ਦਸੂਹਾ (ਬਿਊਰੋ) 

17 ਨਵੰਬਰ : ਵਿਦੇਸ਼ ਭੇਜਣ ਅਤੇ ਉੱਥੇ ਜਾ ਕੇ ਚੰਗੀ ਤਨਖਾਹ ਦਿਵਾਉਣ ਦਾ ਲਾਰਾ ਲਗਾ ਕੇ 5,10,000 ਦੀ ਧੋਖਾਧੜੀ ਕਰਨ ਦੇ ਦੋਸ਼ ਚ ਦੋ ਵਿਅਕਤੀਆਂ ਤੇ ਦਸੂਹਾ ਪੁਲਿਸ ਵਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ। ਮੁਲਜ਼ਮਾਂ ਦੀ ਪਛਾਣ ਸੁਰਿੰਦਰ ਪਾਲ ਸਿੰਘ ਪੁੱਤਰ ਹਰੀ ਰਾਮ ਵਾਸੀ ਟੇਰਕਿਆਣਾ ਅਤੇ ਵਿਕਰਾਂਤ ਧੀਮਾਨ ਪੁੱਤਰ ਰੋਸ਼ਨ ਲਾਲ ਵਾਸੀ ਮੁਹੱਲਾ ਮਹਾਂਦੇਵ ਸੁੰਦਰ ਨਗਰ ਮੰਡੀ ਸਟੇਟ ਹਿਮਾਚਲ ਪ੍ਰਦੇਸ਼ ਵਜੋਂ ਹੋਈ ਹੈ।

ਪੁਲਿਸ ਐਫ ਆਈ ਆਰ ਮੁਤਾਬਿਕ ਇਹ ਮੁਕੱਦਮਾ ਇੱਕ ਦਰਖਾਸਤ ਨੰਬਰੀ 437-SSP ਮਿਤੀ 21-03-22 ਵਲੋਂ ਹਰਦੇਵ ਸਿੰਘ ਪੁੱਤਰ ਰੂਪ ਲਾਲ ਵਾਸੀ ਓਡਰਾ ਥਾਣਾ ਦਸੂਹਾ ਬਰਖਿਲਾਫ 1. ਸੁਰਿੰਦਰ ਪਾਲ ਸਿੰਘ ਪੁੱਤਰ ਹਰੀ ਰਾਮ ਵਾਸੀ ਟੇਰਕਿਆਣਾ 2. ਵਿਕਰਾਂਤ ਧੀਮਾਨ ਪੁੱਤਰ ਰੋਸ਼ਨ ਲਾਲ ਵਾਸੀ ਮੁਹੱਲਾ ਮਹਾਂਦੇਵ ਸੁੰਦਰ ਨਗਰ ਮੰਡੀ ਸਟੇਟ ਹਿਮਾਚਲ ਪ੍ਰਦੇਸ਼ ਬਾਬਤ ਟ੍ਰੈਵਲ ਏਜੰਟ ਵਲੋਂ ਧੋਖਾ ਧੜੀ ਕਰਨ ਬਾਰੇ ਅਤੇ 5,28,000/- ਰੁਪਏ ਦੇਣ ਤੋਂ ਇੰਨਕਾਰੀ ਕਰਨ ਸਬੰਧੀ ਮਾਨਯੋਗ ਐਸ.ਐਸ.ਪੀ ਸਾਹਿਬ ਹੁਸ਼ਿਆਰਪੁਰ ਜੀ ਪਾਸ ਦਿੱਤੀ ਸੀ। ਜਿਸਦੀ ਇੰਨਕੁਆਰੀ ਏ.ਐਸ.ਆਈ ਨਰਿੰਦਰ ਸਿੰਘ ਆਰਥਿਕ ਅਪਰਾਧ ਸ਼ਾਖਾ ਹੁਸ਼ਿਆਰਪੁਰ ਵਲੋਂ ਅਮਲ ਵਿੱਚ ਲਿਆਂਦੀ ਗਈ। ਜੋ ਦੌਰਾਨੇ ਪੜਤਾਲ ਟ੍ਰੈਵਲ ਏਜੰਟ ਸੁਰਿੰਦਰ ਪਾਲ ਸਿੰਘ ਅਤੇ ਵਿਕਰਾਂਤ ਧੀਮਾਨ ਵਲੋਂ ਮੁੱਦਈ ਮੁੱਕਦਮਾ ਹਰਦੇਵ ਸਿੰਘ ਨੂੰ ਵਿਦੇਸ਼ ਭੇਜਣ ਅਤੇ ਉੱਥੇ ਜਾ ਕੇ ਚੰਗੀ ਤਨਖਾਹ ਦਿਵਾਉਣ ਦਾ ਲਾਰਾ ਲਗਾ ਕੇ 5,10,000 ਦੀ ਧੋਖਾਧੜੀ ਸਾਬਤ ਹੁੰਦੀ ਹੈ। ਜਿਸਤੇ ਉੱਕਤਾਨ ਸੁਰਿੰਦਰ ਪਾਲ ਸਿੰਘ ਅਤੇ ਵਿਕਰਾਂਤ ਧੀਮਾਨ ਖਿਲਾਫ ਕੀਤੀ ਇੰਨਕੁਆਰੀ ਨਾਲ ਉੱਪ ਕਪਤਾਨ ਪੁਲਿਸ ਆਰਥਿਕ ਅਪਰਾਧ ਅਤੇ ਸਾਈਵਰ ਕਰਾਇਮ ਹੁਸ਼ਿਆਰਪੁਰ ਜੀ ਨੇ ਸਹਿਮਤੀ ਪ੍ਰਗਟਾਈ। ਜਿਸਤੇ ਮਾਨਯੋਗ ਐਸ.ਐਸ.ਪੀ ਸਾਹਿਬ ਜੀ ਦੇ ਹੁਕਮ ਨੰਬਰ 3640-ਪੀ.ਸੀ ਮਿਤੀ 12- 11-22 ਨਾਲ ਉੱਕਤ ਦੋਸ਼ੀਆਂਨ ਖਿਲਾਫ ਮੁੱਕਦਮਾ ਦਰਜ ਕੀਤਾ ਗਿਆ।