ਹੁਸ਼ਿਆਰਪੁਰ (ਬਿਊਰੋ) 9 ਦਸੰਬਰ 

: 1795 ਨਸ਼ੀਲੀਆਂ ਗੋਲੀਆਂ ਅਤੇ 1320 ਨਸ਼ੀਲੇ ਕੈਪਸੂਲਾਂ ਸਮੇਤ ਇੱਕ ਵਿਅਕਤੀ ਨੂੰ ਹੁਸ਼ਿਆਰਪੁਰ ਪੁਲਿਸ ਨੇ ਕਾਬੂ ਕੀਤਾ ਹੈ। ਮੁਲਜ਼ਮ ਦੀ ਪਛਾਣ ਬਰੀਜੇਸ਼ ਸਿੰਘ ਪੁੱਤਰ ਮਦਨ ਸਿੰਘ ਵਾਸੀ ਸਾਹਿਬਾਬਾਦ ਝੰਡਾਪੁਰ ਥਾਣਾ ਲਿੰਕ ਰੋਡ ਗਾਜੀਆਬਾਦ ਉੱਤਰ ਪ੍ਰਦੇਸ਼ ਵਜੋਂ ਹੋਈ ਹੈ।

ਮਾਨਯੋਗ ਸੁਰੇਂਦਰ ਲਾਂਬਾ ਆਈ ਪੀ ਐਸ ਸੀਨੀਅਰ ਪੁਲਿਸ ਕਪਤਾਨ, ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨਸ਼ਾ ਤਸਕਰ ਤੇ ਸਮਾਜ ਵਿਰੋਧੀ ਅਨਸਰਾਂ ਤੇ ਸ਼ਿਕੰਜਾ ਕਸਦੇ ਹੋਏ  ਸਰਬਜੀਤ ਸਿੰਘ ਪੀਪੀਐਸ ਪੁਲਿਸ ਕਪਤਾਨ ਤਫਤੀਸ਼ ਹੁਸ਼ਿਆਰਪੁਰ ਅਤੇ ਪਰਮਿੰਦਰ ਸਿੰਘ ਪੀਪੀਐਸ ਉਪ ਪੁਲਿਸ ਕਪਤਾਨ ਤਫਤੀਸ਼ ਹੁਸ਼ਿਆਰਪੁਰ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਬਲਵਿੰਦਰ ਪਾਲ ਇੰਚਾਰਜ ਸੀ.ਆਈ.ਏ ਸਟਾਫ ਹੁਸ਼ਿਆਰਪੁਰ ਨੇ ਸਮੇਤ ਪੁਲਿਸ ਪਾਰਟੀ ਦੇ ਯੂ.ਪੀ.ਤੋਂ ਨਸ਼ੀਲੇ ਗੋਲੀਆਂ ਤੇ ਕੈਪਸੂਲ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।

