ਗੜਸ਼ੰਕਰ 11 ਫਰਵਰੀ (ਅਸ਼ਵਨੀ ਸ਼ਰਮਾ) : ਸਧਾਨਕ ਪੁਲਿਸ ਨੇ  50 ਨਸ਼ੀਲੇ ਟੀਕੇ, 100 ਗ੍ਰਾਮ ਹੈਰੋਇਨ, 3 ਲੱਖ 27 ਹਜਾਰ ਡਰੱਗ ਮਨੀ, ਇੱਕ ਐਕਟਿਵਾ ਸਮੇਤ ਪਤੀ-ਪਤਨੀ ਨੂੰ ਗਿ੍ਰਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਵਿਕਾਸ ਉਰਫ ਵਿੱਕੀ ਸਮੇਤ ਉਸਦੀ ਪਤਨੀ ਸ਼ਿਵਾਨੀ ਵਾਸੀਆਨ ਬੀਨੇਵਾਲ ਵਜੋਂ ਹੋਈ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਇੰਸਪੈਕਟਰ ਰਾਜੀਵ ਕੁਮਾਰ ਮੁੱਖ ਅਫਸਰ ਥਾਣਾ ਗੜਸ਼ੰਕਰ ਸਮੇਤ ਪੁਲਿਸ ਪਾਰਟੀ ਤ ਬਰਾਏ ਵੀ ਆਈ ਪੀ ਡਿਊਟੀ ਦੇ ਸੰਬੰਧ ਵਿੱਚ ਬੀਨੇਵਾਲ ਹਾਜਰ ਸੀ ਕਿ ਮੁਖਬਰ ਖਾਸ 5 ਨੇ ਵੱਖ ਹੋ ਕੇ ਇਤਲਾਹ ਦਿੱਤੀ ਕਿ ਇਸ ਸਮੇ ਵਿਕਾਸ ਉਰਫ ਵਿੱਕੀ ਸਮੇਤ ਉਸਦੀ ਪਤਨੀ ਸ਼ਿਵਾਨੀ ਵਾਸੀਆਨ ਬੀਨੇਵਾਲ ਜੋ ਕਿ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਨਸ਼ੇ ਦੀ ਸਮਗਲਿੰਗ ਕਰਦੇ ਹਨ। ਜਿਨ੍ਹਾਂ ਪਾਸ ਭਾਰੀ ਮਾਤਰਾ ਵਿੱਚ ਨਸ਼ੀਲਾ ਪਦਾਰਥ ਮਿਲ  ਸਕਦਾ ਹੈ। ਜਿਸਤੇ ਮਨ ਇੰਸਪੈਕਟਰ ਸਮੇਤ ਪੁਲਿਸ ਪਾਰਟੀ ਰੇਡ ਬਰ ਮਕਾਨ ਵਿਕਾਸ ਕੀਤਾ ਗਿਆ ਜੋ ਆਪਣੀ ਪਤਨੀ ਨਾਲ ਆਪਣੀ ਸਕੂਟਰੀ ਐਕਟੀਵਾ ਨੰਬਰੀ ਪੀ ਬੀ 24 ਸੀ 5083 ਲੈ ਕੇ ਨਿਕਲਣ ਲੱਗਾ ਸੀ ਕਿ ਜਿਸਨੂੰ ਮਨ ਇੰਸਪੈਕਟਰ ਨੇ ਸਾਥੀ  ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਨਾਮ ਪਤਾ ਪੁੱਛਿਆ ਜਿਸ ਨੇ ਆਪਣਾ ਨਾਮ ਵਿਕਾਸ ਉਰਫ ਵਿੱਕੀ ਪੁੱਤਰ ਦਵਿੰਦਰ ਸਿੰਘ ਦੱਸਿਆ ਅਤੇ ਜਿਹਨਾਂ ਦੀ ਤਲਾਸ਼ੀ ਕਰਨ ਤੇ ਵਿਕਾਸ ਸਿੰਘ ਉਰਫ ਵਿੱਕੀ ਪੁੱਤਰ ਦਵਿੰਦਰ ਸਿੰਘ ਵਾਸੀ ਬੀਨੇਵਾਲ ਥਾਣਾ ਗੜਸ਼ੰਕਰ ਜਿਲਾ ਹੁਸ਼ਿਆਰਪੁਰ ਦੀ ਪਹਿਨੀ ਹੋਈ ਪੈਟ ਦੀ ਸੱਜੀ ਜੇਬ ਵਿੱਚੋ 25 ਨਸ਼ੀਲੇ ਟੀਕੇ ਬਿਨਾਂ ਲੇਬਲ ਅਤੇ ਪੈਟ ਦੀ ਖੱਬੀ ਜੇਬ ਵਿੱਚੋਂ 100 ਗ੍ਰਾਮ ਹੈਰੋਇਨ ਬਰਾਮਦ ਹੋਈ, ਅਤੇ ਸ਼ਿਵਾਨੀ ਪਤਨੀ ਵਿਕਾਸ ਸਿੰਘ ਉਰਫ ਵਿੱਕੀ ਵਾਸੀ ਬੀਨੇਵਾਲ ਥਾਣਾ ਗੜਸ਼ੰਕਰ ਜਿਲਾ ਹੁਸ਼ਿਆਰਪੁਰ ਦੀ ਪਹਿਨੀ ਹੋਈ ਸਲਵਾਰ ਦੇ ਨੇਫੇ ਨਾਲ ਬੰਨੇ ਮੋਮੀ ਲਿਫਾਫੇ ਵਿੱਚ 25 ਨਸ਼ੀਲੇ ਟੀਕੇ ਬਿਨਾਂ ਲੇਬਲ ਬਰਾਮਦ ਹੋਏ ਅਤੇ ਮੋਕਾ ਪਰ ਐਕਟੀਵਾ ਨੰਬਰੀ ਪੀ ਬੀ 24-ਸੀ-5083 ਦੀ ਤਲਾਸ਼ੀ ਦੋਰਾਨ ਡਿੱਗੀ ਵਿੱਚੋ 3,27,000 ਰੁਪਏ ਭਾਰਤੀ ਕਰੰਸੀ ਨੋਟ ਡਰੱਗ ਮਨੀ ਬਰਾਮਦ ਹੋਈ। ਗੜਸ਼ੰਕਰ ਪੁਲਿਸ ਨੇ ਦੋਵੇ ਪਤੀ-ਪਤਨੀ ਤੇ ਧਾਰਾ 21,22-61-85 ਐਨ ਡੀ ਪੀ ਐਕਸ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।