ਗੜ੍ਹਦੀਵਾਲਾ ( ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਕੁਮਾਰ) 

22 ਜੂਨ : ਬੀਤੇ ਕੱਲ ਬੁੱਧਵਾਰ ਨੂੰ ਸਵੇਰੇ 10 ਵਜੇ ਦੇ ਕਰੀਬ ਪਿੰਡ ਬਲਾਲਾ ਰੋੜ ਤੇ ਇਕ ਟਰੈਕਟਰ ਤੇ ਜਾਂਦੇ ਵਿਅਕਤੀ ਤੇ ਮੋਟਰਸਾਈਕਲ ਸਵਾਰ ਅਣਪਛਾਤੇ ਨੌਜਵਾਨਾਂ ਵੱਲੋਂ ਗੋਲੀਆਂ ਚਲਾਉਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਜਿਸਦੇ ਚੱਲਦਿਆਂ ਗੜ੍ਹਦੀਵਾਲਾ ਪੁਲਿਸ ਨੇ 4 ਅਣਪਛਾਤੇ ਨੌਜਵਾਨਾਂ ਤੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਚ ਰਾਹੁਲ ਠਾਕੁਰ ਪੁੱਤਰ ਵਿਨੋਦ ਕੁਮਾਰ ਵਾਸੀ ਸ਼ਹਿ ਚਠਿਆਲ ਥਾਣਾ ਗੜਦੀਵਾਲਾ ਜਿਲਾ ਹੁਸ਼ਿਆਰਪੁਰ ਕਿਹਾ ਕਿ ਉਹ ਮਿਤੀ 21-06-23 ਨੂੰ ਵਕਤ ਕਰੀਬ 9-50 ਵਜੇ ਸੁਭਾ ਪਿੰਡ ਬਲਾਲਾ ਤੋਂ ਟਰੈਕਟਰ ਤੇ ਜਾ ਰਿਹਾ ਸੀ ਤਾਂ ਪਿੱਛੇ ਤੋਂ 2 ਨਾ ਮਲੂਮ ਮੋਟਰਸਾਇਕਲਾ ਪਰ ਕੁੱਲ 4 ਨਾ ਮਲੂਮ ਨੌਜਵਾਨ ਸਵਾਰ ਸਨ, ਉਸਨੂੰ ਘੇਰ ਕੇ ਉਸ ਉੱਪਰ 100 ਗਜ ਦੂਰ ਤੋਂ 3 ਫਾਇਰ ਕਰ ਦਿੱਤੇ। ਜੋ ਉਸਦੇ ਨਹੀਂ ਲੱਗੇ ਅਤੇ ਧਮਕੀਆਂ ਦਿੰਦੇ ਮੌਕਾ ਤੋ ਦੌੜ ਗਏ। ਜਿਸ ਤੇ ਗੜ੍ਹਦੀਵਾਲਾ ਪੁਲਿਸ ,ਵਲੋਂ ਦੋਸ਼ੀਆਂ ਖਿਲਾਫ ਧਾਰਾ 341, 336,506 ਭ/ਦ. 25-54-59 ਅਸਲਾ ਐਕਟ ਅਧੀਨ ਮਾਮਲਾ ਦਰਜ ਕੀਤਾ ਗਿਆ।