ਉੜਮੁੜ ਟਾਂਡਾ / ਦਸੂਹਾ , 7 ਮਾਰਚ (ਚੌਧਰੀ )  : ਟਾਂਡਾ ਦੇ ਵਾਰਡ 9 ਮੁਹੱਲਾ ਰੋਸ਼ਨੀ ਪੀਰ ਵਿੱਚ ਚੋਰਾਂ ਨੇ ਬੀਤੀ ਰਾਤ ਇਕ ਘਰ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਸਵਾ ਲੱਖ ਰੁਪਏ ਦੇ ਕਰੀਬ ਨਕਦੀ ਚੋਰੀ ਕਰ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ|ਘਰ ਦੀ ਮਾਲਕ ਸੁਖਵਿੰਦਰ ਕੌਰ ਨੇ ਟਾਂਡਾ ਪੁਲਿਸ ਨੂੰ ਚੋਰੀ ਸਬੰਧੀ ਸ਼ਿਕਾਇਤ ਦਰਜ਼ ਕਰਵਾ ਦਿੱਤੀ । ਟਾਂਡਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਸੁਖਵਿੰਦਰ ਕੌਰ ਪਤਨੀ ਭਗਵੰਤ ਸਿੰਘ ਵਾਸੀ ਬਾਬਾ ਰੌਸ਼ਨੀ ਪੀਰ ਵਾਰਡ ਨੰਬਰ 9 ਨੇ ਦੱਸਿਆ ਕਿ ਉਹ ਸਰਕਾਰੀ ਅਧਿਆਪਕ ਹੈ । ਉਹ ਐਤਵਾਰ ਦੀ ਰਾਤ ਸੁਖਵਿੰਦਰ ਕੌਰ ਆਪਣੀ ਸੱਸ ਨਾਲ ਨਣਾਨ ਜੋ ਟਾਂਡਾ ਸ਼ਹਿਰ ਵਿੱਚ ਹੀ ਰਹਿੰਦੀ ਹੈ ਨੂੰ ਮਿਲਣ ਚਲੇ ਗਏ ਤੇ ਹਨੇਰਾ ਜਿਆਦਾ ਹੋਣ ਕਰਕੇ ਨਣਾਨ ਘਰੇ ਹੀ ਰੁਕ ਗਏ । ਸਵੇਰੇ ਜਦੋਂ ਆਪਣੇ ਘਰ ਪਹੁੰਚੇ ਤਾਂ ਘਰ ਦੇ ਤਾਲੇ ਟੁੱਟੇ ਸਨ ਤੇ ਚੋਰਾਂ ਨੇ ਘਰ ਅੰਦਰੋਂ 6 ਸੋਨੇ ਦੀਆਂ ਚੂੜੀਆਂ , 2 ਸੋਨੇ ਦੀਆਂ ਚੇਨਾ , 3 ਸੋਨੇ ਦੀਆਂ ਮੁੰਦਰੀਆਂ , 3 ਜੋੜੀਆਂ ਟਾਪਸ ਸੋਨੇ ਦੇ ,ਇੱਕ ਜੋੜੀ ਸੋਨੇ ਦੀਆਂ ਵਾਲੀਆਂ, ਚਾਂਦੀ ਦੇ ਕੰਗਣ ਤੇ ਕਰੀਬ ਇੱਕ ਲੱਖ ਵੀਹ ਹਜਾਰ ਰੁਪਏ ਦੀ ਨਕਦੀ ਚੋਰੀ ਕਰਕੇ ਲੈ ਗਏ । ਟਾਂਡਾ ਪੁਲਿਸ ਨੇ ਪੀੜਤਾ ਸੁਖਵਿੰਦਰ ਕੌਰ ਦੇ ਬਿਆਨ ਦਰਜ਼ ਕਰਨ ਤੋਂ ਬਾਅਦ ਆਪਣੀ ਜਾਂਚ ਸ਼ੁਰੂ ਕਰ ਦਿੱਤੀ ।