ਪੀ ਐਚ ਸੀ ਭੂੰਗਾ ਵਿਖੇ ਵਿਸ਼ਵ ਵਾਤਾਵਰਣ ਜਾਗਰੂਕ ਦਿਵਸ ਮਨਾਇਆ
ਮਨੁੱਖ ਦੀ ਸਿਹਤ ਸੰਭਾਲ ਵਿੱਚ ਵਾਤਾਵਰਣ ਦਾ ਅਮੁਲ ਯੋਗਦਾਨ : ਡਾ. ਮਨੋਹਰ ਲਾਲ
ਗੜ੍ਹਦੀਵਾਲਾ 6 ਜੂਨ (ਚੌਧਰੀ ) : ਪੰਜਾਬ ਸਰਕਾਰ ਅਤੇ ਕਾਰਜਕਾਰੀ ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ.ਪਵਨ ਕੁਮਾਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸੀਨੀਅਰ ਮੈਡੀਕਲ ਅਫਸਰ ਡਾ. ਮਨੋਹਰ ਲਾਲ ਦੀ ਪ੍ਰਧਾਨਗੀ ਹੇਠ ਪੀਐਚਸੀ ਭੂੰਗਾ ਵਿਖੇ ਵਿਸ਼ਵ ਵਾਤਾਵਰਣ ਜਾਗਰੂਕਤਾ ਦਿਵਸ ਮਨਾਇਆ ਗਿਆ ।
ਇਸ ਮੌਕੇ ਡਾ. ਮਨੋਹਰ ਲਾਲ ਜੀ ਨੇ ਪੀ.ਐਚ.ਸੀ.ਭੂੰਗਾ ਵਿਖੇ ਪੌਦੇ ਲਗਾਏ ਅਤੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਮਨੁੱਖ ਦੀ ਸਿਹਤ ਸੰਭਾਲ ਵਿੱਚ ਵਾਤਾਵਰਣ ਦਾ ਅਮੁਲ ਯੋਗਦਾਨ ਹੈ। ਸਾਫ ਸੁਥਰੇ ਵਾਤਾਵਰਣ ਤੋਂ ਸਾਨੂੰ ਜੀਵਨ ਜਿਉਣ ਲਈ ਸਭ ਤੋਂ ਜਿਆਦਾ ਸ਼ੁੱਧ ਅਕਸੀਜਨ ਲੋੜ ਹੁੰਦੀ ਹੈ। ਜੋ ਸਾਨੂੰ ਹਰ ਭਰੇ ਪੇੜ ਪੌਦਿਆਂ ਤੋਂ ਪ੍ਰਾਪਤ ਹੁੰਦੀ ਹੈ। ਜਨਸੰਖਿਆ ਦੇ ਵਾਧੇ ਨਾਲ ਜੰਗਲਾਂ ਦੀ ਕਟਾਈ ਅਤੇ ਪੇੜ ਪੌਦਿਆਂ ਦੀ ਘਾਟ ਕਾਰਨ ਸਾਡਾ ਵਾਤਾਵਰਣ ਪ੍ਰਦੂਸ਼ਿਤ ਹੁੰਦਾ ਜਾ ਰਿਹਾ ਹੈ। ਗੱਡੀਆਂ ਦਾ ਧੂੰਆਂ, ਕਾਰਖਾਨਿਆਂ ਫੈਕਟਰੀਆਂ ਦਾ ਧੂੰਆ ਆਦਿ ਵਾਤਾਵਰਣ ਨੂੰ ਅਸੰਤੁਲਿਤ ਵਿਨਾਸ਼ਕਾਰੀ ਬਣਾ ਰਿਹਾ ਹੈ ਜੋ ਕਿ ਆਣ ਵਾਲੀ ਪੀੜੀਆਂ ਲਈ ਵੀ ਵਧੇਰੇ ਖਤਰਨਾਕ ਹੈ। ਪ੍ਰਦੂਸ਼ਿਤ ਵਾਤਾਵਰਣ ਭਿਆਨਕ ਬਿਮਾਰੀਆਂ ਜਿਵੇਂ ਕਿ ਕੈਂਸਰ, ਦਿਲ ਦੇ ਰੋਗ, ਸਾਹ ਦੀਆਂ ਬਿਮਾਰੀਆਂ ਅਤੇ ਅੱਖਾਂ ਨਾਲ ਸਬੰਧਤ ਬਿਮਾਰੀਆਂ ਨੂੰ ਜਨਮ ਦਿੰਦਾ ਹੈ। ਜਿਸ ਨਾਲ ਸਾਡੇ ਸਮਾਜ ਦੀ ਸਿਹਤ ਦਿਨ ਬ ਦਿਨ ਹੋਰ ਜਿਆਦਾ ਵਿਗੜਦੀ ਜਾ ਰਹੀ। ਇਸ ਮੌਕੇ ਉਹਨਾਂ ਨੇ ਲੋਕਾਂ ਨੂੰ ਵੱਧ ਤੋਂ ਵੱਧ ਪੇੜ ਪੌਦੇ ਲਗਾਉਣ ਦੀ ਅਪੀਲ ਕੀਤੀ ਹੈ ਤਾਂ ਜੋ ਵਾਤਾਵਰਣ ਨੂੰ ਸੰਤੁਲਨ ਨੂੰ ਬਣਾਇਆ ਰੱਖਿਆ ਜਾ ਸਕੇ।
ਇਸ ਮੌਕੇ ਜਸਤਿੰਦਰ ਸਿੰਘ ਬੀਈਈ ਨੇ ਕਿਹਾ ਕਿ ਸਾਨੂੰ ਸਭ ਨੂੰ ਇੱਕ ਸਾਥ ਮਿਲ ਕੇ ਵਾਤਾਵਰਣ ਨੂੰ ਸੂਧ ਕਰਨ ਲਈ ਵੱਧ ਤੋਂ ਵੱਧ ਹਰੇ ਪੇੜ ਪੌਦੇ ਲਗਾਣੇ ਚਾਹੀਦੇ ਹਨ ਅਤੇ ਸਮਾਜ ਸਿਹਤ ਮੰਦ ਵਾਤਾਵਰਣ ਦੇਣ ਲਈ ਪੁਰਜੋਰ ਯਤਨ ਕਰਨਾ ਚਾਹੀਦਾ ਹੈ।
ਇਸ ਮੌਕੇ ਡਾ.ਜਗਤਾਰ ਸਿੰਘ,ਡਾ ਸਮਤਾ,ਡਾ.ਸ਼ਿਵਾਨੀ, ਡਾ. ਸਤਵਿੰਦਰ ਸਿੰਘ,ਡਾ ਹਿਤੇਸ਼,ਡਾ.ਗੁਰਦਰਸ਼ਨ ਅਮਿਤ ਸ਼ਰਮਾ, ਉਮੇਸ਼ ਕੁਮਾਰ, ਜਤਿੰਦਰ ਸ਼ਰਮਾ,ਬਹਾਦਰ ਸਿੰਘ,ਕਰਮਜੀਤ ਸਿੰਘ,ਸਰਤਾਜ ਸਿੰਘ,ਸੁਰਜੀਤ ਸਿੰਘ,ਰਵੀ ਕੁਮਾਰ,ਰਣਜੋਧ ਸਿੰਘ,ਹਰਵਿੰਦਰਾਪਾਲ ਸਿੰਘ,ਅਰਪਿੰਦਰ ਸਿੰਘ,ਸਤਵੀਰ ਸਿੰਘ, ਜਗਦੀਪ ਸਿੰਘ,ਗੁਰਿੰਦਰਪਾਲ ਸਿੰਘ, ਗੁਰਵਿੰਦਰ ਸਿੰਘ, ਮਨਜਿੰਦਰ ਸਿੰਘ,ਸ਼ਿਵ ਲਾਲ, ਦੀਕਸ਼ਾ, ਉਮਕਾਰ ਸਿੰਘ, ਹਾਜ਼ਰ ਸਨ।
