ਗੁਰਦਾਸਪੁਰ ( ਅਸ਼ਵਨੀ )

23 ਮਈ – ਜਰਮਨ ਭੇਜਣ ਦੇ ਨਾਂ ਤੇ 24 ਲੱਖ ਦੀ ਠੱਗੀ ਹੋ ਜਾਣ ਤੋਂ ਦੁਖੀ ਪ੍ਰੇਮੀ-ਪ੍ਰੇਮਿਕਾ ਵੱਲੋ ਖੁਦਕਸ਼ੀ ਕਰ ਲੈਣ ਤੇ ਮਾਰਨ ਦੇ ਦੋਸ਼ ਵਿੱਚ ਪੁਲਿਸ ਸਟੇਸ਼ਨ ਧਾਰੀਵਾਲ ਦੀ ਪੁਲਿਸ ਵਲੋ ਮ੍ਰਿਤਕ ਦੇ ਭਰਾ ਦੇ ਬਿਆਨ ਤੇ 4 ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਰੋਹਿਤ ਪੁੱਤਰ ਡੇਵਿਡ ਮਸੀਹ ਵਾਸੀ ਸ਼ਹਿਜਾਦਾ ਨੰਗਲ ਗੁਰਦਾਸਪੁਰ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਰਾਹੀ ਦੱਸਿਆ ਕਿ ਉਸ ਦੇ ਭਰਾ ਵਿਕਰਾਂਤ ਮਸੀਹ ( 35 ਸਾਲ ) ਦੇ ਇੱਕ 32 ਸਾਲ ਦੀ ਲੜਕੀ ਦੇ ਨਾਲ ਪ੍ਰੇਮ ਸੰਬੰਧ ਸਨ ਜੋ ਬੀਤੇ ਦਿਨ ਨਿੱਜੀ ਕੰਮ ਲਈ ਧਾਰੀਵਾਲ ਗਏ ਸਨ ਕਰੀਬ 1.20 ਵਜੇ ਸ਼ਿਕਾਇਤ ਕਰਤਾ ਨੂੰ ਪਤਾ ਲੱਗਾ ਕਿ ਉਸ ਦੇ ਭਰਾ ਵਿਕਰਾਂਤ ਮਸੀਹ ਨੇ ਇੱਕ ਪੋਸਟ ਫੈਸਬੂਕ ਤੇ ਪਾਈ ਹੈ ਜਿਸ ਰਾਹੀਂ ਪਤਾ ਲੱਗਾ ਕਿ ਵਿਕਰਾਂਤ ਮਸੀਹ ਨੇ ਜਰਮਨ ਜਾਣ ਲਈ 24 ਲੱਖ ਰੁਪਏ ਗੁਲਜ਼ਾਰ ਮਸੀਹ , ਮੰਨਜੂਰ ਮਸੀਹ ਪੁੱਤਰਾਨ ਮਹਿੰਗਾ ਮਸੀਹ , ਸੋਨੀਆ ਮਸੀਹ ਪੁੱਤਰੀ ਗੁਲਜ਼ਾਰ ਮਸੀਹ ਵਾਸੀਆਨ ਸ਼ਿਕਾਰ ਮਾਸ਼ੀਆ ਅਤੇ ਨੁਮੀਨਾ ਖੋਖਰ ਪਤਨੀ ਰਵਿੰਦਰ ਖੋਖਰ ਵਾਸੀ ਛਿਹਰਟਾ ਨੇ ਲਏ ਸਨ । ਇਹਨਾਂ ਨੇ ਸ਼ਿਕਾਇਤ ਕਰਤਾ ਦੇ ਭਰਾ ਨੂੰ ਨਾ ਤਾਂ ਜਰਮਨ ਭੇਜਿਆ ਅਤੇ ਨਾ ਹੀ ਲਏ ਹੋਏ ਪੇਸੇ ਵਾਪਿਸ ਕੀਤੇ । ਜਿਸ ਤੋਂ ਦੁਖੀ ਹੋ ਕੇ ਉਸ ਭਰਾ ਤੇ ਉਸ ਦੀ ਪ੍ਰੇਮਿਕਾ ਨੇ ਕੋਈ ਜ਼ਹਿਰੀਲੀ ਦਵਾਈ ਖਾ ਲਈ ਜਿੰਨਾਂ ਨੂੰ ਇਲਾਜ ਲਈ ਸਥਾਨਕ ਇੱਕ ਨਿੱਜੀ ਹਸੱਪਤਾਲ ਵਿੱਚ ਲੈ ਜਾਇਆ ਗਿਆ ਜਿਥੇ ਡਾਕਟਰਾਂ ਨੇ ਦੱਸਿਆ ਕਿ ਇਹਨਾਂ ਦੋਵਾਂ ਦੀ ਮੋਤ ਹੋ ਚੂਕੀ ਹੈ । ਤਫਤੀਸ਼ੀ ਅਫਸਰ ਸਬ ਇੰਸਪੈਕਟਰ ਦਵਿੰਦਰ ਸਿੰਘ ਨੇ ਦੱਸਿਆ ਕਿ ਰੋਹਿਤ ਵੱਲੋਂ ਦਿੱਤੇ ਬਿਆਨ ਤੇ ਉਕਤ ਚਾਰ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।