ਦਸੂਹਾ (ਚੌਧਰੀ)

1 ਅਪ੍ਰੈਲ : ਅੱਜ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ, ਹਲਕਾ ਵਿਧਾਇਕ, ਦਸੂਹਾ ਵਲੋਂ ਪੀ ਆਈ ਐਸ ਅਥਲੈਟਿਕਸ ਅਕੈਡਮੀ ਦਸੂਹਾ ਦੇ ਖਿਡਾਰੀਆਂ, ਕੋਚ ਦੀਪਕ ਕੁਮਾਰ ਅਤੇ ਟੀਚਰ ਲਖਵੀਰ ਕੌਰ ਚੰਗੀ ਕਾਰਗੁਜ਼ਾਰੀ ਦੇਖਦੇ ਉਨ੍ਹਾਂ ਦੀ ਹੌਸਲਾ ਅਫਜਾਈ ਕਰਦੇ ਹੋਏ ਸਨਮਾਨਿਤ ਕੀਤਾ।ਇਸ ਮੌਕੇ ਹਲਕਾ ਵਿਧਾਇਕ ਨੇ ਖਿਡਾਰੀਆਂ ਨੂੰ ਹੋਰ ਮੇਹਨਤ ਕਰਨ ਲਈ ਪ੍ਰੇਰਿਤ ਕੀਤਾ।

ਜਿਕਰਯੋਗ ਹੈ ਕਿ ਪੀ ਆਈ ਐਸ ਅਥਲੈਟਿਕਸ ਅਕੈਡਮੀ ਦਸੂਹਾ ਦੇ ਐਥਲੀਟ ਮਿਥੁਨ ਨੇ 2023 ਵਿਚ ਪੁਣੇ ਵਿਖੇ ਹੋਈ 21ਵੀਂ ਨੇਸ਼ਨਲ਼ ਪੈਰਾ ਅਥੈਟਿਕਸ ਚੈਂਪੀਅਨਸ਼ਿਪ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਸੀ। ਇਸੇ ਤਰਾਂ ਐਥਲੀਟ ਗੁੱਗ ਕੌਰ ਨੇ ਤਾਮਿਲਨਾਡੂ ਵਿਖ਼ੇ 13 ਤੋਂ 16 ਮਾਰਚ ਤੱਕ ਹੋਈ ਆਲ ਇੰਡੀਆਂ ਇੰਟਰ ਯੂਨੀਵਰਸਿਟੀ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ 800ਮੀਟਰ ਵਿੱਚ ਪਹਿਲਾਂ, 400ਮੀਟਰ ਵਿੱਚ ਤੀਜਾ, 4×400 ਮੀਟਰ ਮਿਕਸ ਰਿਲੇਅ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕਰਕੇ ਬੈਸਟ ਅਥਲੀਟ ਦਾ ਖ਼ਿਤਾਬ ਆਪਣੇ ਨਾਮ ਹਾਸਿਲ ਕਰਦਿਆਂ ਹੋਇਆ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀ ਪਹਿਲੀ ਮਹਿਲਾ ਖਿਡਾਰਣ (ਬੈਸਟ ਅਥਲੀਟ) ਬਣਨ ਦਾ ਇਤਿਹਾਸ ਵੀ ਰਚਿਆ ਸੀ। ਬਾਕੀ ਖਿਡਾਰੀਆਂ ਵੱਲੋਂ ਕਰਾਸ ਕੰਟਰੀ ਇੰਟਰ ਕਾਲਜ ਮੁਕਾਬਲੇ – ਓਵਰ ਆਲ ਚੈਂਪੀਅਨਸ਼ਿਪ ਪ੍ਰਾਪਤ ਕੀਤੀ। ਇਸ ਮੌਕੇ ਕੋਚ  ਦੀਪਕ ਕੁਮਾਰ, ਡਾ. ਲਖਵੀਰ ਕੌਰ ਅਤੇ ਹੋਰ ਅਧਿਕਾਰੀਆਂ ਸਮੇਤ ਖਿਡਾਰੀ ਹਾਜਰ ਸਨ।