ਟਾਂਡਾ / ਦਸੂਹਾ (ਚੌਧਰੀ) 

ਲੁਟੇਰਿਆਂ ਨੇ ਦਿੱਲੀ ਤੋਂ ਡਲਹੌਜੀ ਜਾ ਰਹੇ ਯਾਤਰੀਆਂ ਕੋਲੋਂ ਪਿਸਤੌਲ ਦੇ ਨੋਕ ‘ਤੇ ਖੋਹੀ ਸਿਆਜ ਕਾਰ,6 ਨਾ ਮਾਲੂਮ ਵਿਅਕਤੀਆਂ ਤੇ ਮਾਮਲਾ ਦਰਜ 

25 ਸਤੰਬਰ : ਪਠਾਨਕੋਟ ਹਾਈਵੇਅ ‘ਤੇ ਬੀਤੇ ਸ਼ਨੀਵਾਰ ਪਿੰਡ ਮੂਨਕ ਕਲਾ ਨੇੜੇ ਦਿੱਲੀ ਤੋਂ ਡਲਹੌਜੀ ਜਾ ਰਹੇ ਯਾਤਰੀਆਂ ਕੋਲੋਂ ਪਿਸਤੌਲ ਦੇ ਨੋਕ ‘ਤੇ ਸਵਿੱਫਟ ਸਵਾਰ ਲੁਟੇਰਿਆਂ ਵਲੋਂ ਸਿਆਜ ਕਾਰ ਖੋਹਣ ਤੇ ਟਾਂਡਾ ਪੁਲਸ ਨੇ 6 ਨਾ ਮਾਲੂਮ ਵਿਅਕਤੀਆਂ ਤੇ ਮਾਮਲਾ ਦਰਜ ਕੀਤਾ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਧਰੂਵ ਗਰੋਵਰ ਪੁੱਤਰ ਅਸ਼ਵਨੀ ਗਰੋਵਰ ਵਾਸੀ ਮਕਾਨ ਨੰ 133 ਸ਼੍ਰੀ ਵਿਨਾਇਕ ਅਪਾਰਟਮੈਟ ਪਲਾਟ ਨੰ 5-ਸੀ ਸੈਕਟਰ 22 ਦਵਾਰੀਕਾ ਸਾਊਥ ਵੈਸਟ ਦਿੱਲੀ ਨੇ ਕਿਹਾ ਕਿ ਮਿਤੀ 24-9-22 ਨੂੰ ਵਕਤ ਕਰੀਬ 6-10 ਏ.ਐਮ ਉਹ ਆਪਣੀ ਕਾਰ ਨੇ DL-12-CL-3524 ਮਾਰਕਾ ਸਿਆਜ ਰੰਗ ਡਾਰਕ ਗ੍ਰੇਅ ਤੇ ਸਵਾਰ ਹੋ ਕੇ ਦਿੱਲੀ ਤੋ ਡਲਹੋਜੀ ਨੂੰ ਜਾ ਰਹੇ ਸੀ ਤਾਂ ਜਦ ਅਸੀ ਪਿੰਡ ਮੂਨਕ ਕਲਾਂ ਪਾਸ ਕਾਰ ਪੇਸ਼ਾਬ ਕਰਨ ਲਈ ਰੋਕੀ ਤਾ ਇੱਕ ਸਵਿਫਟ ਕਾਰ ਬਿਨਾਂ ਨੰਬਰੀ ਜਿਸ ਵਿੱਚ 4 ਮੋਨੇ ਤੇ 2 ਸਰਦਾਰ ਵਿਅਕਤੀ ਸਵਾਰ ਸਨ। ਜਿੰਨਾ ਦੇਸੀ ਪਿਸਤੋਲ ਦੀ ਨੋਕ ਤੇ ਉਕਤ ਨੰਬਰੀ ਕਾਰ ਸਮੇਤ ਪਰਸ,ਅਧਾਰ ਕਾਰਡ,ਪੈਨ ਕਾਰਡ,ਡਰਾਈਵਿੰਗ ਲਾਇਸੈਂਸ ਤੇ ਹੋਰ ਡਾਕੂਮੈਂਟ ਲੈਪਟਾਪ ਮੋਬਾਇਲ ਫੋਨ ਖੋਹ ਕੇ ਪਟਾਨਕੋਟ ਸਾਈਡ ਨੂੰ ਭੱਜ ਜਾਣ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।