ਦਸੂਹਾ 12 ਫਰਵਰੀ(ਚੌਧਰੀ) : ਜਿਲ੍ਹਾ ਸਿਵਲ ਸੋਸਾਇਟੀ ਦੇ ਕਨਵੀਨਰ ਚੌਧਰੀ ਕੁਮਾਰ ਸੈਣੀ ਨੇ ਕੌਰ ਕਮੇਟੀ ਦੀ ਮੀਟਿੰਗ ਤੋਂ ਬਾਅਦ ਪੱਤਰਕਾਰਾ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਸ਼੍ਰੀ ਵਿਵੇਕਾਨੰਦ ਦੁਆਰਾ ਸੰਨ 1893 ਵਿੱਚ ਅਮਰੀਕਾ ਦੇ ਸੰਸਦ ਸ਼ਿਕਾਗੋ ਤੋਂ ਵਾਪਸ ਪਰਤਣ ਤੇ ਭਾਸ਼ਣ ਦਿੰਦੇ ਹੋਏ ਕਿਹਾ ਸੀ ਕਿ “ਗਰਵ ਸੇ ਕਹੋ ਹਮ ਹਿੰਦੂ ਹੈਂ”, ਦੇ ਸ਼ਬਦ ਪੰਜਾਬ ਵਿਧਾਨ ਸਭਾ ਚੋਣਾਂ ਦੌਰਾਨ ਕਸਬੇ ਅਤੇ ਸ਼ਹਿਰਾਂ ਵਿੱਚ ਇੱਕ ਸਮੁਦਾਇ ਵੱਲੋਂ ਪ੍ਰਚਾਰੇ ਜਾ ਰਹੇ ਹਨ। ਸ਼ਹਿਰੀ ਇਲਾਕਿਆਂ ਵਿੱਚ ਇਸ ਸਲੋਗਨ ਨੂੰ ਕਾਫੀ ਚੰਗਾ ਹੁੰਗਾਰਾ ਵੀ ਮਿਲ ਰਿਹਾ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਲੋਕ ਪੰਜਾਬ ਵਿੱਚ ਬਦਲਾਅ ਦੀ ਹਾਲਤ ਵਿੱਚ ਅਜਿਹੀ ਸਰਕਾਰ ਚਾਹੁੰਦੇ ਹਨ ਕਿ ਜੋ ਪੰਜਾਬ ਨੂੰ ਆਰਥਿਕ ਸੰਕਟ ਵਿੱਚੋਂ ਕੱਢ ਸਕੇ ਅਤੇ ਸਮੁੱਚੇ ਪੰਜਾਬ ਵਿੱਚ ਵਿਕਾਸ ਦਾ ਕੰਮ ਕਰ ਸਕੇ। ਪੰਜਾਬ ਦੇ ਲੋਕ ਮਾਫੀਆ ਮੁਕਤ ਸੂਬਾ ਬਣਾਉਣ ਦੀ ਵੀ ਇੱਛਾ ਰੱਖਦੇ ਹਨ। ਇਸ ਇੱਛਾ ਦੀ ਪੂਰਤੀ ਲਈ ਜਰੂਰੀ ਹੈ ਕਿ ਕੇਂਦਰੀ ਸਰਕਾਰ ਨਾਲ ਸਹਿਯੋਗ ਕਰਨ ਵਾਲੀ ਕੋਈ ਵੀ ਧਿਰ ਪੰਜਾਬ ਦੀ ਸੱਤਾ ਵਿੱਚ ਆਵੇ ਤਾਂ ਜੋ ਤਿੰਨ ਲੱਖ ਕਰੋੜ ਰੁਪਏ ਦੇ ਕਰਜ਼ੇ ਦੇ ਬਾਵਜੂਦ ਸੂਬੇ ਦਾ ਵਿਕਾਸ ਹੋ ਸਕੇ। ਇਸ ਚੋਣਾਂ ਦੌਰਾਨ ਰਾਜਨੀਤੀਕ ਪਾਰਟੀਆਂ ਵੱਲੋਂ ਦਿੱਤੇ ਜਾ ਰਹੇ ਫ੍ਰੀ ਵਾਅਦਿਆਂ ਨੂੰ ਵੀ ਬਹੁਤੀ ਮਹੱਤਤਾ ਨਹੀਂ ਦੇ ਰਹੇ, ਕਿਉੰਕਿ ਆਖਰਕਾਰ ਇਹਨਾ ਦਾ ਬੋਝ ਸੂਬੇ ਦੇ ਆਮ ਲੋਕਾਂ ਤੇ ਹੀ ਪੈਂਦਾ ਹੈ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਜਗਜੀਤ ਸਿੰਘ ਬਲੱਗਣ, ਰਿਟਾਇਰ ਪ੍ਰਿੰਸੀਪਲ ਸਤੀਸ਼ ਕਾਲੀਆ, ਰਿਟਾਇਰ ਹੈਡਮਾਸਟਰ ਰਣਬੀਰ ਚੰਦ, ਰਾਜਿੰਦਰ ਸਿੰਘ ਟਿੱਲੂਵਾਲ, ਮਾਸਟਰ ਰਮੇਸ਼ ਸ਼ਰਮਾ, ਵਿਨੋਦ ਕੁਮਾਰ ਹੰਸ, ਜਗਮੋਹਨ ਸ਼ਰਮਾ, ਕਰਨਲ ਜੇ.ਐਲ. ਸ਼ਰਮਾ ਅਤੇ ਸੁਰਿੰਦਰ ਨਾਥ ਆਦਿ ਹਾਜ਼ਰ ਸਨ।
ਇਸ ਵਾਰ ਪੰਜਾਬ ਵਿਧਾਨ ਸਭਾ ਚੋਣਾਂ ਵਿੱਚ ਚੱਲ ਰਹੀ ਹੈ ਬਦਲਾਅ ਦੀ ਹਵਾ : ਜਿਲਾ ਸਿਵਲ ਸੋਸਾਇਟੀ
- Post published:February 12, 2022
You Might Also Like
LATEST.. ਗੜ੍ਹਦੀਵਾਲਾ : ਪਿੰਡ ਮੱਲੀਆਂ ਨੰਗਲ ਵਿਖੇ ਢੇਰਾਂ ਲਾਗੇ ਭੰਗ ਵਿੱਚ ਲੁੱਕਾ ਕੇ ਰੱਖੀਆਂ 36 ਬੋਤਲਾਂ ਨਜਾਇਜ਼ ਸ਼ਰਾਬ ਪਲਿਸ ਵਲੋਂ ਬਰਾਮਦ
लाला जगत नारायण डी.ए.वी पब्लिक स्कूल में कक्षा दसवीं का विदायगी समारोह सम्पन्न
ਐੱਸ.ਪੀ.ਰੁਪਿੰਦਰ ਕੌਰ ਭੱਟੀ ਵਰਗੀ ਨਿਡਰ ਅਧਿਕਾਰੀ ਦਾ ਸਹਿਯੋਗ ਕਰਨਾ ਸਮੂਹ ਨਾਗਰਿਕਾਂ ਦਾ ਮੁੱਢਲਾ ਫਰਜ਼ – ਡਾ.ਭਾਟੀਆ
वर्ष की पहली राष्ट्रीय लोक अदालत में हुआ 2585 केसों का मौके पर निपटारा








