8 ਅਕਤੂਬਰ : ਕੁੱਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ ਵੱਲੋਂ ਘਰ ਘਰ ਮੈਂਬਰਸ਼ਿਪ ਕਰਨ ਤਹਿਤ ਅੱਜ ਪਿੰਡ ਪੰਡੋਰੀ ਅਟਵਾਲ, ਸਹਿਜੋਵਾਲ,ਮਾਛੀਆਂ,ਕੋਟਲੀ ਵਿਖੇ ਨੁੱਕੜ ਮੀਟਿੰਗਾਂ ਕੀਤੀਆਂ ਗਈਆਂ ਅਤੇ ਮੈਂਬਰਸ਼ਿਪ ਦੀਆਂ ਕਾਪੀਆਂ ਭਰੀਆਂ ਗਈਆਂ।ਇਸ ਮੌਕੇ ਦਲਿਤਾਂ ਤੇ ਹੋ ਰਹੇ ਹਮਲਿਆਂ ਵਿਰੁੱਧ ਪਿੰਡ ਪਿੰਡ ਤੋਂ ਦਸਤਕ ਕਰਵਾਏ ਗਏ। ਇੱਥੇ ਪਿੰਡ ਕੋਟਲੀ ਵਿਖੇ ਬੋਲਦਿਆਂ ਕੁੱਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ ਦੇ ਸੂਬਾਈ ਆਗੂ ਕਾਮਰੇਡ ਗੁਰਮੇਸ ਸਿੰਘ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਸਾਢੇ 13 ਕਰੋੜ ਮਨਰੇਗਾ ਕਾਰਡਾਂ ਵਿੱਚੋਂ ਪੰਜ ਕਰੋੜ ਮਨਰੇਗਾ ਕਾਰਡ ਕੱਟ ਦਿੱਤੇ ਹਨ ,ਜੋ ਕਿ ਮਨਰੇਗਾ ਮਜ਼ਦੂਰਾਂ ਲਈ ਬੜੀ ਦੁਖਦਾਈ ਗੱਲ ਹੈ। ਪਰ ਦੂਜੇ ਪਾਸੇ ਮੋਦੀ ਸਰਕਾਰ ਨੇ ਅਡਾਨੀਆਂ ਅਵਾਨੀਆਂ ਦਾ ਦੋ ਲੱਖ ਢਾਈ ਹਜਾਰ ਕਰੋੜ ਰੁਪਏ ਮਾਫ ਕੀਤਾ ਹੈ।ਮਜਦੂਰ ਦਿਹਾੜੀ ਲਾ ਕੇ ਕੰਮ ਕਰਕੇ ਰੋਟੀ ਖਾਣਾ ਚਾਹੁੰਦੇ ਹਨ, ਪਰ ਇਹ ਸਰਕਾਰਾਂ ਮਨਰੇਗਾ ਨੂੰ ਖਤਮ ਕਰਨ ਵੱਲ ਤੁਰੀਆਂ ਹੋਈਆਂ ਹਨ। ਉਹਨਾਂ ਬੋਲਦਿਆਂ ਅੱਗੇ ਕਿਹਾ ਕਿ ਮਜ਼ਦੂਰਾਂ ਨੂੰ 600 ਰੁਪਏ ਦਿਹਾੜੀ ਤੇ ਸਾਲ ਵਿੱਚ 200 ਦਿਨ ਕੰਮ ਦਿੱਤਾ ਜਾਵੇ ।