ਬਾਲ ਵਾਟਿਕਾ ਸਕੂਲ ‘ਚ “ਸਮਰ ਕੈਂਪ 2022″ ਦੇ ਤੀਸਰੇ ਦਿਨ ਦਾ ਆਯੋਜਨ
ਗੜ੍ਹਦੀਵਾਲਾ 4 ਜੁਲਾਈ (ਚੌਧਰੀ) : ਬਾਲ ਵਾਟਿਕਾ ਸਕੂਲ ਵਿੱਚ ਮੈਨੇਜਿੰਗ ਡਾਇਰੈਕਟਰ ਨਰੇਸ਼ ਡਡਵਾਲ,ਡਾਇਰੈਕਟਰ ਮੈਡਮ ਰਿੰਪੀ ਡਡਵਾਲ ਦੀ ਦੇਖ-ਰੇਖ ਵਿੱਚ ਮਿਸ ਆਂਚਲ ਠਾਕੁਰ ਅਤੇ ਸਮੂਹ ਸਟਾਫ਼ ਦੀ ਸਹਾਇਤਾ ਨਾਲ ਗਰਮੀ ਦੀਆਂ ਛੁੱਟੀਆਂ ਦੌਰਾਨ ਸਕੂਲ ਵਿੱਚ ਚੱਲ ਰਹੇ “ਸਮਰ ਕੈਂਪ’ ਦੇ ਤੀਸਰੇ ਦਿਨ ਦਾ ਆਯੋਜਨ ਕੀਤਾ ਗਿਆ|ਕੈਂਪ ਦਾ ਆਰੰਭ ਰੋਜ਼ਾਨਾ ਦੀ ਤਰ੍ਹਾਂ ਯੋਗ ਅਤੇ ਪ੍ਰਾਰਥਨਾ ਨਾਲ ਕੀਤਾ ਗਿਆ | ਸਮਰ ਕੈਂਪ ਦੀ ਅੱਜ ਦੀ ਕਿਰਿਆ ਦਾ ਨਾਂ ਹੈ ‘ਡਾਈਨਿੰਗ ਐਟੀਕੇਟਸ’ (ਖਾਣਾ ਖਾਣ ਦਾ ਸਲੀਕਾ) | ਸਕੂਲ ਦੇ ਅਧਿਆਪਕਾ ਮਿਸ ਸਿਮਰਨਜੀਤ ਕੌਰ ਨੇ ਡਾਈਨਿੰਗ ਐਟੀਕੇਟਸ ਦੀ ਮਹੱਤਤਾ ਬਾਰੇ ਦੱਸਿਆ | ਇਸ ਕਿਰਿਆ ਨੂੰ ਅਧਿਆਪਕਾ ਸੁਜਾਤਾ ਠਾਕੁਰ ਅਤੇ ਅਮਨ ਦੀਪ ਕੌਰ ਨੇ ਬੜੇ ਹੀ ਵਧੀਆ ਤਰੀਕੇ ਨਾਲ਼ ਬੱਚਿਆਂ ਨੂੰ ਸਮਝਾਇਆ ਅਤੇ ਸਿਖਾਇਆ ਹੈ | ਉਹਨਾਂ ਨੇ ਬੱਚਿਆਂ ਨੂੰ ਦੱਸਿਆ ਕਿ ਖਾਣਾ ਖਾਣ ਤੋਂ ਪਹਿਲਾਂ ਆਪਣੇ ਹੱਥ ਚੰਗੀ ਤਰ੍ਹਾਂ ਸਾਫ਼ ਪਾਣੀ ਨਾਲ਼ ਧੋਣੇ ਚਾਹੀਦੇ ਹਨ, ਖਾਣਾ ਖਾਣ ਵਾਲ਼ੇ ਮੇਜ਼ ਤੇ ਬੈਠਣ ਤੋਂ ਪਹਿਲਾਂ ਅਤੇ ਉੱਠਣ ਤੋਂ ਬਾਅਦ ਬਿਨਾਂ ਅਵਾਜ਼ ਦੇ ਕੁਰਸੀ ਨੂੰ ਖਿੱਚਣਾ ਅਤੇ ਅੰਦਰ ਕਰਨਾ ਚਾਹੀਦਾ ਹੈ,ਜਦੋਂ ਖਾਣਾ ਖਾ ਰਹੇ ਹੁੰਦੇ ਹਾਂ ਨਾਂ ਤਾਂ ਸਾਨੂੰ ਕੋਈ ਗੱਲ ਬਾਤ ਕਰਨੀ ਚਾਹੀਦੀ ਹੈ ਅਤੇ ਨਾਂ ਹੀ ਕੋਈ ਟੀ.ਵੀ ਜਾਂ ਮੋਬਾਈਲ ਫੋਨ ਇਸਤੇਮਾਲ ਕਰਨਾ ਚਾਹੀਦਾ ਹੈ | ਬੱਚਿਆਂ ਨੂੰ ਇਹ ਵੀ ਦੱਸਿਆ ਗਿਆ ਕਿ ਕੁਰਸੀ ਤੇ ਹਮੇਸ਼ਾ ਸਹੀ ਢੰਗ ਨਾਲ ਬੈਠਣਾ ਚਾਹੀਦਾ ਹੈ ਅਤੇ ਜੋ ਚੀਜ਼ ਵੀ ਅਸੀ ਖਾਣਾ ਖਾਣ ਲਈ ਪ੍ਰਯੋਗ ਕਰ ਰਹੇ ਹਾਂ, ਉਸਦਾ ਇਸਤੇਮਾਲ ਕਿਸ ਤਰ੍ਹਾਂ ਕਰਨਾ ਹੈ | ਖਾਣਾ ਖਾਣ ਦਾ ਸਲੀਕਾ ਜਾਂ ਢੰਗ ਬੱਚਿਆਂ ਨੂੰ ਵਿਹਾਰਕ ਰੂਪ ਵਿੱਚ ਕਰਵਾਇਆ ਗਿਆ ਅਤੇ ਇਸ ਨਾਲ਼ ਸੰਬੰਧਿਤ ਵੀਡਿਓ ਬੱਚਿਆਂ ਨੂੰ “ਪ੍ਰੋਜੈਕਟਰ” ਅਤੇ “ਐਲ .ਈ. ਡੀ” ਤੇ ਦਿਖਾਈ ਗਈ | ਸਾਰੇ ਬੱਚਿਆਂ ਨੇ ਇਸ ਕਿਰਿਆ ਨੂੰ ਕਰਕੇ ਬਹੁਤ ਖੁਸ਼ੀ ਅਨੁਭਵ ਕੀਤੀ | ਇਸ ਦਿਨ ਦੀ ਸਮਾਪਤੀ ਵੀ ਰਾਸ਼ਟਰੀ – ਗਾਣ ਨਾਲ਼ ਕੀਤੀ ਗਈ |
