ਮਹਿੰਦਵਾਣੀ ਨਜਦੀਕ ਸਾਬਣ ਫੈਕਟਰੀ ਦੇ ਅੱਗੇ ਗਓ ਸੇਵਾ ਮਿਸ਼ਨ ਵਲੋਂ ਲਗਾਤਾਰ ਧਰਨਾ ਅੱਜ ਤੋਂ ਸ਼ੁਰੂ

ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ) : ਗੜ੍ਹਸ਼ੰਕਰ ਅਧੀਨ ਪੈਦੇ ਹਿਮਾਚਲ ਪ੍ਰਦੇਸ਼ ਦੀ ਸਰਹੱਦ ਦੇ ਨਾਲ ਵਸੇ ਪਿੰਡ ਮਹਿੰਦਵਾਣੀ ਨਜਦੀਕ ਲੱਗੀ ਸਾਬਣ ਫੈਕਟਰੀ ਦੇ ਅੱਗੇ ਗਓ ਸੇਵਾ ਮਿਸ਼ਨ ਦੇ ਪ੍ਧਾਨ ਸਵਾਮੀ ਕਿ੍ਸ਼ਨਾ ਨੰਦ ਮਹਾਰਾਜ ਜੀ ਦੀ ਦੇਖ ਰੇਖ ਹੇਠ ਪੱਕਾ ਧਰਨਾ ਅਜ ਤੋ ਸ਼ੁਰੂ ਹੋਇਆ। ਰਾਮ ਨਾਮ ਦੀ ਮਹਿਮਾ ਨਾਲ ਸ਼ੁਰੂ ਹੋਏ ਅਜ ਦੇ ਧਰਨੇ ਦੀ ਅਗਵਾਈ ਸੰਤ ਬਾਬਾ ਸੁੱਧ ਸਿੰਘ ਜੀ ਨੇ ਕੀਤੀ ਅਤੇ ਇਸ ਧਰਨੇ ਚ ਵੱਡੀ ਗਿਣਤੀ ਵਿੱਚ ਇਲਾਕੇ ਦੇ ਨਾਲ ਕੱਢੀ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਵਾਸੀਆਂ ਨੇ ਹਿੱਸਾ ਲਿਆ। ਇਸ ਮੌਕੇ ਸੰਤ ਬਾਬਾ ਸੁੱਧ ਸਿੰਘ ਜੀ ਨੇ ਸੁਆਮੀ ਜੀ ਦੇ ਨਿਰਦੇਸ਼ਾ ਹੇਠ ਰਾਮ ਨਾਮ ਦਾ ਜੱਪ ਕਰਦੇ ਹੋਏ ਧਰਨੇ ਚ ਸਮੂਹ ਲੋਕਾਂ ਨੂੰ ਹਿੱਸਾ ਲੈਣ ਲਈ ਕਿਹਾ ਅਤੇ ਕਿਸੇ ਵੀ ਤਰ੍ਹਾਂ ਦੀ ਹੁਲੜਬਾਜੀ ਤੋਂ ਇਨਕਾਰ ਕੀਤਾ। ਉਹਨਾਂ ਨੇ ਕਿਹਾ ਕਿ ਧਰਨਾ ਉਦੋਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਫੈਕਟਰੀ ਵਾਲੇ ਸਾਡੀਆਂ ਸ਼ਰਤਾਂ ਨਹੀਂ ਮਨ ਲੈਦੇ। ਇਸ ਮੌਕੇ ਪੰਮੀ ਪੰਡੋਰੀ, ਐਡਵੋਕੇਟ ਪੰਕਜ ਕਿ੍ਪਾਲ, ਪਵਨ ਕਟਾਰੀਆ, ਗਰੀਬ ਦਾਸ ਬੀਟਣ, ਕਮਲ ਕਟਾਰੀਆ, ਸਾਬਕਾ ਚੇਅਰਮੈਨ ਅਮਰਿੰਦਰ ਰਿੰਕੂ ਚਾਦਪੁਰੀ, ਗਓ ਸੇਵਾ ਕਮਿਸ਼ਨ ਦੇ ਸਾਬਕਾ ਚੇਅਰਮੈਨ ਕੀਮਤੀ ਲਾਲ ਭਗਤ, ਸੰਦੀਪ ਰਾਣਾ, ਸੰਜੇ ਪਿੱਪਲੀਵਾਲ, ਸਰਪੰਚ ਸੁਭਾਸ਼ ਮਹਿੰਦਵਾਣੀ, ਪਣਵ ਕਿ੍ਪਾਲ,ਗੁਰਚੈਨ ਟਿੱਬਿਆਂ, ਸਰਪੰਚ ਸੁਭਾਸ਼ ਬੀਣੇਵਾਲ ਤੋਂ ਇਲਾਵਾ ਵੱਡੀ ਗਿਣਤੀ ਇਲਾਕੇ ਭਰ ਦੇ ਲੋਕ ਹਾਜ਼ਰ ਸਨ।