ਦਸੂਹਾ, 11 ਫਰਵਰੀ (ਚੌਧਰੀ )

: ਚਾਈਨਾ ਡੋਰ ਦੀ ਲਪੇਟ ਵਿੱਚ ਆਉਣ ਕਰਕੇ ਨਵਦੀਪ ਸਿੰਘ (7 ਸਾਲ)ਪੁੱਤਰ ਰਘਵੀਰ ਸਿੰਘ ਵਾਸੀ ਜਲੋਟਾ ਦੇ ਜ਼ਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਰਘਵੀਰ ਸਿੰਘ ਆਪਣੀ ਯੂਪਿਟਰ ਸਕੂਟਰੀ ਉੱਤੇ ਆਪਣੇ ਉਕਤ ਬੱਚੇ ਸਮੇਤ ਪਿੰਡ ਹਰਦੋਥਲਾ ਵਿਖੇ ਦਰਬਾਰ ਤੇ ਮੱਥਾ ਟੇਕਣ ਗਏ ਸਨ। ਉਸ ਤੋਂ ਬਾਅਦ ਉਹ ਆਪਣੇ ਨਿੱਜੀ ਕੰਮ ਸਬੰਧੀ ਦਸੂਹਾ ਦੇ ਬਾਜ਼ਾਰ ਵਿਖੇ ਗਏ। ਜਿੱਥੇ ਆਪਣਾ ਕੰਮ ਨਿਪਟਾਉਣ ਤੋਂ ਬਾਅਦ ਜਦੋਂ ਦਸੂਹਾ ਦੇ ਬਣੇ ਓਵਰ ਬ੍ਰਿਜ ਰਾਹੀਂ ਪਿੰਡ ਨੂੰ ਵਾਪਿਸ ਆਉਣ ਲੱਗੇ ਤਾਂ ਉਕਤ ਬੱਚਾ ਜੋ ਸਕੂਟਰੀ ਦੇ ਅੱਗੇ ਖੜਾ ਸੀ ਚਾਈਨਾ ਡੋਰ ਦੀ ਲਪੇਟ ਵਿੱਚ ਆ ਗਿਆ। ਜਿਸ ਕਾਰਨ ਬੱਚੇ ਦੇ ਖੂਨ ਜਿਆਦਾ ਨਿਕਲਣ ਲੱਗ ਪਿਆ। ਜਿਸ ਨੂੰ ਦੇਖਦੇ ਹੋਏ ਰਘਵੀਰ ਸਿੰਘ ਵੱਲੋਂ ਆਪਣੇ ਬੱਚੇ ਨੂੰ ਸਿਵਲ ਹਸਪਤਾਲ ਐਮਰਜੰਸੀ ਵਿੱਚ ਲਿਜਾਇਆ ਗਿਆ ਜਿੱਥੇ ਮੌਕੇ ਦੇ ਡਾਕਟਰ ਤੇ ਸਟਾਫ ਨੇ ਬੱਚੇ ਦੀਆਂ ਚਾਰ ਉਂਗਲਾਂ ਤੇ ਟਾਂਕੇ ਲਗਾਏ ਅਤੇ ਮੁੱਢਲੀ ਸਹਾਇਤਾ ਦਿੱਤੀ। ਇਸ ਮੌਕੇ ਤੇ ਬੱਚੇ ਦੇ ਪਿਤਾ ਰਘਵੀਰ ਸਿੰਘ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਚਾਈਨਾ ਡੋਰ ਵੇਚਣ ਵਾਲਿਆਂ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਭਵਿੱਖ ਵਿੱਚ ਅਜਿਹੀਆਂ ਘਟਨਾਵਾਂ ਨਾ ਹੋ ਸਕਣ। ਕਿਉਂਕਿ ਅਜਿਹੀਆਂ ਘਟਨਾਵਾਂ ਪਹਿਲਾਂ ਵੀ ਵਾਪਰ ਚੁੱਕੀਆਂ ਹਨ।