ਟਾਂਡਾ / ਦਸੂਹਾ (ਚੌਧਰੀ) : ਟਾਂਡਾ ਪੁਲਸ ਨੇ ਪ੍ਰਵਾਸੀ ਮਜ਼ਦੂਰ ਤੋਂ ਮੋਬਾਈਲ ਖੋਹ ਕੇ ਭੱਜਣ ਵਾਲੇ ਦੇ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ।ਮੁਲਜਮਾਂ ਦੀ ਪਛਾਣ ਸੋਨੂੰ ਪੁੱਤਰ ਮਲਕੀਤ ਸਿੰਘ ਵਾਸੀ ਤਲਵੰਡੀ ਭੀਲਾਂ ਥਾਣਾ ਕਰਤਾਰਪੁਰ ਜਿਲ੍ਹਾਂ ਜਲੰਧਰ,ਗੁਰਲੀਨ ਪੁੱਤਰ ਜੋਗਿੰਦਰ ਲਾਲ ਵਾਸੀ ਸਿਵਦਾਸਪੁਰ ਥਾਣਾ ਕਰਤਾਰਪੁਰ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਜਗਦੀਪ ਸਿੰਘ ਪੁੱਤਰ ਪ੍ਰਿਥੀਪਾਲ ਸਿੰਘ (60)ਵਾਸੀ ਪਲਾਹ ਚੱਕ ਥਾਣਾ ਟਾਂਡਾ ਜਿਲ੍ਹਾ ਹੁਸਿਆਰਪੁਰ ਕਿਹਾ ਕਿ ਉਸ ਨੇ ਆਪਣੇ ਖੇਤਾਂ ਵਿਚ ਗੰਨਾ ਬੀਜਿਆ ਹੋਇਆਂ ਹੈ ਅਤੇ ਉਸਦੀ ਕਟਾਈ ਲਈ ਬਿਹਾਰ ਤੋਂ ਲੇਬਰ ਆਈ ਹੋਈ ਹੈ ਅੱਜ ਵਕਤ ਕਰੀਬ 04:00 ਵਜੇ ਸਾਮ ਮੈ ਆਪਣੀ ਮੋਟਰ ਪਰ ਮੌਜੂਦ ਸੀ ਤਾ ਮੇਰੀ ਲੇਬਰ ਦਾ ਇਕ ਵਿਅਕਤੀ ਅਜੇ ਕੁਮਾਰ ਪੁੱਤਰ ਕਮਲੇਸ਼ਰੀ ਮਹਾਤੋ ਵਾਸੀ ਰਾਮਪੁਰ ਤਿਲਕ ਥਾਣਾ ਜਾਨਕੀ ਨਗਰ ਜਿਲ੍ਹਾਂ ਪੂਰਨੀਆ ਬਿਹਾਰ ਜੋ ਕਿ ਮੇਰੀ ਕਣਕ ਨੂੰ ਪਾਣੀ ਲਗਾ ਰਿਹਾ ਸੀ ਤਾਂ ਉਹ ਪਾਣੀ ਲਗਾਉਦਾ ਹੋਇਆ ਸੜਕ ਦੇ ਨਾਲ ਨਾਲ ਮੋਟਰ ਤੋ ਕਰੀਬ ਸੋ ਮੀਟਰ ਅੱਗੇ ਚਲਾ ਗਿਆ ਤਾਂ ਉਸ ਦੇ ਪਿੱਛੇ ਤੋ ਇੱਕ ਮੋਟਰਸਾਇਕਲ ਨੰਬਰੀ PB-08-CW-0808 ਮਾਰਕਾ ਪਲਟੀਨਾ ਰੰਗ ਕਾਲਾ ਪਰ ਸਵਾਰ ਦੋ ਨੌਜਵਾਨ ਲੜਕੇ ਆਏ ਜਿਨਾਂ ਨੇ ਉਸ ਦੇ ਨਜਦੀਕ ਆ ਕੇ ਆਪਣਾ ਮੋਟਰਸਾਇਕਲ ਰੋਕ ਲਿਆ ਅਤੇ ਮੋਟਰਸਾਇਕਲ ਦੇ ਪਿੱਛੇ ਬੈਠੇ ਲੜਕੇ ਨੇ ਆਪਣੀ ਹੱਥੀ ਫੜੀ ਕਿਰਪਾਨ ਕੱਢ ਕੇ ਮੈਨੂੰ ਜਾਨ ਤੋ ਮਾਰਨ ਦੀ ਧਮਕੀ ਦਿੱਤੀ ਅਤੇ ਮੇਰੇ ਹੱਥੀ ਫੜਿਆ ਮੋਬਾਇਲ ਫੋਨ ਮਾਰਕਾ ਵੀਵੋ ਧੱਕੇ ਨਾਲ ਖੋਹ ਲਿਆ ਅਤੇ ਭੱਜਣ ਲੱਗੇ ਕਾਹਲੀ ਨਾਲ ਮੋਟਰਸਾਇਕਲ ਸਲਿਪ ਹੋ ਗਿਆ ਅਤੇ ਹੇਠਾਂ ਡਿੱਗ ਪਏ। ਜਿੰਨਾਂ ਨੂੰ ਕਾਬੂ ਕਰਕੇ ਉਹਨਾ ਦਾ ਨਾਮ ਪਤਾ ਪੁੱਛਿਆ ਜਿਨਾਂ ਨੇ ਆਪਣਾ ਨਾਮ ਸੋਨੂੰ ਪੁੱਤਰ ਮਲਕੀਤ ਸਿੰਘ ਵਾਸੀ ਤਲਵੰਡੀ ਭੀਲਾਂ ਥਾਣਾ ਕਰਤਾਰਪੁਰ ਜਿਲ੍ਹਾਂ ਜਲੰਧਰ ਤੇ ਗੁਰਲੀਨ ਪੁੱਤਰ ਜੋਗਿੰਦਰ ਲਾਲ ਵਾਸੀ ਸਿਵਦਾਸਪੁਰ ਥਾਣਾ ਕਰਤਾਰਪੁਰ ਜਿਲ੍ਹਾਂ ਜਲੰਧਰ ਦੱਸਿਆ। ਪੁਲਿਸ ਨੇ ਜਗਦੀਪ ਸਿੰਘ ਦੇ ਬਿਆਨਾਂ ਦੇ ਆਧਾਰ ਤੇ ਦੋਵੇਂ ਮੁਲਜਮਾਂ ਸੋਨੂੰ ਅਤੇ ਗੁਰਲੀਨ ਖਿਲਾਫ ਧਾਰਾ 379 ਬੀ ਭ:ਦ ਅਧੀਨ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।