ਮੁਕੇਰੀਆਂ / ਦਸੂਹਾ 22 ਅਗਸਤ (ਚੌਧਰੀ)
: ਦੋ ਦੇਸੀ ਪਿਸਤੌਲ 315 ਬੋਰ ਤੇ 01 ਜਿੰਦਾ ਰੋਂਦ ਸਮੇਤ ਦੋ ਨੌਜਵਾਨਾਂ ਨੂੰ ਮੁਕੇਰੀਆਂ ਅਤੇ ਦਸੂਹਾ ਪੁਲਿਸ ਨੇ ਕਾਬੂ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਗੋਰਵ ਸ਼ਰਮਾ ਪੁੱਤਰ ਰਾਕੇਸ਼ ਕੁਮਾਰ ਵਾਸੀ ਪੰਦੇਰ ਥਾਣਾ ਦਸੂਹਾ ਹਾਲ ਵਾਸੀ ਬੁੱਢੇਵਾਲ ਥਾਣਾ ਮੁਕੇਰੀਆ ਤੇ ਦਿਲਪ੍ਰੀਤ ਸਿੰਘ ਉਰਫ ਦਿਲਪ੍ਰੀਤ ਪੁੱਤਰ ਜਸਵਿੰਦਰ ਸਿੰਘ ਵਾਸੀ ਉਸ਼ਮਾਨ ਸਹੀਦ ਥਾਣਾ ਦਸੂਹਾ ਵਜੋਂ ਹੋਈ ਹੈ।
ਪੁਲਿਸ ਐਫ ਆਈ ਆਰ ਮੁਤਾਬਕ ਏ.ਐਸ.ਆਈ ਪਵਨ ਕੁਮਾਰ ਸਮੇਤ ਸਾਥੀ ਕਰਮਚਾਰੀਆਂ ਦੇ ਗਸ਼ਤ ਬਾ ਚੈਕਿੰਗ ਦੇ ਸਬੰਧ ਵਿੱਚ ਮਾਤਾ ਰਾਣੀ ਚੌੰਕ ਮੁਕੇਰੀਆਂ ਮੋਜੂਦ ਸੀ ਤਾਂ ਮੁੱਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਗੋਰਵ ਸ਼ਰਮਾ ਪੁੱਤਰ ਰਾਕੇਸ਼ ਕੁਮਾਰ ਵਾਸੀ ਪੰਦੇਰ ਥਾਣਾ ਦਸੂਹਾ ਹਾਲ ਵਾਸੀ ਬੁੱਢੇਵਾਲ ਥਾਣਾ ਮੁਕੇਰੀਆਂ ਜੋ ਕਿ ਲੁੱਟਾਂ ਖੋਹਾਂ ਅਤੇ ਚੋਰੀਆਂ ਕਰਨ ਦਾ ਆਦਿ ਹੈ ਜੋ ਮਹਿਦੀਨਪੁਰ ਦਲੇਲ ਤੋ ਵਿਸ਼ਾਲ ਫਾਰਮ ਵੱਲ ਨੂੰ ਨਜਾਇਜ ਅਸਲੇ ਸਮੇਤ ਆ ਰਿਹਾ ਹੈ ਜੇਕਰ ਰੇਡ ਕੀਤਾ ਜਾਵੇ ਤਾਂ ਨਜਾਇਜ ਅਸਲੇ ਸਮੇਤ ਕਾਬੂ ਆ ਸਕਦਾ ਹੈ। ਜਿਸ ਤੇ ਰੇਡ ਕੀਤਾ ਗਿਆ। ਜਿਸ ਨੂੰ ਕਾਬੂ ਕਰਕੇ ਉਸ ਪਾਸੋ ਇੱਕ ਨਜਾਇਜ ਅਸਲਾ ਦੇਸੀ ਕੱਟਾ 315 ਬੋਰ ਸਮੇਤ 1 ਜਿੰਦਾ ਰੌਂਦ 315 ਬੋਰ ਬ੍ਰਾਮਦ ਕਰਕੇ ਉਕਤ ਮੁਕੱਦਮਾ ਦਰਜ ਕੀਤਾ ਗਿਆ ।
ਇਸੇ ਤਰਾਂ ਏ.ਐਸ.ਆਈ ਅਨਿਲ ਕੁਮਾਰ ਸਮੇਤ ਸਾਥੀ ਕਰਮਚਾਰੀਆਂ ਦੇ ਬਾ ਸਵਾਰੀ ਪ੍ਰਾਈਵੇਟ ਵਹੀਕਲ ਦੇ ਨਾਕਾ ਬੰਦੀ ਸ਼ੱਕੀ ਪਰਸ਼ਾ ਦੇ ਸਬੰਧ ਵਿੱਚ ਜਲੰਧਰ ਪਠਾਨਕੋਟ ਮੇਨ ਜੀ. ਟੀ ਰੋਡ ਪਰ ਭੱਟੀ ਦਾ ਪਿੰਡ ਮੋੜ ਨੇੜੇ ਟੱਕਰ ਸਾਹਿਬ ਗੁਰਦੁਆਰਾ ਮੌਜੂਦ ਸੀ ਤਾਂ ਇੱਕ ਗੱਡੀ ਬਿਨਾ ਨੰਬਰੀ ਸਵਿਫਟ ਰੰਗ ਚਿੱਟਾ ਜੋ ਮੁਕੇਰੀਆਂ ਸਾਇਡ ਤੋਂ ਆਉਂਦੀ ਦਿਖਾਈ ਦਿੱਤੀ ਜੋ ਗੱਡੀ ਦਾ ਚਾਲਕ ਪੁਲਿਸ ਪਾਰਟੀ ਨੂੰ ਦੇਖ ਕੇ ਪਿੱਛੇ ਨੂੰ ਮੁੜਨ ਲੱਗਾ। ਜਿਸ ਨੂੰ ਸਾਥੀ ਕਰਮਚਾਰੀਆਂ ਦੀ ਮੱਦਦ ਨਾਲ ਕਾਬੂ ਕਰਕੇ ਨਾਮ ਪਤਾ ਪੁਛਿਆ। ਜਿਸ ਨੇ ਆਪਣਾ ਨਾਮ ਦਿਲਪ੍ਰੀਤ ਸਿੰਘ ਉਰਫ ਦਿਲਪ੍ਰੀਤ ਪੁੱਤਰ ਜਸਵਿੰਦਰ ਸਿੰਘ ਵਾਸੀ ਉਸ਼ਮਾਨ ਸਹੀਦ ਥਾਣਾ ਦਸੂਹਾ ਦੱਸਿਆ। ਜਿਸ ਦੀ ਸ਼ੱਕ ਹੋਣ ਤੇ ਤਲਾਸ਼ੀ ਲਈ ਗਈ ਤੇ ਗੱਡੀ ਉਕਤ ਵਿਚੋ ਦੇਸੀ ਪਿਸਤੌਲ 315 ਬੋਰ ਬਰਾਮਦ ਹੋਇਆ। ਜੋ ਕਿ ਅਸਲੇ ਸਬੰਧੀ ਕੋਈ ਵੀ ਲਾਈਸੈਂਸ ਜਾ ਦਸਤਾਵੇਜ ਪੇਸ਼ ਨਹੀ ਕਰ ਸਕਿਆ। ਜਿਸ ਤੇ ਮੁਕਦਮਾ ਦਰਜ ਕੀਤਾ ਗਿਆ ।
