20 ਗ੍ਰਾਮ ਹੈਰੋਇਨ ਸਮੇਤ 2 ਗੁੱਜਰ ਪੁਲਿਸ ਅੜਿੱਕੇ

ਬਟਾਲਾ 21 ਮਈ (ਅਵਿਨਾਸ਼ ਸ਼ਰਮਾ) ਬਟਾਲਾ ਪੁਲਿਸ ਵੱਲੋਂ 2 ਗੁੱਜਰਾਂ ਨੂੰ 20 ਗ੍ਰਾਮ ਹੈਰੋਇਨ ਸਮੇਤ ਕਾਬੂ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਹ ਸਾਰੀ ਜਾਣਕਾਰੀ ਸਿੰਬਲ ਚੌਕੀ ਇੰਚਾਰਜ ASI ਬਲਦੇਵ ਰਾਜ ਗੋਰਾ ਨੇ ਮੀਡੀਆ ਨਾਲ ਸਾਂਝੀ ਕੀਤੀ। ਉਨ੍ਹਾਂ ਦੱਸਿਆ ਕਿ SSP ਬਟਾਲਾ ਸ੍ਰ ਰਾਜਪਾਲ ਸਿੰਘ ਸੰਧੂ ਦੇ ਹੁਕਮਾਂ ਅਨੁਸਾਰ ਨਸ਼ਾ ਤਸਕਰਾਂ ਖਿਲਾਫ ਛੇੜੀ ਸਖ਼ਤ ਮੁਹਿੰਮ ਤਹਿਤ SHO ਥਾਣਾ ਸਿਵਲ ਲਾਈਨ ਸ੍ਰ ਸੁਰਿੰਦਰਪਾਲ ਸਿੰਘ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਝਾੜੀਆਂ ਵਾਲ ਨਾਕਾਬੰਦੀ ਦੌਰਾਨ ਬਿਨਾਂ ਨੰਬਰੀ ਸਪਲੈਂਡਰ ਮੋਟਰਸਾਈਕਲ ਤੇ ਬੈਠੇ ਦੋ ਨੋਜਵਾਨਾਂ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਮੋਟਰਸਾਈਕਲ ਸਵਾਰਾਂ ਨੇ ਪੁਲਿਸ ਨੂੰ ਦੇਖ ਕੇ ਵਾਪਸ ਭੱਜਣ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਪਾਰਟੀ ਨੇ ਮੁਸਤੈਦੀ ਵਰਤਦਿਆਂ ਦੇਹਾਂ ਨੌਜਵਾਨਾਂ ਨੂੰ ਕਾਬੂ ਕੀਤਾ ਜਿਨ੍ਹਾਂ ਪਾਸੋਂ 20 ਗ੍ਰਾਮ ਹੈਰੋਇਨ ਬਰਾਮਦ ਅਤੇ ਕੰਮਪਿਊਟਰ ਕੰਡਾ ਬਰਾਮਦ ਕੀਤਾ ਗਿਆ।

ਉਨ੍ਹਾਂ ਦੱਸਿਆ ਕਿ ਫੜੇ ਗਏ ਨੋਜਵਾਨਾਂ ਦੀ ਪਹਿਚਾਣ ਬਾਗ ਹੂਸੈਨ ਉਰਫ ਸੋਨੂੰ ਪੁੱਤਰ ਮੰਗਾ ਵਾਸੀ ਬਹਾਦਰ ਹੂਸੈਨ ਹਾਲ ਵਾਸੀ ਲੋਗੋਵਾਲ ਅਤੇ ਮੁਹੰਮਦ ਦੀਨ ਉਰਫ ਦੀਨ ਪੁੱਤਰ ਸਾਹਬਲੀ ਵਾਸੀ ਬਹਾਦਰ ਹੂਸੈਨ ਹਾਲ ਵਾਸੀ ਲੋਗੋਵਾਲ ਵੱਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਦੋਵਾਂ ਫੜੇ ਗਏ ਨੋਜਵਾਨਾਂ ਖਿਲਾਫ ਥਾਣਾ ਸਿਵਲ ਲਾਈਨ ਚ ਬਣਦੀ ਧਾਰਾ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।