ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ,ਚੌਧਰੀ) ਅੱਜ ਗੜਦੀਵਾਲਾ ਵਿਖ਼ੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਸੰਜੀਵ ਮਨਹਾਸ ਨੇ ਕਿਹਾ ਕੇ ਗੜਦੀਵਾਲਾ ਤੋਂ ਮਸਤੀਵਾਲ ਰੋੜ ਸੜਕ ਦਾ ਕੰਮ ਡੇਢ ਸਾਲ ਤੋਂ ਅਧੂਰਾ ਪਿਆ ਹੈ ਪਿਛਲੀ ਸਰਕਾਰ ਵਿੱਚ ਰਿਪੇਅਰ ਦਾ ਕੰਮ ਸ਼ੁਰੂ ਕੀਤਾ ਸੀ ਉਸ ਤੋ ਬਾਅਦ ਆਪ ਸਰਕਾਰ ਬਣਨ ਤੋਂ ਬਾਅਦ ਹਲ਼ਕਾ ਵਿਧਾਇਕ ਵੀ ਅਕਸਰ ਇਸ ਸੜਕ ਤੋਂ ਗੁਜ਼ਰਦੇ ਨੇ ਕੀ ਉਹਨਾਂ ਨੂੰ ਇਹ ਗਾਰੇ ਨਾਲ ਭਰੀ ਸੜਕ ਦਿਖਾਈ ਨਹੀਂ ਦਿੰਦੀ। ਉਹਨਾਂ ਦੱਸਿਆ ਕਿ ਇਸਦੇ ਨਾਲ਼ ਨਾਲ ਹੋਰ ਪਿੰਡਾਂ ਤੋਂ ਗੜ੍ਹਦੀਵਾਲਾ ਨੂੰ ਆਉਣ ਵਾਲਿਆ ਸਾਰਿਆ ਸੜਕਾਂ ਦਾ ਬੂਰਾ ਹਾਲ ਹੈ ਅਤੇ ਵਿਧਾਇਕ ਦੇ ਸਿਰ ਤੇ ਇਸਦਾ ਕੋਈ ਅਸਰ ਨਹੀ ਹੋ ਰਿਹਾ । । ਮਨਹਾਸ ਨੇ ਕਿਹਾ ਕਿ ਕੰਡੀ ਇਲਾਕ਼ੇ ਦੀ ਇਹ ਮੁੱਖ ਸੜਕ ਵਿਚ ਮੱਛੀਆ ਪਾਉਣ ਦਾ ਕੰਮ ਹੀ ਬਾਕੀ ਰਹਿ ਗਿਆ ਹੈ । ਉਹਨਾ ਪ੍ਰੈਸ ਰਾਹੀਂ ਹਲ਼ਕਾ ਉੜਮੁੜ ਦੇ ਵਿਧਾਇਕ ਨੂੰ ਪੁੱਛਿਆ ਕਿ ਕੀ ਟੁੱਟੀਆ ਸੜਕਾ ਹੀ ਨਵੀਂ ਸਰਕਾਰ ਦਾ ਬਦਲਾਵ ਹੈ? ਮਨਹਾਸ ਨੇ ਕਿਹਾ ਕਿ ਲੱਗਭਗ ਡੇਢ ਸਾਲ ਤੋਂ ਇਸ ਸੜਕ ਦੀ ਹਾਲਤ ਤਰਸਯੋਗ ਬਣੀ ਹੋਈ ਹੈ। ਸਕੂਲ ਜਾਣ ਵਾਲੇ ਬੱਚੇ ਤੇ ਆਮ ਲੋਕਾਂ ਦਾ ਇਸ ਸੜਕ ਤੋ ਗੁਜ਼ਰਨਾ ਕਿਸੀ ਵੱਡੀ ਮੁਸੀਬਤ ਤੋਂ ਘਟ ਨਹੀਂ। ਮਨਹਾਸ ਨੇ ਆਪ ਸਰਕਾਰ ਤੇ ਅਰੋਪ ਲਗਾਉਂਦੇ ਹੋਏ ਕਿਹਾ ਕੇ ਪੰਜਾਬ ਸਰਕਾਰ ਦਾ ਲੋਕਾਂ ਦੀਆਂ ਮੁਸ਼ਕਿਲਾ ਵੱਲ ਕੋਈ ਧਿਆਨ ਹੀ ਨਹੀਂ। ਉਨ੍ਹਾਂ ਹਲਕਾ ਵਿਧਾਇਕ ਨੂੰ ਕੋਸਦੇ ਹੋਏ ਪ੍ਰੈਸ ਰਾਹੀਂ ਕਿਹਾ ਕੇ ਤੁਹਾਨੂੰ ਲੋਕਾਂ ਨੇ ਵਿਕਾਸ ਕਰਵਾਉਣ ਲਈ ਵੋਟਾਂ ਪਾਈਆਂ ਸਨ ਨਾਂ ਕਿ ਸਰਕਾਰੀ ਖਰਚਿਆਂ ਤੇ ਘੁੰਮਣ ਫਿਰਨ ਵਾਸਤੇ । ਇਸ ਮੌਕੇ ਮਨਹਾਸ ਨੇ ਚਿੱਕੜ ਵਾਲੀ ਸੜਕ ਦੇ ਹਾਲਾਤ ਦਖਾਉਦੇ ਹੋਏ ਸਰਕਾਰ ਨੂੰ ਚੇਤਾਵਨੀ ਦਿੰਦੇ ਹੋਏ ਕਿਹਾ ਜਲਦੀ ਤੋਂ ਜਲਦੀ ਸੜਕ ਬਣਾਈ ਜਾਵੇ ਨਹੀਂ ਤਾਂ ਇਲਾਕ਼ੇ ਦੇ ਲੋਕਾਂ ਨੂੰ ਨਾਲ਼ ਲੈ ਕੇ ਧਰਨਾ ਪ੍ਰਦਰਸ਼ਨ ਲਾਉਣ ਲਈ ਮਜ਼ਬੂਰ ਹੋਵਾਗੇ ।
