ਗੁਰਦਾਸਪੁਰ(ਅਸ਼ਵਨੀ)

7 ਦਸੰਬਰ – ਪਤਨੀ ਵਲੋ ਪਤੀ ਨੂੰ ਨਿਊਜੀਲੈਂਡ ਸੈਟਲ ਨਾ ਕਰਾਉਣ ਤੇ ਪੁਲਿਸ ਸਟੇਸ਼ਨ ਧਾਰੀਵਾਲ ਦੀ ਪੁਲਿਸ ਵਲੋ ਫੋਜ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਤਿੰਨ ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਸਤਨਾਮ ਸਿੰਘ ਪੁੱਤਰ ਸਵਰਨ ਸਿੰਘ ਵਾਸੀ ਸੋਹਲ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਨੇ ਆਪਣੇ ਬੇਟੇ ਕਰਨਬੀਰ ਸਿੰਘ ਨੂੰ ਵਿਦੇਸ਼ ਸੈਟਲ ਕਰਾਉਣ ਲਈ ਆਪਣੀ ਨੋਕਰੀ ਦੋਰਾਨ ਬਚਤ ਕੀਤੇ ਰਿਟਾਇਰਮੈਂਟ ਦੇ ਪੈਸਿਆਂ ਵਿਚੋ ਆਪਣੀ ਨੂੰਹ ਨਵਜੋਤ ਕੋਰ ਨੂੰ ਨਿਊਜੀਲੈਂਡ ਭੇਜਣ ਲਈ ਖ਼ਰਚੇ ਸਨ ਇਸ ਤੋਂ ਬਾਅਦ ਨਵਜੋਤ ਕੋਰ ਨੇ ਆਪਣੇ ਮਾਤਾ-ਪਿਤਾ ਦੇ ਕਹਿਣ ਤੇ ਆਪਣੇ ਪਤੀ ਕਰਨਬੀਰ ਸਿੰਘ ਨੂੰ ਆਪਣੇ ਕੋਲ ਲੈ ਜਾਣ ਤੋਂ ਟਾਲ ਮਟੋਲ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਬਾਅਦ ਵਿਚ ਕਰਨਬੀਰ ਸਿੰਘ ਦਾ ਨਿਊਜੀਲੈਂਡ ਲਈ ਟੂਰਿਸਟ ਵੀਜ਼ਾ ਲਗਵਾ ਦਿੱਤਾ ਜਿਸ ਤੋਂ ਬਾਅਦ ਕਰਨਬੀਰ ਸਿੰਘ ਨਿਊਜੀਲੈਂਡ ਚਲਾ ਗਿਆ । ਜਿਸ ਨੂੰ ਕੁਝ ਸਮੇਂ ਬਾਅਦ ਹੀ ਨਵਜੋਤ ਕੋਰ ਨੇ ਗਾਲੀ ਗਲੋਜ ਦਾ ਇਲਜ਼ਾਮ ਲੱਗਾ ਕੇ ਘਰੋ ਕੱਢ ਦਿੱਤਾ ਹੈ ਜੋ ਹੁਣ ਅੱਲਗ ਰਹਿ ਰਿਹਾ ਹੈ ।
ਸ਼ਿਕਾਇਤ ਕਰਤਾ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਇਹ ਸਾਰਾ ਕੁਝ ਨਵਜੋਤ ਕੋਰ ਨੇ ਆਪਣੇ ਮਾਤਾ ਪਿਤਾ ਦੇ ਨਾਲ ਇਕ ਸਲਾਹ ਹੋ ਕੇ ਕਰਨਬੀਰ ਸਿੰਘ ਨੂੰ ਨਿਊਜੀਲੈਂਡ ਸੈਟਲ ਨਾ ਕਰਵਾ ਕੇ ਧੋਖਾਧੜੀ ਕੀਤੀ ਹੈ । ਸਹਾਇਕ ਸਬ ਇੰਸਪੈਕਟਰ ਰਣਜੀਤ ਸਿੰਘ ਪੁਲਿਸ ਸਟੇਸ਼ਨ ਧਾਰੀਵਾਲ ਨੇ ਦੱਸਿਆ ਕਿ ਸਤਨਾਮ ਸਿੰਘ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਕਪਤਾਨ ਪੁਲਿਸ ਐਨ ਡੀ ਪੀ ਸੀ ਕੱਮ ਨਾਰਕੋਟਿਕ ਗੁਰਦਾਸਪੁਰ ਵਲੋ ਕਰਨ ਉਪਰੰਤ ਨਵਜੋਤ ਕੋਰ , ਸੁਖਜਿੰਦਰ ਸਿੰਘ ਅਤੇ ਪਰਮਜੀਤ ਕੋਰ ਵਾਸੀਆਨ ਬੱਬਰੀ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।