ਗੜ੍ਹਦੀਵਾਲਾ 22 ਫਰਵਰੀ (ਚੌਧਰੀ) : ਸਥਾਨਕ ਸ਼ਹਿਰ ਦੇ ਮਸਤੀਵਾਲ ਰੋਡ ਦੇ ਕੰਢਾਲੀਆਂ ਮੋੜ ਤੇ ਸਥਿਤ ਜੌਹਲ ਫੈਸ਼ਨ ਪੁਆਇੰਟ ਤੇ ਅੱਗ ਲੱਗਣ ਦਾ ਸਮਾਚਾਰ ਮਿਲਿਆ ਹੈ। ਅੱਗ ਲੱਗਣ ਦਾ ਕਾਰਨ ਬਿਜਲੀ ਦਾ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੁਕਾਨ ਮਾਲਕ ਤੀਰਥ ਸਿੰਘ ਪੁੱਤਰ ਮਹਿੰਦਰ ਸਿੰਘ ਵਾਸੀ ਜੌਹਲਾਂ ਨੇ ਦੱਸਿਆ ਕਿ ਉਹ ਐਤਵਾਰ ਨੂੰ ਰਾਤ 9.15 ਦੇ ਕਰੀਬ ਆਪਣੀ ਦੁਕਾਨ ਬੰਦ ਕਰਕੇ ਘਰ ਜੌਹਲਾਂ ਵਿਖੇ ਗਿਆ ਸੀ ਅਤੇ ਜਦੋਂ ਸੋਮਵਾਰ ਸਵੇਰੇ 9. 30 ਵਜੇ ਦੇ ਕਰੀਬ ਦੁਕਾਨ ਖੋਲੀ ਤਾਂ ਅੰਦਰ ਅੱਗ ਨਾਲ ਸਾਰਾ ਸਾਮਾਨ ਸੜ ਕੇ ਸੁਆਹ ਹੋ ਚੁੱਕਾ ਸੀ। ਉਸਨੇ ਦੱਸਿਆ ਇਸ ਅੱਗ ਲੱਗਣ ਨਾਲ ਉਸਦਾ 40 ਹਜਾਰ ਰੁਪਏ ਲੱਗਭਗ ਨੁਕਸਾਨ ਹੋਇਆ ਹੈ।