ਭੂੰਗਾ /ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

13 ਜਨਵਰੀ : ਬੀਤੀ ਰਾਤ ਨਾਕੇ ਦੌਰਾਨ ਤੈਨਾਤ ਪੁਲਿਸ ਕਰਮਚਾਰੀਆਂ ਤੇ ਇੱਕ ਵਿਅਕਤੀ ਵਲੋਂ ਕਾਰ ਨਾਲ ਟੱਕਰ ਮਾਰਨ ਤੇ ਦੋ ਪੁਲਿਸ ਕਰਮਚਾਰੀ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਿਨ੍ਹਾਂ ਨੂੰ ਸੀ.ਐਚ.ਸੀ ਭੂੰਗਾ ਵਿਖੇ ਦਾਖਲ ਕਰਵਾਇਆ ਗਿਆ ਹੈ।ਦੋਸ਼ੀ ਦੀ ਪਛਾਣ ਮਨਜੀਤ ਸਿੰਘ ਪੁੱਤਰ ਰੁਪਿੰਦਰ ਸਿੰਘ ਵਾਸੀ ਧੂਤ ਕਲਾਂ ਥਾਣਾ ਹਰਿਆਣਾ ਜਿਲ੍ਹਾ ਹੁਸਿਆਰਪੁਰ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਏ ਐਸ ਆਈ ਜਗਦੀਸ਼ ਕੁਮਾਰ ਪੁੱਤਰ ਤਾਰਾ ਚੰਦ ਵਾਸੀ ਸ਼ਾਮਚੋਰਾਸੀ ਥਾਣਾ ਬੁਲੋਵਾਲ ਜਿਲਾ ਹੁਸਿਆਰਪੁਰ ( ਉਮਰ ਕਰੀਬ 48 ਸਾਲ ) ਨੇ ਕਿਹਾ ਕਿ ਉਹ ਸਮੇਤ ਏ ਐਸ ਆਈ ਹਰਜਿੰਦਰ ਸਿੰਘ 1021/ਹੁਸਿ ਏ ਐਸ ਆਈ ਬਲਵਾਨ ਸਿੰਘ 188/ਹੁਸਿ ਐਚ ਸੀ ਮਨਵੀਰ ਸਿੰਘ 1203/ਹੁਸਿ ਦੋਰਾਨੇ ਚੈਕਿੰਗ ਵਹੀਕਲਾ ਸਬੰਧੀ ਅੱਡਾ ਭੂੰਗਾ ਮੌਜੂਦ ਸੀ ਤਾਂ ਮਨਜੀਤ ਸਿੰਘ ਪੁੱਤਰ ਰੁਪਿੰਦਰ ਸਿੰਘ ਵਾਸੀ ਧੂਤ ਕਲਾਂ ਥਾਣਾ ਹਰਿਆਣਾ ਨੇ ਜਾਣਬੁੱਝ ਕੇ ਕਾਰ ਇੰਡੀਗੋ ਨੰਬਰੀ ਪੀ ਬੀ 07 ਜੈਡ 6388 ਏ ਐਸ ਆਈ ਹਰਜਿੰਦਰ ਸਿੰਘ 1021/ਹੁਸਿ ਤੇ ਏ ਐਸ ਆਈ ਬਲਵਾਨ ਸਿੰਘ 188/ਹੁਸਿ ਨੂੰ ਮਾਰ ਦੇਣ ਦੀ ਨੀਅਤ ਨਾਲ ਨਾਕੇ ਪਰ ਲਗਾਏ ਵੈਰੀਗੇਟ ਨੂੰ ਆਪਣੀ ਗੱਡੀ ਨਾਲ ਤੋੜਦਾ ਹੋਇਆ ਦੋਨਾਂ ਕਰਮਚਾਰੀਆਂ ਦੇ ਉਪਰ ਸਿੱਧੀ ਚਾੜ ਦਿੱਤੀ ਤੇ ਇਹਨਾ ਦੋਨਾਂ ਕਰਮਚਾਰੀਆਂ ਦੇ ਗੰਭੀਰ ਸੱਟਾ ਲੱਗੀਆਂ। ਜਿਹਨਾਂ ਨੂੰਇਲਾਜ ਲਈ ਸੀ.ਐਚ.ਸੀ ਭੂੰਗਾ ਦਾਖਲ ਕਰਵਾਇਆ ਗਿਆ ਹੈ। ਜਿਸਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ ।