ਗੜ੍ਹਸ਼ੰਕਰ 2 ਫਰਵਰੀ (ਅਸ਼ਵਨੀ ਸ਼ਰਮਾ) : ਇਥੋ ਦੇ ਅਨੰਦਪੁਰ ਸਾਹਿਬ ਚੋਕ ਨਜ਼ਦੀਕ ਪੈਂਦੇ ਐੇਕਸਪਰਟ ਸਲੂਨ ਦੀ ਦੁਕਾਨ ਨੂੰ ਚੋਰਾ ਵਲੋ ਬੀਤੇ ਦਿਨ ਨਿਸ਼ਾਨਾ ਬਣਾਇਆ ਗਿਆ ।ਇਸ ਸਬੰਧੀ ਸਲੂਨ ਅਤੇ ਮਨਿਆਰੀ ਦੀ ਦੁਕਾਨ ਕਰ ਰਹੀ ਜਸਵੰਤ ਕੋਰ ਪਤਨੀ ਸਤਿੰਦਰ ਸਿੰਘ ਨੇ ਦੱਸਿਆ ਕਿ ਉਹਨਾ ਦੀ ਸ਼ਹਿਰ ਦੇ ਸ਼੍ਰੀ ਅਨੰਦਪੁਰ ਸਾਹਿਬ ਚੋਕ ਕੋਲ ਐੇਕਸਪਰਟ ਸਲੂਨ ਅਤੇ ਮਨਿਆਰੀ ਦੀ ਦੁਕਾਨ ਹੈ ਉਹ ਰੋਜ਼ ਦੀ ਤਰਾਂ ਕੱਲ ਸਵੇਰੇ ਕਰੀਬ ਅੱਠ ਵਜੇ ਆਪਣੀ ਦੁਕਾਨ ਖੋਲਣ ਆਏ ਤਾਂ ਉਹਨਾਂ ਦੇਖਿਆ ਕਿ ਦੁਕਾਨ ਦਾ ਸਾਰਾ ਸਮਾਨ ਖਿਲਰਿਆ ਪਿਆ ਸੀ ਅਤੇ ਕੈਮਰਿਆਂ ਦੀ ਭੰਨਤੋੜ ਕੀਤੀ ਹੋਈ ਸੀ ਅਤੇ ਅਤੇ ਕੈਮਰਿਆਂ ਦੀ ਰਿੰਕਾਡਿੰਗ ਕਰਨ ਵਾਲਾ ਡੀ ਵੀ ਆਰ ਵੀ ਚੋਰੀ ਸੀ ਜਦੋਂ ਉਨ੍ਹਾਂ ਸਾਰੇ ਸਮਾਨ ਦੀ ਦੇਖ ਰੇਖ ਕੀਤੀ ਤਾ ਪਤਾ ਚੱਲਿਆ ਕਿ ਅਤੇ ਦੁਕਾਨ ਵਿੱਚੋਂ ਕੀਮਤੀ ਸਮਾਨ ਤੋ ਇਲਾਵਾ ਕਰੀਬ ਵੀਹ ਹਜ਼ਾਰ ਦੀ ਨਕਦੀ ਵੀ ਗਾਇਬ ਸੀ। ਉਹਨਾਂ ਦੇ ਦੱਸਣ ਮੁਤਾਬਕ ਚੋਰਾਂ ਵਲੋ ਉਪਰਲੀ ਮੰਜਿਲ ਦਾ ਦਰਵਾਜ਼ਾ ਤੋੜ ਕੇ ਦੁਕਾਨ ਵਿੱਚੋਂ ਸਮਾਨ ਚੋਰੀ ਕੀਤਾ ਗਿਆ ਅਤੇ ਦੁਕਾਨ ਤੋ ਚੋਰੀ ਹੋਣ ਵਾਲਾ ਸਮਾਨ ਦੀ ਕੀਮਤ ਕਰੀਬ ਇੱਕ ਲੱਖ ਰੁਪਏ ਸੀ ਜਿਸ ਦੀ ਇਤਲਾਹ ਉਹਨਾਂ ਵਲੋ ਗੜ੍ਹਸ਼ੰਕਰ ਪੁਲਿਸ ਨੂੰ ਦਿੱਤੀ ਗਈ ।