ਗੜ੍ਹਦੀਵਾਲ (ਚੌਧਰੀ )

19 ਜਨਵਰੀ : ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਰਕਰ ਯੂਨੀਅਨ ਪੰਜਾਬ ਰਜਿਸਟਰ ਨੰਬਰ 26 ਜਿਲਾ ਹੋਸ਼ਿਆਰਪੁਰ ਦੇ ਜਿਲਾ ਪ੍ਰਧਾਨ ਦਰਸ਼ਵੀਰ ਰਾਣਾ ਅਤੇ ਜਿਲਾ ਜਰਨਲ ਸਕੱਤਰ ਕੁਲਦੀਪ ਸਿੰਘ ਰਾਣਾ ਨੇ ਪ੍ਰੈੱਸ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਜਲ ਸਪਲਾਈ ਕਾਰਜਕਾਰੀ ਇੰਜੀਨੀਅਰ ਮੰਡਲ ਨੰਬਰ 2 ਵੱਲੋਂ ਠੇਕਾ ਕਾਮਿਆਂ ਦੀਆ ਮੰਗਾ ਨੂੰ ਲਗਾਤਾਰ ਅਣਗੌਲਿਆ ਕੀਤਾ ਜਾ ਰਿਹਾ ਹੈ ਜਿਸ ਸਬੰਧੀ ਕਈ ਵਾਰ ਇਸ ਅਧਿਕਾਰੀ ਨਾਲ ਮੀਟਿੰਗ ਵੀ ਕੀਤੀ ਗਈ ਪਰ ਕੋਈ ਵੀ ਮੰਗ ਦਾ ਹੱਲ ਨਹੀ ਕੀਤਾ ਜਿਸ ਕਾਰਨ ਵਰਕਰਾਂ ਦੇ ਵਿਚ ਰੋਸ ਪਾਇਆ ਜਾ ਰਿਹਾ ਹੈ ਇਸ ਅਧਿਕਾਰੀ ਵਲੋਂ ਮੰਨੀਆ ਮੰਗਾ ਨੂੰ ਵੀ ਲਾਗੂ ਨਹੀ ਕੀਤਾ ਜਾ ਰਿਹਾ ਹੈ।ਦੂਜੇ ਪਾਸੇ ਠੇਕਾ ਵਰਕਰ ਪਹਿਲਾ ਹੀ ਨਿਗੁਣਿਆ ਤਨਖਾਹਾਂ ਤੇ ਪੰਜ ਪੰਜ ਪੋਸਟਾਂ ਤੇ ਕੰਮ ਕਰਦੇ ਆ ਰਹੇ ਹਨ ਜ੍ਹਿਨਾਂ ਦਾ ਲਗਾਤਾਰ ਸ਼ੋਸ਼ਣ ਇਸ ਅਧਿਕਾਰੀ ਵਲੋ ਕੀਤਾ ਜਾ ਰਿਹਾ ਹੈ ਇਸ ਅਧਿਕਾਰੀ ਵਲੋ ਹੈਂਕੜਵਾਜ ਵਤੀਰਾ ਅਪਣਿਆ ਗਿਆ ਹੈ ਇਸ ਵਲੋ ਕੋਈ ਵੀ ਮੰਗ ਨੂੰ ਮੰਨਣ ਤੋਂ ਸਾਫ ਇਨਕਾਰ ਕੀਤਾ ਗਿਆ ਹੈ।ਦੂਜੇ ਪਾਸੇ ਪੂਰੇ ਪੰਜਾਬ ਚ ਦੂਜੇ ਅਧਿਕਾਰੀਆਂ ਵਲੋ ਵਰਕਰਾ ਨੂੰ 10 ਸਾਲ ਦੇ ਬਣਦੇ ਪੈਸੇ ਦਿੱਤੇ ਜਾ ਰਹੇ ਹਨ।ਇਸ ਲਈ ਜੇ ਕਰ ਕਿਸੇ ਵਰਕਰ ਦੀ ਤਨਖਾਹ ਚ ਦੇਰ ਕੀਤੀ ਗਈ ਹੈ ਤਾਂ ਇਸਦੀ ਸਾਰੀ ਜਿਮੇਵਾਰੀ ਇਸ ਅਧਿਕਾਰੀ ਦੀ ਹੋਵੇਗੀ ਕਿਉਕਿ ਇਸ ਦਫ਼ਤਰ ਦੇ ਕੰਮਾਂ ਦਾ ਬਹੁਤ ਬੁਰਾ ਹਾਲ ਹੋ ਗਿਆ ਹੈ ਕਈ ਕਈ ਦਿਨ ਵਰਕਰਾ ਦੇ ਕੰਮਾਂ ਨੂੰ ਲਟਕਾਇਆ ਜਾਂਦਾ ਹੈ। ਇਸ ਲਈ ਜਥੇਬਦੀ ਨੇ ਫੈਸਲਾ ਕੀਤਾ ਹੈ ਕਿ 24ਜਨਵਰੀ ਨੂੰ ਇਸ ਅਧਿਕਾਰੀ ਦੇ ਖਿਲਾਫ ਰੋਸ ਧਰਨਾ ਦਿੱਤਾ ਜਾਵੇਗਾ ਜਿਸ ਦੀ ਸਾਰੀ ਜਿੰਮੇਵਾਰੀ ਇਸ ਅਧਿਕਾਰੀ ਦੀ ਹੋਵੇਗੀ।