ਮਨਰੇਗਾ ਕਾਨੂੰਨ ਤਹਿਤ ਜੇ ਸਰਕਾਰਾਂ ਮਜ਼ਦੂਰ ਨੂੰ ਕੰਮ ਦੇਣ ਵਿੱਚ ਅਸਫਲ ਹੁੰਦੀਆਂ ਹਨ ,ਤਾਂ ਮਜ਼ਦੂਰ ਨੂੰ ਬੇਰੁਜ਼ਗਾਰੀ ਭੱਤਾ ਦਿੱਤਾ ਜਾਵੇ। ਇਹ ਸਰਕਾਰਾਂ ਨਵੇਂ ਐਪ ਤਹਿਤ ਮਜ਼ਦੂਰਾਂ ਦੀ ਚੈਕਿੰਗ ਡਰੋਨ ਰਾਹੀਂ ਕਰਨ ਜਾ ਰਹੀਆਂ ਹਨ। ਜਿਸ ਦਾ ਖਰਚਾ ਉਥੇ ਦੀ ਸਟੇਟ ਸਰਕਾਰ ਤੇ ਪਵੇਗਾ। ਮਜ਼ਦੂਰਾਂ ਦੀ ਚੈਕਿੰਗ ਅਡਾਨੀ ਅਵਾਨੀਆਂ ਦੇ ਡਰੋਨਾਂ ਰਾਹੀਂ ਕੀਤੀ ਜਾ ਰਹੀ ਹੈ, ਜੋ ਕਿ ਉਹਨਾਂ ਨੂੰ ਫਾਇਦਾ ਪਹੁੰਚਾਇਆ ਜਾ ਰਿਹਾ। ਉਹਨਾਂ ਕਿਹਾ ਕਿ ਮਜ਼ਦੂਰਾਂ ਦੀ ਹਾਜ਼ਰੀ ਮਸਟਰੋਲ ਰਾਹੀਂ ਲਗਾਈ ਜਾਵੇ ।ਉਹਨਾਂ ਕਿਹਾ ਮਨਰੇਗਾ ਦੇ ਬਜਟ ਵਿੱਚ ਮੋਦੀ ਸਰਕਾਰ ਭਾਰੀ ਕਟੌਤੀ ਕਰ ਰਹੀ ਹੈ। ਇਸ ਦੀ ਬਜਾਏ ਮਜ਼ਦੂਰਾਂ ਨੂੰ 100 ਦਿਨ ਕੰਮ ਦੇਣ ਲਈ 2 ਲੱਖ ਢਾਈ ਹਜਾਰ ਕਰੋੜ ਰੁਪਏ ਸਾਲ ਦਾ ਬਜਟ ਵਿੱਚ ਪਾਉਣਾ ਚਾਹੀਦਾ ਹੈ। ਉਹਨਾਂ ਕਿਹਾ ਮਹਿੰਗਾਈ ਸਿਖਰਾਂ ਨੂੰ ਛੂ ਰਹੀ ਹੈ। ਮੋਦੀ ਸਰਕਾਰ ਆਪਣੇ ਫਿਰਕੂ ਪੱਤੇ ਖੋਲ ਕੇ ਦੇਸ਼ ਨੂੰ ਵੰਡਣ ਤੇ ਲੱਗੀ ਹੋਈ ਹੈ ।ਸੰਵਿਧਾਨ ਨੂੰ ਬਦਲਣ ਦੀਆਂ ਤਰਕੀਬਾਂ ਘੜੀਆਂ ਜਾ ਰਹੀਆਂ ਹਨ। ਮੋਦੀ ਮਨੂ ਸਿਮਰਤੀ ਦਾ ਸੰਵਿਧਾਨ ਲਾਗੂ ਕਰਨਾ ਚਾਹੁੰਦਾ ਹੈ ਜੋ ਵੀ ਸਾਨੂੰ ਕਿਸੇ ਵੀ ਹੱਦ ਤਕ ਬਰਦਾਸ਼ਤ ਨਹੀਂ ,ਕਿਉਂਕਿ ਇਹ ਦੇਸ਼ ਨੂੰ ਪਿੱਛੇ ਗੁਲਾਮੀ ਯੁੱਗ ਵਿੱਚ ਲੈ ਕੇ ਜਾਵੇਗਾ। ਅੱਜ ਦੀਆਂ ਨੁਕੜ ਮੀਟਿੰਗਾਂ ਵਿੱਚ 11 ਅਕਤੂਬਰ ਨੂੰ ਬਲਾਕ ਭੁੰਗਾ ਵਿਖੇ ਧਰਨਾ ਦੇਣ ਲਈ ਪਿੰਡ ਪਿੰਡ ਹੋਕਾ ਦਿੱਤਾ ਗਿਆ ।ਅੱਜ ਦੀਆਂ ਨੁੱਕੜ ਮੀਟਿੰਗਾਂ ਵਿੱਚ ਹਰਬੰਸ ਸਿੰਘ ਧੂਤ ,ਰਣਜੀਤ ਸਿੰਘ ਚੌਹਾਨ  ਮਲਕੀਤ ਸਿੰਘ, ਸਰਪੰਚ ਕੋਟਲੀ ਮੁਣਸ਼ੀਰਾਮ,  ਪੰਚ ਗੁਰਮੀਤ ਕੌਰ ,ਪੰਚ ਰਾਜ ਕੁਮਾਰ, ਬਲਵੀਰ ਕੌਰ, ਪਰਮਜੀਤ ਕੌਰ, ਰਾਜਕੁਮਾਰੀ, ਸੁਰਿੰਦਰ ਕੌਰ ਆਦਿ ਹਾਜ਼ਰ ਸਨ।