ਮਾਨਯੋਗ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਵਲੋਂ ਪ੍ਰੈਸ ਨੂੰ ਪ੍ਰੈਸ ਨੋਟ ਜਾਰੀ ਕਰਦੇ ਹੋਏ ਮਿਤੀ 05.12.2023 ਦੀ ਰਾਤ ਨੂੰ ਸੀ.ਆਈ.ਏ ਸਟਾਫ ਹੁਸ਼ਿਆਰਪੁਰ ਵਿੱਚ ਤਾਇਨਾਤ ਏ.ਐਸ. ਆਈ ਕੌਸਲ ਚੰਦਰ ਦੀ ਵਿਸ਼ੇਸ਼ ਟੀਮ ਵੱਲੋਂ ਗਰਮੈਂਟ ਕਾਲਜ ਚੌਕ, ਹੁਸ਼ਿਆਰਪੁਰ ਦੇ ਨਜ਼ਦੀਕ ਇੱਕ ਐਕਟਿਵਾ ਸਕੂਟਰੀ ਨੰਬਰੀ PB07-BZ-7144 ਸਵਾਰ ਪੰਕਜ ਕੁਮਾਰ ਗੁਪਤਾ ਪੁੱਤਰ ਵਾਸੂਦੇਵ ਗੁਪਤਾ ਵਾਸੀ ਨਿਊ ਦੀਪ ਨਗਰ ਥਾਣਾ ਮਾਡਲ ਟਾਊਨ ਜਿਲਾ ਹੁਸ਼ਿਆਰਪੁਰ ਨੂੰ ਕਾਬੂ ਕਰਕੇ ਉਸ ਪਾਸੋਂ 1440 ਨਸ਼ੀਲੇ ਕੈਪਸੂਲ (ਮਾਰਕਾ Spasmaxx ਟਰਾਮਾਡੋਲ) ਅਤੇ 1200 ਨਸ਼ੀਲੀਆਂ ਗੋਲੀਆਂ (ਮਾਰਕਾ Alprazolam Tablet I.P 0.5 mg) ਬਰਾਮਦ ਕਰਕੇ ਮੁਸਮੀ ਪੰਕਜ ਕੁਮਾਰ ਗੁਪਤਾ ਉਕਤ ਖਿਲਾਫ ਮੁੱਕਦਮਾ ਨੰਬਰ 296 ਮਿਤੀ 06.12.2023 ਅ/ਧ 22-61-85 NDPS Act ਥਾਣਾ ਮਾਡਲ ਟਾਊਨ ਜਿਲਾ ਹੁਸ਼ਿਆਰਪੁਰ ਦਰਜ਼ ਰਜਿਸਟਰ ਕੀਤਾ ਗਿਆ। ਜਿਸ ਉਪਰੰਤ ਅੱਜ ਮਿਤੀ 06.12.2023 ਨੂੰ ਮੁਸਮੀ ਪੰਕਜ ਕੁਮਾਰ ਗੁਪਤਾ ਉਕਤ ਦੇ ਕੀਤੇ ਹੋਏ ਇੰਕਸ਼ਾਫ ਮੁਤਾਬਿਕ ਉਪਰੋਕਤ ਪੁਲਿਸ ਪਾਰਟੀ ਨੇ 5040 ਹੋਰ ਨਸ਼ੀਲੇ ਕੈਪਸੂਲ (ਮਾਰਕਾ Proxywel Spas) ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਸੀ। ਜੋ ਮੁਸਮੀ ਪੰਕਜ ਕੁਮਾਰ ਗੁਪਤਾ ਉਕਤ ਨੇ ਪੁੱਛ ਗਿੱਛ ਦੌਰਾਨ ਇੰਕਸ਼ਾਫ ਕੀਤਾ ਸੀ ਕਿ ਇਹ ਨਸ਼ੀਲੇ ਕੈਪਸੂਲ ਤੇ ਗੋਲੀਆਂ ਉਹ ਬਰੀਜੇਸ਼ ਸਿੰਘ ਪੁੱਤਰ ਮਦਨ ਸਿੰਘ ਵਾਸੀ ਸਾਹਿਬਾਬਾਦ ਝੰਡਪੁਰ ਥਾਣਾ ਲਿੰਕ ਰੋਡ ਗਾਜੀਆਬਾਦ ਉੱਤਰ ਪ੍ਰਦੇਸ਼ ਤੋਂ ਲਿਆਉਂਦਾ ਸੀ। ਜਿਸਤੇ ਮਿਤੀ 07.12.2023 ਨੂੰ ਮੁੱਕਦਮਾ ਹਜਾ ਵਿੱਚ ਬਰੀਜੇਸ਼ ਸਿੰਘ ਉਕਤ ਨੂੰ ਨਾਮਜ਼ਦ ਇੰਸਪੈਕਟਰ ਬਲਵਿੰਦਰ ਪਾਲ ਇੰਚਾਰਜ ਸੀ.ਆਈ.ਏ ਸਟਾਫ ਹੁਸ਼ਿਆਰਪੁਰ ਨੇ ਸਮੇਤ ਪੁਲਿਸ ਪਾਰਟੀ ਦੋਸ਼ੀ ਬਰੀਜੇਸ਼ ਸਿੰਘ ਪੁੱਤਰ ਮਦਨ ਸਿੰਘ ਵਾਸੀ ਸਾਹਿਬਾਬਾਦ ਝੰਡਾਪੁਰ ਥਾਣਾ ਲਿੰਕ ਰੋਡ ਗਾਜੀਆਬਾਦ ਉੱਤਰ ਪ੍ਰਦੇਸ਼ ਨੂੰ ਕੱਲ ਮਿਤੀ 08.12.2023 ਨੂੰ ਸਾਹਿਬਾਬਾਦ ਝੰਡਾਪੁਰ ਥਾਣਾ ਲਿੰਕ ਰੋਡ ਗਾਜੀਆਬਾਦ ਉੱਤਰ ਪ੍ਰਦੇਸ਼ ਤੋਂ ਹਸਬ ਜਾਬਤਾ ਗ੍ਰਿਫਤਾਰ ਕਰਕੇ ਉਸ ਪਾਸੋਂ 1795 ਨਸ਼ੀਲੀਆਂ ਗੋਲੀਆਂ ਅਤੇ 1320 ਨਸ਼ੀਲੇ ਕੈਪਸੂਲ ਬ੍ਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਜੋ ਦੋਸ਼ੀ ਉਕਤ ਪਾਸੋਂ ਪੁੱਛ ਗਿੱਛ ਜਾਰੀ ਹੈ।

ਬਰਾਮਦਗੀ:-

1. 720 ਨਸ਼ੀਲੇ ਕੈਪਸੂਲ (ਮਾਰਕਾ Dicyclomine Hydrochloride Tramadol Hydrochloride & Acetaminophen) 2. 190 ਨਸ਼ੀਲੀਆਂ ਗੋਲੀਆਂ (ਮਾਰਕਾ Aceclofenac Paracetamol Tramadol Hydrochloride)

3. 345 ਨਸ਼ੀਲੀਆਂ ਗੋਲੀਆਂ (ਮਾਰਕਾ Tramadol & Aceataminophen Ultra King)

4. 600 ਨਸ਼ੀਲੇ ਕੈਪਸੂਲ (ਮਾਰਕਾ Tramadol Capsule IP)

5. 1200 ਨਸ਼ੀਲੀਆਂ ਗੋਲੀਆਂ (ਮਾਰਕਾ Declofenac Sodium Tramadol Hydrochloride And Paracetamol)

ਪਹਿਲਾਂ ਗ੍ਰਿਫਤਾਰ ਕੀਤੇ ਗਏ ਦੋਸ਼ੀ ਪਾਸੋਂ ਬ੍ਰਦਮਦਗੀ:-

1. 1440 ਨਸ਼ੀਲੇ ਕੈਪਸੂਲ (ਮਾਰਕਾ Spasmaxx ਟਰਾਮਾਡੋਲ)

2. 1200 ਨਸ਼ੀਲੀਆਂ ਗੋਲੀਆਂ (ਮਾਰਕਾ Alprazolam Tablet I.P 0.5 mg)

3. 5040 ਹੋਰ ਨਸ਼ੀਲੇ ਕੈਪਸੂਲ (ਮਾਰਕਾ Proxywel Spas)