.ਆਈ. ਲਛਮਣ, ਕਪਿਲ ਦੇਵ ਆਦਿ ਪੁਲਿਸ ਮੁਲਾਜ਼ਮ ਹਾਜ਼ਰ ਸਨ | ਕਾਠਗੜ੍ਹ ਪੁਲਿਸ ਵਲੋਂ ਵਾਹਨ ਚਾਲਕਾਂ ਪ੍ਰਤੀ ਕੀਤੀ ਸਖ਼ਤੀ ਦੀ ਭਾਈ ਦਲਜੀਤ ਸਿੰਘ ਮੌਲਾ, ਮਾ. ਰਾਜ ਕੁਮਾਰ, ਜੋਗਿੰਦਰ ਸਿੰਘ ਗਰੇਵਾਲ, ਕਰਨੈਲ ਸਿੰਘ, ਕਰਮਯੋਗ ਸਿੰਘ ਆਦਿ ਇਲਾਕਾ ਨਿਵਾਸੀਆਂ ਨੇ ਪ੍ਰਸੰਸਾ ਕੀਤੀ ਹੈ |