ਗੜਦੀਵਾਲਾ (ਚੌਧਰੀ) 

1 ਨਵੰਬਰ : ਕਣਕ ਦਾ ਬੀਜ ਜੋ ਕਿ ਸਰਕਾਰ ਵੱਲੋਂ ਬੀਜਣ ਲਈ ਸਬਸਿਡੀ ਤੇ ਦਿੱਤਾ ਜਾਂਦਾ ਹੈ ਉਸ ਸਬੰਧੀ ਅਜੀਤ ਸਿੰਘ ਕਿਸਾਨ ਪਿੰਡ ਲਾਲੋਵਾਲ ਸੈਨਪੁਰ ਤੇ ਇੱਕ ਹੋਰ ਕਿਸਾਨ ਖੇਤੀਬਾੜੀ ਦੇ ਦਫਤਰ ਕੰਗਮਾਈ (ਹੁਸ਼ਿਆਰਪੁਰ) ਗਏ। ਦਫਤਰ ਵਾਲਿਆਂ ਨੇ ਉਹਨਾਂ ਨੂੰ ਇੱਕ ਮੋਬਾਇਲ ਨੰਬਰ 6484997546 ਨੰਬਰ ਦੇ ਦਿੱਤਾ ਤੇ ਕਿਹਾ ਕਿ ਇਸ ਨੰਬਰ ਤੇ 30 ਤਰੀਕ ਤੋਂ ਬਾਅਦ ਗੱਲ ਕੀਤੀ ਜਾਵੇ ਤੇ ਤੁਹਾਡਾ ਮਸਲਾ ਹੱਲ ਹੋ ਜਾਵੇਗਾ। ਅੱਜ ਜਦੋਂ ਉਹਨਾਂ ਨੇ ਕਣਕ ਦਾ ਬੀਜ ਲੈਣ ਲਈ ਦਿੱਤਾ ਗਿਆ ਫੋਨ ਨੰਬਰ ਡਾਇਲ ਕੀਤਾ ਤਾਂ ਅੱਗਿਓਂ ਉਨ੍ਹਾਂ ਕਿਹਾ ਕਿ ਉਹ ਕਣਕ ਤਾਂ ਅਸੀਂ ਵੰਡ ਦਿੱਤੀ ਹੈ ਤੇ ਹੁਣ ਕਣਕ ਨਹੀਂ ਮਿਲ ਸਕਦੀ। ਕਿਸਾਨ ਕਾਮਰੇਡ ਅਜੀਤ ਸਿੰਘ ਤੇ ਹੋਰ ਕਿਸਾਨ ਹਰਮੇਲ ਸਿੰਘ ਨੇ ਪੱਤਰਕਾਰਾਂ ਨਾਲ ਆਪ ਬੀਤੀ ਸੁਣਾ ਕੇ ਇਸ ਸਬੰਧੀ ਜਾਣਕਾਰੀ ਦਿੱਤੀ। ਪੱਤਰਕਾਰਾਂ ਵਲੋਂ ਜਦੋਂ ਉਸੇ ਨੰਬਰ ਤੇ ਖੇਤੀ ਮਹਿਕਮੇ ਨਾਲ ਗੱਲ ਕੀਤੀ, ਉਹਨਾਂ ਕਿਹਾ ਕਿ ਅਸੀਂ ਆਨਲਾਈਨ ਫਾਰਮ ਭਰਨ ਲਈ ਕਿਹਾ ਸੀ, ਤੁਸੀਂ ਹੁਣ ਵੀ ਇਹ ਫਾਰਮ ਭਰ ਸਕਦੇ ਹੋ
। ਪਰ ਕਿਸਾਨਾਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਸਾਨੂੰ ਇਹ ਨੰਬਰ ਦਿੱਤਾ ਸੀ ਸਾਨੂੰ ਕਿਸੇ ਨੇ ਆਨਲਾਈਨ ਫਾਰਮ ਭਰ ਲਈ ਨਹੀਂ ਕਿਹਾ। ਉਹਨਾਂ ਮਹਿਕਮੇ ਤੇ ਦੋਸ਼ ਲਾਇਆ ਕਿ ਜੇ ਸਰਕਾਰ ਵੱਲੋਂ ਕੋਈ ਗਰੀਬ ਕਿਸਾਨਾਂ ਨੂੰ ਰਾਹਤ ਮਿਲਦੀ ਹੈ ਤਾਂ ਉਹਨਾਂ ਨੂੰ ਇਸ ਤਰ੍ਹਾਂ ਗੱਲ ਕਹਿ ਕੇ ਟਾਲ ਦਿੱਤਾ ਜਾਂਦਾ ਹੈ। ਉਹਨਾਂ ਕਿਹਾ ਕਿ ਵਿਭਾਗ ਵਲੋਂ ਇਹ ਰਾਹਤ ਨੇੜਲੇ ਅਤੇ ਚਹੇਤੇ ਕਿਸਾਨਾਂ ਨੂੰ ਹੀ ਦਿੱਤੀ ਜਾ ਰਹੀ ਹੈ। ਉਨ੍ਹਾਂ ਪੰਜਾਬ ਸਰਕਾਰ ਅਤੇ ਵਿਭਾਗ ਦੇ ਸੀਨੀਅਰ ਅਧਿਕਾਰੀਆਂ ਨੂੰ ਗੁਹਾਰ ਲਗਾਉਂਦੇ ਹੋਏ ਇਸ ਵੱਲ ਧਿਆਨ ਦੇਣ ਲਈ ਅਪੀਲ ਕੀਤੀ।

ਫੋਟੋ ਕੈਪਸ਼ਨ : ਕਿਸਾਨ ਅਜੀਤ ਸਿੰਘ ਅਤੇ ਹਰਮੇਲ ਸਿੰਘ ਪੱਤਰਕਾਰਾਂ ਨਾਲ ਰੂਬਰੂ ਹੁੰਦੇ ਹੋਏ