ਗੁਰਦਾਸਪੁਰ 11 ਫ਼ਰਵਰੀ ( ਅਸ਼ਵਨੀ ) :- ਉਮੀਦਵਾਰਾਂ ਦੇ ਸਪੀਕਰਾਂ ਨੇ ਵੋਟਰਾਂ ਦਾ ਜੀਣਾ ਮੁਹਾਲ ਕੀਤਾ ਹੋਇਆਂ ਹੈ , ਆਪਸ ਵਿੱਚ ਕੋਈ ਗੱਲ ਨਹੀਂ ਕਰ ਸਕਦੇ , ਕਿਸੇ ਦਾ ਫ਼ੋਨ ਆ ਜਾਏ ਤਾਂ ਸੁਣ ਨਹੀਂ ਸੱਕਦੇ , ਕਿਸੇ ਨੂੰ ਫ਼ੋਨ ਨਹੀਂ ਕਰ ਸਕਦੇ ਅਤੇ ਸਭ ਤੋ ਵੱਧ ਮਾੜਾ ਹਾਲ ਬਜ਼ੁਰਗ ਤੇ ਬਿਮਾਰਾਂ ਦਾ ਹੈ ਜੋਕਿ ਸਪੀਕਰਾਂ ਦੀ ਉੱਚੀ ਅਵਾਜ਼ ਕਾਰਨ ਦੁਖੀ ਰਹਿੰਦੇ ਹਨ ਇਹਨਾ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦੇ ਹੋਏ ਸੁਰੇਸ਼ ਮਹਾਜਨ ਵਾਸੀ ਮੇਹਰ ਚੰਦ ਰੋਡ ਨੇ ਕਿਹਾ ਕਿ ਗੁਰਦਾਸਪੁਰ ਵਿਧਾਨ ਸਭਾ ਹੱਲਕੇ ਵਿੱਚ 13 ਉਮੀਦਵਾਰ ਚੋਣ ਮੈਦਾਨ ਵਿੱਚ ਹਨ ਤੇ ਇਹਨਾਂ ਵਿੱਚੋਂ ਬਹੁਤੇ ਉਮੀਦਵਾਰਾਂ ਨੇ ਈ-ਰਿਕਸ਼ਾ , ਆਟੋ , ਰਿਕਸ਼ੇ ਅਤੇ ਇਥੋ ਤੱਕ ਕਿ ਐਕਟਿਵਾ , ਮੋਟਰ-ਸਾਈਕਲਾਂ ਤੇ ਸਾਈਕਲਾਂ ਉੱਪਰ ਦੋ-ਦੋ ਸਪੀਕਰ ਲੱਗਾ ਕੇ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ । ਸਪੀਕਰਾਂ ਦੀ ਅਵਾਜ਼ ਇਤਨੀ ਜ਼ਿਆਦਾ ਹੈ ਕਿ ਲੋਕ ਸਵੇਰ 8 ਵਜੇ ਤੋ ਲੇ ਕੇ ਰਾਤ 7/8 ਵਜੇ ਤੱਕ ਪ੍ਰੇਸ਼ਾਨ ਰਹਿੰਦੇ ਹਨ ਚੋਣ ਪ੍ਰਚਾਰ ਵਿੱਚ ਲੱਗੇ ਹੋਏ ਸਪੀਕਰਾਂ ਵਾਲੇ ਹੱਸਪਤਾਲਾ ਦੇ ਨੇੜੇ ਜਾਕੇ ਵੀ ਅਵਾਜ਼ ਘੱਟ ਨਹੀਂ ਕਰਦੇ ਜਿਸ ਕਾਰਨਾਂ ਸਰਕਾਰੀ ਤੇ ਨਿੱਜੀ ਹੱਸਪਤਾਲਾ ਵਿੱਚ ਦਾਖਲ ਮਰੀਜ਼ਾਂ ਨੂੰ ਭਾਰੀ ਪ੍ਰੈਸਾਂਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ।ਇਸੇ ਤਰਾ ਪੜਾਈ ਕਰ ਰਹੇ ਵਿਦਿਆਰਥੀਆ ਨੂੰ ਵੀ ਭਾਰੀ ਮੁਸ਼ਿਕਲਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਖ਼ਾਸ ਤੋਰ ਜਿਹੜੇ ਵਿਦਿਆਰਥੀ ਆਨ ਲਾਈਨ ਪੜਾਈ ਕਰਦੇ ਹਨ ਤੇ ਇਹ ਕਲਾਸਾਂ ਵੀ ਦਿਨ ਦੇ ਸਮੇਂ ਹੀ ਚੱਲਦੀਆਂ ਹਨ ਸਪੀਕਰਾਂ ਦੀ ਅਵਾਜ਼ ਇਹਨਾਂ ਵਿਦਿਆਰਥੀਆ ਲਈ ਪਰੇਸ਼ਾਨੀ ਦਾ ਕਾਰਨ ਬਣਦੀ ਹੈ । ਸ਼ਹਿਰ ਦੇ ਕਈ ਵੋਟਰਾਂ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਤੇ ਚੋਣ ਅਧਿਕਾਰੀਆਂ ਤੋ ਮੰਗ ਕੀਤੀ ਹੈ ਕਿ ਉਹਨਾਂ ਨੂੰ ਇਸ ਮੁਸ਼ਿਕਲ ਤੋ ਨਿਜਾਤ ਦੁਆਈ ਜਾਵੇ ।