ਬਲਾਚੌਰ ( ਜਤਿੰਦਰ ਪਾਲ ਸਿੰਘ ਕਲੇਰ ) :  ਲੈਮਰਿਨ ਟੈਕ ਸਕਿੱਲਜ ਯੂਨੀਵਰਸਿਟੀ ਪੰਜਾਬ ਵੱਲੋਂ ਦੇਸ਼ ਦੇ ਨੌਜਵਾਨਾਂ ਲਈ ਹੈਲਥਕੇਅਰ ਅਤੇ ਸਹਿਯੋਗੀ ਖੇਤਰਾਂ ਵਿੱਚ ਸਕਿੱਲ ਵਧਾਉਣ ਦੇ ਮਕਸਦ ਨਾਲ ਪੰਜਾਬ ਸਰਕਾਰ ਅਤੇ ਇੰਡੀਅਨ ਸਕੂਲ ਆਫ ਬਿਜ਼ਨੈੱਸ, ਮੋਹਾਲੀ ਦੇ ਸਹਿਯੋਗ ਨਾਲ 8 ਮਾਰਚ ਨੂੰ ਇਕ ਵਰਚੁਅਲ ਸੈਸ਼ਨ ਆਯੋਜਿਤ ਕੀਤਾ ਜਾ ਰਿਹਾ ਹੈ, ਜੋ ਕਿ ਦੇਸ਼ ਦੇ ਨੌਜਵਾਨਾਂ ਨੂੰ ਆਪਣੀ ਸਕਿੱਲ ਵਧਾਉਣ ਲਈ ਇਕ ਪਲੇਟ ਫਾਰਮ ਪ੍ਰਦਾਨ ਕਰੇਗਾ । ਜਿਸ ਦਾ ਥੀਮ ਭਾਰਤ ਵਿੱਚੋਂ ਸਕਿੱਲਡ ਅਤੇ ਮਾਹਰ ਮੈਨਪਾਵਰ ਨੂੰ ਵਿਦੇਸ਼ਾਂ ਦੀ ਜ਼ਰੂਰਤ ਅਨੁਸਾਰ ਮੁਹੱਈਆ ਕਰਵਾਉਣਾ ਹੋਵੇਗਾ ਯੂਨੀਵਰਸਿਟੀ ਬੁਲਾਰੇ ਨੇ ਦੱਸਿਆ ਕਿ ਇਹ ਸੈਸ਼ਨ 11 ਵਜੇ ਆਰੰਭ ਹੋਵੇਗਾ ਜਿਸ ਵਿੱਚ ਸ. ਚਰਨਜੀਤ ਸਿੰਘ ਚੰਨੀ ਮਾਣਯੋਗ ਮੁੱਖ ਮੰਤਰੀ ਪੰਜਾਬ, ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਸ਼ਮੂਲੀਅਤ ਕਰਨਗੇ। ਇਸ ਮੌਕੇ ਤੇ ਵਿਦੇਸ਼ਾਂ ਦੇ ਹਾਈ ਕਮਿਸ਼ਨਰ, ਵਿਭਿੰਨ ਦੇਸ਼ਾਂ ਦੇ ਰਾਜਦੂਤ, ਭਾਰਤ ਅਤੇ ਪੰਜਾਬ ਸਰਕਾਰ ਦੇ ਅਧਿਕਾਰੀ ਅਤੇ ਹੋਰ ਇਸ ਮੌਕੇ ਤੇ ਗੈਸਟ ਆਫ ਆਨਰ ਹੋਣਗੇ। ਇਸ ਮੌਕੇ ਤੇ ਤਿੰਨ ਟੈਕਨੀਕਲ ਸੈਸ਼ਨ, ਪਹਿਲਾਂ ਟੈਕਨੀਕਲ ਸੈਸ਼ਨ ਆਸਟ੍ਰੇਲੀਆ, ਜਾਪਾਨ ਅਤੇ ਸਿੰਗਾਪੁਰ ਲਈ ਦੁਪਹਿਰ 1 ਵਜੇ,, ਦੂਜਾ ਸੈਸ਼ਨ ਇੰਗਲੈਂਡ ਅਤੇ ਜਰਮਨੀ ਲਈ 3:30 ਵਜੇ ਅਤੇ ਤੀਸਰਾ ਸੈਸ਼ਨ ਕੈਨੇਡਾ ਲਈ ਰਾਤ ਅੱਠ ਵਜੇ ਭਾਰਤੀ ਸਮੇਂ ਸਾਰਨੀ ਅਨੁਸਾਰ ਹੋਵੇਗਾ । ਇਸ ਵਿੱਚ ਪੰਜ ਹਜ਼ਾਰ ਤੋਂ ਵੱਧ ਵਿਦਿਆਰਥੀ, ਅਧਿਆਪਕ ,ਟ੍ਰੇਨਰਜ਼, ਪ੍ਰਿੰਸੀਪਲਜ਼ ,ਡਾਇਰੈਕਟਰ ਅਤੇ ਮਾਹਰ ਮੈਡੀਕਲ ,ਨਰਸਿੰਗ ,ਸਕਿੱਲ ਸੰਸਥਾਵਾਂ ,ਪੈਰਾ ਮੈਡੀਕਲ ਸੰਸਥਾਵਾਂ ਅਤੇ ਵਿਦੇਸ਼ਾਂ ਤੋ ਸ਼ਮੂਲੀਅਤ ਕਰਨਗੇ ।ਇਸ ਦਾ ਮਕਸਦ ਹੈਲਥ ਕੇਅਰ ਅਤੇ ਅਲਾਈਡ ਖੇਤਰ ਵਿੱਚ ਜ਼ਰੂਰਤ ਅਨੁਸਾਰ ਅੱਛੇ ਦਰਜੇ ਦੀ ਸਕਿੱਲ ਮੈਨਪਾਵਰ ਨੂੰ ਸਕਿੱਲ ਨਾਲ ਸੁਸੱਜਿਤ ਕਰਕੇ ਵਿਦੇਸ਼ਾਂ ਦੀ ਜ਼ਰੂਰਤ ਅਨੁਸਾਰ ਪਲੇਟਫਾਰਮ ਤਿਆਰ ਕਰਕੇ ਨੌਕਰੀ ਦੇ ਅਵਸਰ ਪ੍ਰਦਾਨ ਕਰਨਾ ਹੋਵੇਗਾ ।